ಮುಂಬೈ (ಮಹಾರಾಷ್ಟ್ರ): ಟ್ರಾಕ್ ಆನ್ ಸರ್ವಿಸ್ ಮೂಲಕ ಗಿಪ್ಟ್ ಕೊರಿಯರ್ ಕಳುಹಿಸುವ ನೆಪದಲ್ಲಿ ಇನ್ಸ್ಟಾಗ್ರಾಂ ಸ್ನೇಹಿತನೊಬ್ಬ ಯುವತಿಗೆ ಒಂದು ಲಕ್ಷ ರೂ. ವಂಚಿಸಿರುವ ಘಟನೆ ಮುಂಬೈನಲ್ಲಿ ನಡೆದಿದೆ. ನಗರದ ದಹಿಸರ್ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಕೇವಲ ಒಂದು ಗಂಟೆಯಲ್ಲಿ ಸಂತ್ರಸ್ತೆಯ ಹಣವನ್ನು ಹಿಂದಿರುಗಿಸಿಕೊಟ್ಟಿದ್ದಾರೆ. ಡಿಜಿಟಲ್ ಬ್ಯಾಂಕಿಗ್ ಯುಗದಲ್ಲಿ ಸೈಬರ್ ಕ್ರೈಂ ಪ್ರಕರಣಗಳು ದಿನೇ ದಿನೇ ಹೆಚ್ಚಾಗುತ್ತಿವೆ.
ಇನ್ಸ್ಟಾಗ್ರಾಮ್ ಮೂಲಕ ಪರಿಚಯವಾದ ಸ್ನೇಹಿತ ಟ್ರಾಕ್ ಆನ್ ಸರ್ವಿಸ್ ಮೂಲಕ ಉಡುಗೊರೆಯನ್ನು ಕೊರಿಯರ್ ಕಳುಹಿಸಿದ್ಧೇನೆ ಎಂದು ಯುವತಿಗೆ ತಿಳಿಸಿದ್ದಾನೆ. ಪಾರ್ಸಲ್ ವಿಳಂಬವಾದ ಕಾರಣ ಕೊರಿಯರ್ ಬಗ್ಗೆ ಮಾಹಿತಿ ಪಡೆಯಲು ಸ್ನೇಹಿತನೇ ಸೇವಾ ಸಂಖ್ಯೆಯನ್ನು ನೀಡಿ ಯುವತಿಗೆ ಕರೆ ಮಾಡಲು ಹೇಳಿದ್ದಾನೆ.
ಯುವತಿಯು ಕರೆ ಮಾಡಿದ ನಂತರ ವಂಚಕ ಈ ಸಂಖ್ಯೆಗೆ 3 ರೂ ಕಳುಹಿಸಿದರೆ ಕೋರಿಯರ್ನ ವಿವರವನ್ನು ಹೇಳುವುದಾಗಿ ಬೇಡಿಕೆ ಇಟ್ಟಿದ್ದಾನೆ. ಕೇವಲ ಮೂರು ರೂ. ಕಳುಹಿಸಲು ಯುವತಿಯು ತನ್ನ ಬ್ಯಾಂಕಿನ ಖಾತೆಯ ಎಲ್ಲಾ ವಿವರಗಳನ್ನು ವಂಚಕನ ಬಳಿ ಹಂಚಿಕೊಂಡಿದ್ದಾರೆ. ನಂತರ ವಂಚಕ ಯುವತಿಯ ಮೊಬೈಲ್ನಲ್ಲಿ ಎನಿ ಡೆಸ್ಕ್ ಮತ್ತು ಸ್ಕ್ರೀನ್ ಶೇರ್ ಡೌನ್ಲೋಡ್ ಮಾಡಿ ಯುವತಿಯ ಖಾತೆಯಿಂದ 99,990ರೂ ಗಳನ್ನು ತನ್ನ ಖಾತೆಗೆ ವರ್ಗಾಯಿಸಿಕೊಂಡಿದ್ದಾನೆ. ತಾನು ಮೋಸ ಹೋಗಿದ್ದೇನೆ ಎಂದು ತಿಳಿದ ಯುವತಿಯು ತಕ್ಷಣವೇ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
ಪ್ರಕರಣ ದಾಖಲಿಸಿಕೊಂಡ ಪೊಲೀಸ್ ಅಧಿಕಾರಿಗಳು ಸೈಬರ್ ಸೇಫ್ ಪೋರ್ಟಲ್ ಮೂಲಕ ಹೆಚ್ಡಿಎಫ್ಸಿ ಬ್ಯಾಂಕ್ ಮತ್ತು ಆರ್ಬಿಎಲ್ ಬ್ಯಾಂಕ್ನ ನೋಡಲ್ ಅಧಿಕಾರಿಗಳನ್ನು ಸಂಪರ್ಕಿಸಿ ಒಂದು ಗಂಟೆಯಲ್ಲಿ ಯುವತಿಯ ಹಣವನ್ನು ಹಿಂತಿರುಗಿಸಿಕೊಟ್ಟಿದ್ದಾರೆ.
ಬ್ಲೂ ಬಗ್ಗಿಂಗ್: ಇತ್ತಿಚಿನ ದಿನಗಳಲ್ಲಿ ಬ್ಲೂಟೂತ್ ಸಾಧನಗಳನ್ನು ಬಳಕೆ ಮಾಡವರ ಸಂಖ್ಯೆ ಹೆಚ್ಚಾಗುತ್ತಿದೆ. ಈ ನಡುವೆ ಹ್ಯಾಕರ್ಗಳು ಸ್ಮಾರ್ಟ್ಫೋನ್ ಮತ್ತು ಸ್ಮಾರ್ಟ್ವಾಚ್ಗಳನ್ನು ಹ್ಯಾಕ್ ಮಾಡಲು ಬ್ಲೂ ಬಗ್ಗಿಂಗ್ ಎಂಬ ಹೊಸ ವಿಧಾನವನ್ನು ಕಂಡುಕೊಂಡಿದ್ದಾರೆ.
ಕೈಯಲ್ಲಿ ಡಿಜಿಟಲ್ ವಾಚ್ ಮತ್ತು ಕಿವಿಯಲ್ಲಿ ಇಯರ್ ಪಾಡ್ ಬ್ಲೂಟೂತ್ ಸಾಧನಗಳ ಬಳಕೆ ಮಾಡುವವರ ಸಂಖ್ಯೆ ಹೆಚ್ಚಾಗುತ್ತಿದೆ. ಆದರೆ, ಸೈಬರ್ ವಂಚಕರು ಅದನ್ನೇ ಅಸ್ತ್ರವನ್ನಾಗಿ ಮಾಡಿಕೊಂಡು, ಕೇವಲ 10 ಮೀಟರ್ ವ್ಯಾಪ್ತಿಯಲ್ಲಿ ಬ್ಲೂಟೂತ್ ಮೂಲಕ ವಿನಂತಿ (ರಿಕ್ವೆಸ್ಟ್) ಕಳುಹಿಸುವ ಮೂಲಕ ಸಾರ್ವಜನಿಕ ಸ್ಥಳಗಳಲ್ಲಿ ಸ್ಮಾರ್ಟಫೋನ್ಗಳನ್ನು ಹ್ಯಾಕ್ ಮಾಡುತ್ತಿದ್ದಾರೆ.
ಅವರು ತಮ್ಮ ಬ್ಲೂಟೂತ್ ಹೆಸರನ್ನು ಫೋನ್ನ ಕಂಪನಿಯ ಹೆಸರಿಗೆ ಮತ್ತು ಇತರ ಗ್ಯಾಡ್ಜೆಟ್ಗಳಿಗೆ ಬದಲಾಯಿಸಿ ಜೋಡನೆ ಮಾಡಲು ವಿನಂತಿಯನ್ನು ಕಳುಹಿಸುತ್ತಾರೆ. ಜನರು ತಮ್ಮ ಸಾಧನಗಳನ್ನು ಜೋಡಿಸಿದ ನಂತರ ಫೋನ್ಗಳಿಗೆ ಮಾಲ್ವೇರ್ (ವೈರಸ್) ಬಿಟ್ಟು ಫೋನ್ನನ್ನು ಸಂಪೂರ್ಣವಾಗಿ ನಿಯಂತ್ರಿಸುತ್ತಾರೆ. ಮಾಲ್ವೇರ್ ಕಳುಹಿಸುವ ಮೂಲಕ ಫೋನ್ನಲ್ಲಿರುವ ಸಂಪರ್ಕಗಳು ಮತ್ತು ಫೋಟೋಗಳು ಇತರ ಮಾಹಿತಿಯನ್ನು ಕದಿಯುತ್ತಾರೆ. ಇಂತಹ ದಾಳಿಗಳನ್ನು ತಡೆಗಟ್ಟಲು ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳುವಂತೆ ಸೈಬರ್ ಪೊಲೀಸರು ಜನರನ್ನು ಕೋರಿದ್ದಾರೆ.
ಇದನ್ನೂ ಓದಿ: ಶ್ರೀ ಗುರು ರಾಘವೇಂದ್ರ ಸಹಕಾರ ಬ್ಯಾಂಕ್ ವಂಚನೆ ಪ್ರಕರಣ: ಇಡಿ ಅಧಿಕಾರಿಗಳಿಂದ ರಾಜೇಶ್ ಬಂಧನ
