ಕುಟ್ಸಾಪೊ (ನಾಗಾಲ್ಯಾಂಡ್): ಇಲ್ಲಿನ ಹಳ್ಳಿಯೊಂದರ ನೂರಾರು ಗ್ರಾಮಸ್ಥರು ಕಿರಿದಾದ ರಸ್ತೆಯಿಂದ 70 ಅಡಿಗಳಷ್ಟು ಕೆಳಗೆ ಬಿದ್ದಿದ್ದ ಟ್ರಕ್ ಅನ್ನು ಹೊರತೆಗೆದಿದ್ದಾರೆ. ಯಾವುದೇ ಯಂತ್ರೋಪಕರಣಗಳು ಲಭ್ಯವಿಲ್ಲದ ಕಾರಣ, ಗ್ರಾಮಸ್ಥರು ಹಗ್ಗದ ಸಹಾಯದಿಂದ ಟ್ರಕ್ ಮೇಲೆತ್ತಿದ್ದಾರೆ.
ಹಗ್ಗದ ಸಹಾಯದಿಂದ ಟ್ರಕ್ ಮೇಲೆತ್ತಿದ ಗ್ರಾಮಸ್ಥರು
ನಾಗಾಲ್ಯಾಂಡ್‌ನ ಕುಟ್ಸಾಪೊ ಗ್ರಾಮದಲ್ಲಿ ಟ್ರಕ್ ಕಂದಕಕ್ಕೆ ಬಿದ್ದಿದ್ದು, ಸ್ಥಳೀಯ ಗ್ರಾಮಾಡಳಿತವು ಟ್ರಕ್ ಮೇಲೆತ್ತಲು ಗ್ರಾಮದ ದಷ್ಟಪುಷ್ಟ ಯುವಕರ ಬಳಿ ಕೋರಿಕೊಂಡಿತ್ತು. ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಡಿಯೋ ವೈರಲ್ ಆಗಿದ್ದು, ಟ್ರಕ್ನೊಂದಿಗೆ ಚಾಲಕ ಕೂಡಾ ಕೆಳಗೆ ಬಿದ್ದಿದ್ದು, ಯಾವುದೇ ಗಾಯಗಳಾಗಿಲ್ಲ ಎಂದು ತಿಳಿದು ಬಂದಿದೆ.
