ಪಾಟ್ನಾ(ಬಿಹಾರ) : ಮಕ್ಕಳ ಹುಟ್ಟುಹಬ್ಬಕ್ಕಾಗಿ ಲಕ್ಷಾಂತರ ರೂಪಾಯಿ ಖರ್ಚು ಮಾಡಿ ಹೊಸ ಹೊಸ ವಿನ್ಯಾಸದ ಬೈಕ್ಗಳನ್ನ ಪೋಷಕರು ಕೊಡಿಸುವುದು ಸರ್ವೆ ಸಾಮಾನ್ಯ. ಆದರೆ, ಬಿಹಾರದ ಪಾಟ್ನಾದಲ್ಲಿನ ವ್ಯಕ್ತಿಯೋರ್ವ ತಮ್ಮ ಮಗನಿಗೆ ಸ್ಕ್ರ್ಯಾಪ್ನಿಂದಲೇ ವಿನ್ಯಾಸಗೊಳಿಸಿರುವ ವಿನೂತನ ಬೈಕ್ ಉಡುಗೊರೆಯಾಗಿ ನೀಡಿದ್ದಾರೆ. ಅತ್ಯಂತ ಕಡಿಮೆ ಬೆಲೆಯಲ್ಲಿ ತಯಾರುಗೊಂಡಿರುವ ಈ ಬೈಕ್ ಇದೀಗ ಎಲ್ಲರ ಆಕರ್ಷಣೆಯ ಕೇಂದ್ರ ಬಿಂದುವಾಗಿದೆ.
ಕಳೆದ 39 ವರ್ಷಗಳ ಹಿಂದೆ ಭಾರತದಲ್ಲಿ ರಾಜ್‌ದೂತ್‌ ಬೈಕ್ ಸಿಕ್ಕಾಪಟ್ಟೆ ಫೇಮಸ್ ಆಗಿತ್ತು. ಆದರೆ, ಕಾಲಕ್ರಮೇಣ ಅದು ಕಣ್ಮರೆಯಾಯಿತು. ಇದೀಗ ಅದನ್ನೇ ಹೋಲುವ ಮಿನಿ ಬೈಕ್ವೊಂದನ್ನ ಮೆಕ್ಯಾನಿಕ್ವೋರ್ವರು ಸ್ಕ್ರ್ಯಾಪ್ಗಳ ಸಹಾಯದಿಂದ ತಯಾರಿಸಿದ್ದಾರೆ. ಅದಕ್ಕಾಗಿ ಸುಮಾರು 30 ರಿಂದ 40 ಸಾವಿರ ರೂಪಾಯಿ ಖರ್ಚು ಮಾಡಿದ್ದಾಗಿ ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ನಡು ರಸ್ತೆಯಲ್ಲೇ ಪೊಲೀಸ್ ಕಾನ್ಸ್ಟೇಬಲ್ ಮೇಲೆ ಅಮಾನುಷ ಹಲ್ಲೆ.. ವಿಡಿಯೋ ವೈರಲ್!
ಪಾಟ್ನಾದ ಮೆಕ್ಯಾನಿಕ ಮೋಹನ್ ಈ ಬೈಕ್ ವಿನ್ಯಾಸಗೊಳಿಸಿದ್ದು, ಅದಕ್ಕಾಗಿ ತಮ್ಮ ಗ್ಯಾರೇಜ್ನಲ್ಲಿನ ಕೆಲವೊಂದು ಬಿಡಿ ಭಾಗ ಉಪಯೋಗಿಸಿದ್ದಾರೆ. ಮಗನ ಹುಟ್ಟುಹಬ್ಬಕ್ಕೆ ಮಿನಿ ರಾಜದೂತ್ ಬೈಕ್ ಉಡುಗೊರೆಯಾಗಿ ನೀಡಿದ್ದಾರೆ. ವಿನೂತನ ಬೈಕ್ ನೋಡಿರುವ ಅನೇಕರು ಇದೀಗ ತಂಡೋಪ ತಂಡವಾಗಿ ಬಂದು ಅದರೊಂದಿಗೆ ಸೆಲ್ಫಿ ಸಹ ತೆಗೆದುಕೊಳ್ಳುತ್ತಿದ್ದಾರೆ. ಈ ಮಿನಿ ಬೈಕ್ ಪ್ರತಿ ಲೀಟರ್ಗೆ 40ರಿಂದ 45 ಕಿಲೋಮೀಟರ್ ಮೈಲೇಜ್ ನೀಡ್ತಿದ್ದು, 40 ಕೆಜಿ ತೂಕ ಹೊಂದಿದೆ. ಚಿಕ್ಕದಾದ ಚಕ್ರಗಳು ಇರುವ ಕಾರಣ ಮಕ್ಕಳು, ವಯಸ್ಸಾದವರು ಹಾಗೂ ಹಿರಿಯರು ಇದನ್ನ ಓಡಿಸಬಹುದಾಗಿದೆ.
