ಸೂರತ್ (ಗುಜರಾತ್): ಪ್ರಪಂಚದ ಶೇಕಡ 90 ರಷ್ಟು ವಜ್ರಗಳನ್ನು ತಯಾರಿಸಲು ಹೆಸರುವಾಸಿಯಾಗಿದೆ ಸೂರತ್. ಪ್ರಸ್ತುತ ತನ್ನ ಅಭಿವೃದ್ಧಿ ಹೊಂದುತ್ತಿರುವ ಉದ್ಯಮಕ್ಕೆ ಅವಕಾಶ ಕಲ್ಪಿಸಲು ಗಮನಾರ್ಹವಾದ ಕಟ್ಟಡ ಹೊಂದಿದೆ. ಹೌದು, ನಗರದಲ್ಲಿ ಇತ್ತೀಚೆಗೆ ಉದ್ಘಾಟನೆಗೊಂಡ ಸಮಗ್ರ ಕೇಂದ್ರ ಸೂರತ್ ಡೈಮಂಡ್ ಬೋರ್ಸ್, ಕಟ್ಟರ್, ಪಾಲಿಷರ್ ಮತ್ತು ವ್ಯಾಪಾರಿಗಳು ಸೇರಿದಂತೆ 65,000ಕ್ಕೂ ಹೆಚ್ಚು ವಜ್ರ ವೃತ್ತಿಪರರು ಕೆಲಸ ಮಾಡಲಿದ್ದಾರೆ.
-
#WATCH | Gujarat | World's largest office complex - Surat Diamond Bourse - comes up in the Diamond City of Surat. Bigger than the Pentagon, the building complex - worth around Rs 3000 Crores, will start its functions on 21st November 2023. pic.twitter.com/uf2H0Tsnkp
— ANI (@ANI) July 19, 2023 " class="align-text-top noRightClick twitterSection" data="
">#WATCH | Gujarat | World's largest office complex - Surat Diamond Bourse - comes up in the Diamond City of Surat. Bigger than the Pentagon, the building complex - worth around Rs 3000 Crores, will start its functions on 21st November 2023. pic.twitter.com/uf2H0Tsnkp
— ANI (@ANI) July 19, 2023#WATCH | Gujarat | World's largest office complex - Surat Diamond Bourse - comes up in the Diamond City of Surat. Bigger than the Pentagon, the building complex - worth around Rs 3000 Crores, will start its functions on 21st November 2023. pic.twitter.com/uf2H0Tsnkp
— ANI (@ANI) July 19, 2023
ವಿಶಿಷ್ಟ ವಿನ್ಯಾಸ ಹೊಂದಿದೆ ಬೋರ್ಸ್ ಕೇಂದ್ರ: 7.1 ಮಿಲಿಯನ್ ಚದರ ಅಡಿಗಳಷ್ಟು ಜಾಗವನ್ನು ಹೊಂದಿರುವ ಇದು, ಪೆಂಟಗನ್ ಕಚೇರಿಯ ದಾಖಲೆಯನ್ನು ಮುರಿದು ಹೊಸ ದಾಖಲೆಗೆ ಕಾರಣವಾಗಿದೆ. ಅಲ್ಲದೇ ವಿಶ್ವದ ಅತಿದೊಡ್ಡ ಕಟ್ಟಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. 35 ಎಕರೆಗಳಷ್ಟು ವಿಸ್ತಾರವಿದ್ದು, 15 ಅಂತಸ್ತಿನ ಸಂಕೀರ್ಣವನ್ನು ಹೊಂದಿದೆ. ಬೋರ್ಸ್ ಕೇಂದ್ರವು ಒಂಬತ್ತು ಆಯತಾಕಾರದ ರಚನೆಗಳನ್ನು ಒಳಗೊಂಡಿರುವ "ಬೆನ್ನುಹುರಿ" ರೀತಿಯ ವಿಶಿಷ್ಟ ವಿನ್ಯಾಸವನ್ನು ಹೊಂದಿದೆ.
ನಾಲ್ಕು ವರ್ಷಗಳ ನಿರ್ಮಾಣ ಕಾರ್ಯದ ನಂತರ, ಕೋವಿಡ್ -ಸಂಬಂಧಿತ ವಿಳಂಬಗಳಿಂದ ಭಾಗಶಃ ಅಡಚಣೆಯಾಯಿತು. ಸೂರತ್ ಡೈಮಂಡ್ ಬೋರ್ಸ್ ನವೆಂಬರ್‌ನಲ್ಲಿ ತನ್ನ ಮೊದಲ ಉದ್ಯೋಗಿಗಳನ್ನು ಸ್ವಾಗತಿಸಲು ಸಿದ್ಧವಾಗಿದೆ. ಅಧಿಕೃತ ಉದ್ಘಾಟನೆಯನ್ನು ಈ ವರ್ಷದ ಕೊನೆಯಲ್ಲಿ ನಿಗದಿಪಡಿಸಲಾಗಿದೆ. ಪ್ರಧಾನಿ ನರೇಂದ್ರ ಮೋದಿಯವರು ಈ ಕಾರ್ಯಕ್ರಮದಲ್ಲಿ ಉಪಸ್ಥಿತರಿರಲಿದ್ದಾರೆ.
ಬೋರ್ಸ್ ಕೇಂದ್ರದಲ್ಲಿ 4,700ಕ್ಕೂ ಹೆಚ್ಚು ಕಚೇರಿ ಸ್ಥಳಗಳನ್ನು ಹೊಂದಿವೆ. ಇದು ಸಣ್ಣ ವಜ್ರ ಕತ್ತರಿಸುವ ಮತ್ತು ಪಾಲಿಶ್ ಮಾಡುವ ಉದ್ಯೋಗಿಗಳು ಕಾರ್ಯನಿರ್ವಹಿಸಲಿದ್ದಾರೆ. 131 ಎಲಿವೇಟರ್‌ಗಳು, ಜೊತೆಗೆ ಊಟ, ಚಿಲ್ಲರೆ ವ್ಯಾಪಾರ, ಕ್ಷೇಮ ಮತ್ತು ಕಾರ್ಮಿಕರಿಗೆ ಕಾನ್ಫರೆನ್ಸ್ ಸೌಲಭ್ಯಗಳನ್ನು ಒಳಗೊಂಡಿದೆ.
ಬೋರ್ಸ್ ಸಂಕೀರ್ಣ ಕಟ್ಟಡವನ್ನು ಶ್ಲಾಘಿಸಿದ ಪ್ರಧಾನಿ ಮೋದಿ: ಈ ಗಮನಾರ್ಹ ಕಟ್ಟಡವನ್ನು ಶ್ಲಾಘಿಸಿದ ಪ್ರಧಾನಿ ನರೇಂದ್ರ ಮೋದಿ ಅವರು, "ಸೂರತ್ ಡೈಮಂಡ್ ಬೋರ್ಸ್, ಸೂರತ್‌ನ ವಜ್ರ ಉದ್ಯಮದ ಚೈತನ್ಯ ಮತ್ತು ಬೆಳವಣಿಗೆ ಪ್ರದರ್ಶಿಸುತ್ತದೆ. ಇದು ಭಾರತದ ಉದ್ಯಮಶೀಲತಾ ಮನೋಭಾವಕ್ಕೆ ಸಾಕ್ಷಿಯಾಗಿದೆ. ಇದು ವ್ಯಾಪಾರ, ನಾವೀನ್ಯತೆ ಮತ್ತು ಸಹಯೋಗದ ಕೇಂದ್ರವಾಗಿ ಕಾರ್ಯನಿರ್ವಹಿಸುತ್ತದೆ. ಮತ್ತಷ್ಟು ಉತ್ತೇಜನ ನೀಡುತ್ತದೆ. ನಮ್ಮ ಆರ್ಥಿಕತೆ ಮತ್ತು ಉದ್ಯೋಗಾವಕಾಶಗಳನ್ನು ಸೃಷ್ಟಿಸುವುದು" ಎಂದು ಹೇಳಿದ್ದಾರೆ. ಯೋಜನೆಯ ಸಿಇಒ ಮಹೇಶ್ ಗಾಧವಿ ಮಾತನಾಡಿ, ''ಸೂರತ್ ಡೈಮಂಡ್ ಬೋರ್ಸ್‌ನ ಅನುಕೂಲಗಳನ್ನು ಎತ್ತಿ ತೋರಿಸಿದರು. ವಜ್ರದ ವ್ಯಾಪಾರ ಚಟುವಟಿಕೆಗಳನ್ನು ನಡೆಸಲು ಇದು ಉತ್ತಮ ಆಯ್ಕಯಾಗಿದೆ ಎಂದು ವಿವರಿಸಿದರು.
ಸೂರತ್ ಡೈಮಂಡ್ ಬೋರ್ಸ್‌ನ ಕಟ್ಟಡ ನಿರ್ಮಿಸಿದವರು ಯಾರು?: ಭಾರತೀಯ ವಾಸ್ತುಶಿಲ್ಪ ಸಂಸ್ಥೆ ಮಾರ್ಫೋಜೆನೆಸಿಸ್ ಮಾಸ್ಟರ್ ಮೈಂಡ್ ಸೂರತ್ ಡೈಮಂಡ್ ಬೋರ್ಸ್‌ನ ಕಟ್ಟಡ ನಿರ್ಮಾಣ ಮಾಡಿದೆ. ಇದು ಅಂತಾರಾಷ್ಟ್ರೀಯ ವಿನ್ಯಾಸ ಸ್ಪರ್ಧೆಯಲ್ಲಿ ಗೆದ್ದಿದೆ. ಯೋಜನೆಯ ಗಾತ್ರವನ್ನು ಬೇಡಿಕೆಯ ಆಧಾರದ ಮೇಲೆ ನಿರ್ಧರಿಸಲಾಗಿದೆ. ನಿರ್ಮಾಣ ಪ್ರಾರಂಭವಾಗುವ ಮೊದಲೇ ಎಲ್ಲ ಕಚೇರಿಗಳನ್ನು ವಜ್ರ ಕಂಪನಿಗಳು ಖರೀದಿಸಿದ್ದವು. ಸಣ್ಣ ಮತ್ತು ದೊಡ್ಡ ವ್ಯವಹಾರಗಳಿಗೆ ಸಮತಟ್ಟಾದ ಮೈದಾನ ರಚಿಸಲು ವಿನ್ಯಾಸಗೊಳಿಸಲಾಗಿದೆ. ಕಚೇರಿಗಳು ಕೇಂದ್ರ ಕಾರಿಡಾರ್ ಮೂಲಕ ಸಂಪರ್ಕ ಹೊಂದಿದ್ದು, ಸೌಕರ್ಯಗಳು ಮತ್ತು ಸೌಲಭ್ಯಗಳಿಗೆ ಅನುಕೂಲಕರ ಪ್ರವೇಶವನ್ನು ಒದಗಿಸುತ್ತದೆ ಎಂದು ಮಾರ್ಫೋಜೆನೆಸಿಸ್‌ನ ಸಹ - ಸಂಸ್ಥಾಪಕರಾದ ಸೋನಾಲಿ ರಸ್ತೋಗಿ ತಿಳಿಸಿದರು.
ಹೊಸ ಡೈಮಂಡ್ ಹಬ್: ಈ ವಿನ್ಯಾಸವು ಎಲ್ಲಾ ಉದ್ಯೋಗಿಗಳಿಗೆ ಸಮಾನ ಪ್ರವೇಶವನ್ನು ಖಚಿತಪಡಿಸಿಕೊಳ್ಳಲು ಗುರಿಯನ್ನು ಹೊಂದಿದೆ. ಯಾವುದೇ ಕಚೇರಿಯು ಯಾವುದೇ ಪ್ರವೇಶ ದ್ವಾರದಿಂದ ತಲುಪಲು ಏಳು ನಿಮಿಷಗಳಿಗಿಂತ ಹೆಚ್ಚು ಸಮಯ ತೆಗೆದುಕೊಳ್ಳುವುದಿಲ್ಲ. ಕಟ್ಟಡದ ವಿನ್ಯಾಸವು ಭಾರತೀಯ ವಜ್ರದ ವ್ಯಾಪಾರದ ಸಂಶೋಧನೆಗೂ ಅನುಕೂಲವಾಗಲಿದೆ. ಸಂಕೀರ್ಣದೊಳಗೆ ಒಂಬತ್ತು ಆವರಣಗಳು ಇರುವ ಬಗ್ಗೆ ರಸ್ತೋಗಿ ತಿಳಿಸಿದರು. ಇದು ವ್ಯಾಪಾರಿಗಳಿಗೆ ಸಾಂದರ್ಭಿಕ ಸಭೆಗಳನ್ನು ನಡೆಸಲು ಸ್ಥಳವಾಗಿದೆ. ಮಹತ್ವಾಕಾಂಕ್ಷೆಯ ಯೋಜನೆಯು ದಕ್ಷಿಣ ಸೂರತ್‌ನ ಸುಮಾರು 700 ಹೆಕ್ಟೇರ್‌ಗಳಲ್ಲಿ ಸ್ಮಾರ್ಟ್ ಸಿಟಿಯನ್ನು ನಿರ್ಮಿಸುವ ಗುರಿಯನ್ನು ಹೊಂದಿದೆ. ಹೊಸ ಡೈಮಂಡ್ ಹಬ್ ಆಗಿ ಕಾರ್ಯನಿರ್ವಹಿಸುತ್ತದೆ.
ಇದನ್ನೂ ಓದಿ: ಮಳೆಯಿಂದ ಉಕ್ಕೇರಿದ ಯಮುನೆ; ತಾಜ್ಮಹಲ್ ಗೋಡೆಗೂ ಅಪ್ಪಳಿಸಿದ ನೀರು! ಅಪಾಯವಿಲ್ಲವೆಂದ ಪುರಾತತ್ವ ಇಲಾಖೆ
