ಹೈದರಾಬಾದ್: ಹೀಲ್ ಸ್ಕೂಲ್ 2023-24ರ ಅವಧಿಗೆ ಪ್ರವೇಶವನ್ನು ಆರಂಭಿಸಲಾಗಿದೆ ಎಂದು ಘೋಷಿಸಲಾಗಿದೆ. ಈ ಶಾಲೆಯಲ್ಲಿ 1 ಮತ್ತು 2 ನೇ ತರಗತಿಗಳಿಗೆ ಮಕ್ಕಳ ಅರ್ಜಿಗಳನ್ನು ಸ್ವೀಕರಿಸಲು ಪ್ರಕ್ರಿಯೆ ಪ್ರಾರಂಭಿಸಲಾಗಿದೆ. 3 ರಿಂದ 5ನೇ ತರಗತಿಗಳಲ್ಲಿ ಸೀಮಿತ ಸೀಟುಗಳು ಮಾತ್ರ ಲಭ್ಯವಿವೆ. ವರ್ಷವಿಡೀ 1 ರಿಂದ 8ನೇ ತರಗತಿಯವರೆಗೆ ಅನಾಥರನ್ನು ಶಾಲೆಗೆ ಸೇರಿಸಿಕೊಳ್ಳಬಹುದು. ಪ್ರವೇಶಕ್ಕೆ ಸಂಬಂಧಿಸಿದ ಮಾಹಿತಿ ಇಲ್ಲಿ ಲಭ್ಯವಿದೆ- info@healparadise.org, healschool@healparadise.org.
ಪ್ರವೇಶದ ಮಾನದಂಡ ಇಲ್ಲಿದೆ: ಹೀಲ್ ಸ್ಕೂಲ್ನಲ್ಲಿ 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಿಗೆ ಪ್ರವೇಶಕ್ಕೆ ಆದ್ಯತೆ ನೀಡಲಾಗುತ್ತದೆ. ವಿಸ್ತೃತ ಕುಟುಂಬದಿಂದ ಬೆಂಬಲವನ್ನು ಪಡೆಯಲಾಗದವರು, ಅಂದ್ರೆ, ಇಬ್ಬರೂ ಪೋಷಕರನ್ನು ಕಳೆದುಕೊಂಡ ಅನಾಥರು, ಒಬ್ಬ ಪೋಷಕರನ್ನು ಕಳೆದುಕೊಂಡು ನಿಂದನೆಯಿಂದ ಬಳಲುತ್ತಿರುವ ಮಕ್ಕಳು ಅಥವಾ ಕುಟುಂಬದಿಂದ ನಿರ್ಲಕ್ಷ್ಯ, ಹಿಂದುಳಿದ ಹಿನ್ನೆಲೆಯಲ್ಲಿ ಅಸಾಧಾರಣ ಅರ್ಹತೆಯ ಇತರ ಪ್ರಕರಣಗಳಿಗೆ ಸಂಬಂಧಿಸಿದ ಅನಾಥರು ಪ್ರವೇಶ ಪಡೆಯಬಹುದು.
ಶಾಲೆಯಲ್ಲಿನ ವಿಶೇಷತೆಗಳು: ಹೆಚ್ಚು ಅರ್ಹತೆ ಹೊಂದಿರುವ ಶಿಕ್ಷಕರು ಮತ್ತು ಅಂತಾರಾಷ್ಟ್ರೀಯ ದೂರ ಶಿಕ್ಷಣ ಫ್ಯಾಕಲ್ಟಿ (ಡಿಇಎಫ್), ಸ್ಮಾರ್ಟ್ ರೂಮ್‌ಗಳಲ್ಲಿ ಆನ್‌ಲೈನ್ ತರಗತಿಗಳು, ಸುಸಜ್ಜಿತ ಪ್ರಯೋಗಾಲಯಗಳು ಮತ್ತು 10,000ಕ್ಕೂ ಹೆಚ್ಚು ಪುಸ್ತಕಗಳನ್ನು ಹೊಂದಿರುವ ಗ್ರಂಥಾಲಯ, ಶುದ್ಧ ಕುಡಿಯುವ ನೀರು, ಬಿಸಿ ನೀರಿನ ಸೌಲಭ್ಯ, ಹುಡುಗರು ಮತ್ತು ಹುಡುಗಿಯರಿಗೆ ಪ್ರತ್ಯೇಕ ಹಾಸ್ಟೆಲ್‌ಗಳು, ವಿಶಾಲವಾದ ಊಟದ ಹಾಲ್, ಸೌರ ಅಡುಗೆ, ಸಾವಯವ ಕೃಷಿ ಮತ್ತು ಪರಿಸರ ಸ್ನೇಹಿ ಅಭ್ಯಾಸ, ಕಾಲೋಚಿತ ಪೌಷ್ಟಿಕ ಆಹಾರ ಮೆನು ಇಲ್ಲಿರುತ್ತದೆ.
ಹೆಚ್ಚಿನ ವಿಶೇಷಗಳು ಮಕ್ಕಳನ್ನು ಆಂತರಿಕ ಶಾಲಾ ಕ್ಲಬ್ ಮತ್ತು ಬಾಹ್ಯ ಸಹ-ಪಠ್ಯ ಚಟುವಟಿಕೆಗಳು ಮತ್ತು ಸ್ಪರ್ಧೆಗಳಲ್ಲಿ ಭಾಗವಹಿಸಲು ಪ್ರೋತ್ಸಾಹಿಸುವುದು. ನಾವೀನ್ಯತೆ ಮತ್ತು ಉದ್ಯಮಶೀಲತಾ ಕೇಂದ್ರ, ಎಐ ಶ್ರೇಷ್ಠತೆಯ ಕೇಂದ್ರ, 3-ಡಿ ಮುದ್ರಣದಲ್ಲಿ ತರಬೇತಿ, ವಿನ್ಯಾಸ ಚಿಂತನೆ ಮತ್ತು ಇತರೆ 21ನೇ ಶತಮಾನದ ಕೌಶಲ್ಯಗಳು, ಅಂತರಾಷ್ಟ್ರೀಯ ಮಾನದಂಡಗಳೊಂದಿಗೆ 400 ಮೀಟರ್ ಓಟದ ಟ್ರ್ಯಾಕ್, ಬಾಸ್ಕೆಟ್‌ಬಾಲ್ ಅಂಕಣಗಳು, ಕಬಡ್ಡಿ, ಖೋ-ಖೋ, ವಾಲಿಬಾಲ್, ಹ್ಯಾಂಡ್‌ಬಾಲ್ ಅಂಕಣಗಳು, ಯೋಗ ಹಾಲ್ ಹಾಗೂ ಇತ್ಯಾದಿ ಸೌಲಭ್ಯಗಳಿವೆ.
ಲಾಭೋದ್ದೇಶವಿಲ್ಲದ ಸಂಸ್ಥೆ ಹೀಲ್ ಸ್ಕೂಲ್: ಹೀಲ್ ಸ್ಕೂಲ್ ಒಂದು ಲಾಭೋದ್ದೇಶವಿಲ್ಲದ ಸಂಸ್ಥೆಯಾಗಿದೆ. ಬಡತನದ ಬೇಗೆಯಿಂದ ಪಾರಾಗಲು ಅನಾಥರು, ಹಿಂದುಳಿದವರು, ಅಂಧರು ಮತ್ತು ವಿಕಲಚೇತನ ಮಕ್ಕಳ ವಿಕಲಚೇತನ ಸೇರಿದಂತೆ ಭಾರತದಲ್ಲಿನ ಅತ್ಯಂತ ಹಿಂದುಳಿದ ಮಕ್ಕಳನ್ನು ಸಶಕ್ತಗೊಳಿಸುತ್ತದೆ. ಹೀಲ್ ಶಾಲೆಯ ಮಕ್ಕಳು ಗಾಯನ, ನೃತ್ಯ, ಕಿರುನಾಟಕ, ಪ್ರಬಂಧ ಬರವಣಿಗೆ, ಚರ್ಚಾ ಸ್ಪರ್ಧೆ ಮುಂತಾದ ಸಹಪಠ್ಯ ಚಟುವಟಿಕೆಗಳಲ್ಲಿ ಅನೇಕ ರಾಷ್ಟ್ರ ಮತ್ತು ರಾಜ್ಯ ಮಟ್ಟದ ಬಹುಮಾನಗಳನ್ನು ಪಡೆದ್ದಾರೆ. ಅವರು ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಉತ್ತಮ ಶ್ರೇಣಿಗಳನ್ನು ಪಡೆದ್ದಾರೆ ಮತ್ತು ವಿಶ್ವವಿದ್ಯಾಲಯದ ಕ್ಯಾಂಪಸ್‌ಗಳಲ್ಲಿ ಉನ್ನತ ಶಿಕ್ಷಣವನ್ನು ಪಡೆದಿದ್ದಾರೆ. ಅವರು ರಾಷ್ಟ್ರೀಯ ಮಟ್ಟದಲ್ಲಿ ಕ್ರೀಡೆಗಳಲ್ಲಿ ಆಂಧ್ರಪ್ರದೇಶವನ್ನು ಪ್ರತಿನಿಧಿಸಿದ್ದಾರೆ.
ಅನಾಥ, ಹಿಂದುಳಿದ ಮಕ್ಕಳಿಗೆ ಮನೆ: ಸಂಸ್ಥೆಯು ಹೀಲ್ ಪ್ಯಾರಡೈಸ್‌ನಲ್ಲಿ ಸಹ ಕಾರ್ಯನಿರ್ವಹಿಸುತ್ತಿದೆ. ಇದು ಇಲ್ಲಿಯವರೆಗಿನ ಅವರ ದೊಡ್ಡ ಯೋಜನೆಯಾಗಿದೆ. ಪ್ಯಾರಡೈಸ್ ಹೆಸರಿನಲ್ಲಿ ಮುಂಬರುವ ದಿನಗಳಲ್ಲಿ ಪರಿಸರ ಸ್ನೇಹಿ ಮಕ್ಕಳ ಗ್ರಾಮ ನಿರ್ಮಾಣವಾಗಲಿದೆ. ಜೊತೆಗೆ ಆಂಧ್ರಪ್ರದೇಶ ಮತ್ತು ಭಾರತದ ಇತರ ಭಾಗಗಳಿಂದ 1,000 ಅನಾಥ ಮತ್ತು ಹಿಂದುಳಿದ ಮಕ್ಕಳಿಗೆ ಮನೆಯನ್ನು ಒದಗಿಸಲಿದೆ.
ಇದನ್ನೂ ಓದಿ: ಮನುಷ್ಯನ ಬುದ್ದಿವಂತಿಕೆ ಅಡಗಿರುವುದೇ ನಿದ್ದೆಯಲ್ಲಂತೆ; ಆಯುರ್ವೇದ ಹೇಳುವುದೇನು?
