ದೇಶದಲ್ಲಿ ಕೊಂಚ ತಗ್ಗಿದ ಕೋವಿಡ್​​ ಸಾವು - ನೋವು: ನಿನ್ನೆ 27,254 ಕೇಸ್​ ಪತ್ತೆ, 219 ಮಂದಿ ಬಲಿ

ಸೆಪ್ಟೆಂಬರ್ ವ್ಯಾಕ್ಸಿನೇಷನ್​ನಲ್ಲಿ ಉತ್ತರ ಪ್ರದೇಶ, ಗುಜರಾತ್, ಕರ್ನಾಟಕ, ಮಧ್ಯಪ್ರದೇಶ ಹಾಗೂ ಹರಿಯಾಣ ರಾಜ್ಯಗಳು ಅಮೆರಿಕ, ಮೆಕ್ಸಿಕೋ, ರಷ್ಯಾ, ಫ್ರಾನ್ಸ್, ಕೆನಡಾ ರಾಷ್ಟ್ರಗಳನ್ನೇ ಹಿಂದಿಕ್ಕಿವೆ.

ನವದೆಹಲಿ: ಭಾರತದ ಕೋವಿಡ್​ ಸಾವು - ನೋವಿನ ಪ್ರಮಾಣದಲ್ಲಿ ಸ್ವಲ್ಪ ಇಳಿಕೆ ಕಂಡು ಬಂದಿದೆ. ಕಳೆದ 24 ಗಂಟೆಗಳಲ್ಲಿ 27,254 ಹೊಸ ಕೋವಿಡ್​ ಕೇಸ್​ಗಳು ಪತ್ತೆಯಾಗಿದ್ದು, 219 ಮಂದಿ ಸೋಂಕಿಗೆ ಬಲಿಯಾಗಿದ್ದಾರೆ.

ದೇಶದಲ್ಲೀಗ ಒಟ್ಟು ಕೋವಿಡ್​ ಪ್ರಕರಣಗಳ ಸಂಖ್ಯೆ 3,32,64,175ಕ್ಕೆ ಏರಿಕೆಯಾಗಿದ್ದು, ಈವರೆಗೆ ಒಟ್ಟು 4,42,874 ಮಂದಿ ಮೃತಪಟ್ಟಿದ್ದಾರೆ. ಒಟ್ಟು ಸೋಂಕಿತರ ಪೈಕಿ ಇಲ್ಲಿಯವರೆಗೆ 3,24,47,032 ಮಂದಿ ಮಾರಣಾಂತಿಕ ವೈರಸ್​ನಿಂದ ಗುಣಮುಖರಾಗಿದ್ದಾರೆ. ಉಳಿದಂತೆ 3,74,269 ಪ್ರಕರಣಗಳು ಮಾತ್ರ ಸಕ್ರಿಯವಾಗಿದೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.

74.38 ಕೋಟಿ ಡೋಸ್​ ವ್ಯಾಕ್ಸಿನೇಷನ್​

ಜನವರಿ 16ರಿಂದ ದೇಶಾದ್ಯಂತ ಕೋವಿಡ್​ ವ್ಯಾಕ್ಸಿನೇಷನ್​ ಅಭಿಯಾನ ಆರಂಭವಾಗಿದ್ದು, ಇಲ್ಲಿಯವರೆಗೆ ಒಟ್ಟು 74,38,37,64 ಕೋಟಿ ಡೋಸ್ ಲಸಿಕೆ ನೀಡಲಾಗಿದೆ. ನಿನ್ನೆ ಒಂದೇ ದಿನ 53,38,945 ಮಂದಿ ವ್ಯಾಕ್ಸಿನ್​ ಪಡೆದಿದ್ದಾರೆ ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.

• How is India’s vaccination progressing ❓
  
  See. Compare. Decide. 👇🏼 pic.twitter.com/acnwyV3ccp

  — Anurag Thakur (@ianuragthakur) September 13, 2021 " class="align-text-top noRightClick twitterSection" data="

  How is India’s vaccination progressing ❓
  
  See. Compare. Decide. 👇🏼 pic.twitter.com/acnwyV3ccp

  — Anurag Thakur (@ianuragthakur) September 13, 2021

  ">

  How is India’s vaccination progressing ❓
  
  See. Compare. Decide. 👇🏼 pic.twitter.com/acnwyV3ccp

  — Anurag Thakur (@ianuragthakur) September 13, 2021

ವ್ಯಾಕ್ಸಿನೇಷನ್​ನಲ್ಲಿ ಕೆಲ ರಾಷ್ಟ್ರಗಳನ್ನೇ ಹಿಂದಿಕ್ಕಿದ ರಾಜ್ಯಗಳಿವು..

ಕಳೆದ ಆಗಸ್ಟ್ ತಿಂಗಳಲ್ಲಿ ದೇಶದ ಆಗಸ್ಟ್ ತಿಂಗಳ ವ್ಯಾಕ್ಸಿನೇಷನ್ ಪ್ರಮಾಣ G7 ರಾಷ್ಟ್ರಗಳಿಗಿಂತಲೂ ಹೆಚ್ಚಿತ್ತು. ಇದೀಗ ಸೆಪ್ಟೆಂಬರ್​ನಲ್ಲಿ ಉತ್ತರ ಪ್ರದೇಶ ರಾಜ್ಯವು ದೈನಂದಿನ ಲಸಿಕೆ ವಿತರಣೆಯಲ್ಲಿ ದೇಶದಲ್ಲೇ ಮುಂಚೂಣಿಯಲ್ಲಿದ್ದು, ಅಮೆರಿಕವನ್ನೇ ಹಿಂದಿಕ್ಕಿದೆ. 2ನೇ ಸ್ಥಾನದಲ್ಲಿರುವ ಗುಜರಾತ್​ ರಾಜ್ಯವು ಮೆಕ್ಸಿಕೋ ದೇಶವನ್ನ, ಕರ್ನಾಟಕ ರಾಜ್ಯವು ರಷ್ಯಾವನ್ನ, ಮಧ್ಯಪ್ರದೇಶ ರಾಜ್ಯವು ಫ್ರಾನ್ಸ್ ಅನ್ನ ಹಾಗೂ ಹರಿಯಾಣ ರಾಜ್ಯವು ಕೆನಡಾ ಹಿಂದಿಕ್ಕಿವೆ.