ಎರ್ನಾಕುಲಂ(ಕೇರಳ): ಎರ್ನಾಕುಲಂನಲ್ಲಿರುವ ಬಾರ್ & ಹೋಟೆಲ್ನಲ್ಲಿ ಮದ್ಯ ಸರ್ವ್ ಮಾಡಲು ವಿದೇಶಿ ಮಹಿಳೆಯರನ್ನ ನಿಯೋಜನೆ ಮಾಡಲಾಗಿದ್ದು, ಇದಕ್ಕೆ ಸಂಬಂಧಿಸಿದಂತೆ ಅಬಕಾರಿ ಇಲಾಖೆ ಪ್ರಕರಣ ದಾಖಲಿಸಿಕೊಂಡಿದೆ.
ಬಾರ್ಗೆ ಬರುವ ಗ್ರಾಹಕರಿಗೆ ವಿದೇಶಿ ಮಹಿಳೆಯರು ಮದ್ಯ ಸರ್ವ್ ಮಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಇದರ ಬೆನ್ನಲ್ಲೇ ಎಚ್ಚೆತ್ತುಕೊಂಡಿರುವ ಅಬಕಾರಿ ಇಲಾಖೆ ಅಧಿಕಾರಿಗಳು ಕ್ರಮ ಕೈಗೊಂಡಿದ್ದಾರೆ. ವಿದೇಶಿ ಕಾಯ್ದೆ ನಿಯಮ ಉಲ್ಲಂಘನೆ ಮಾಡಿದ್ದಕ್ಕಾಗಿ ಹೋಟೆಲ್ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾಗಿ ತಿಳಿಸಿದ್ದಾರೆ.
ಎಂಜಿ ರೋಡ್ನಲ್ಲಿರುವ ಬಾರ್ & ಹೋಟೆಲ್ನಲ್ಲಿ ವಿದೇಶಿ ಹುಡುಗಿಯರಿಂದ ಡ್ಯಾನ್ಸ್ ಸಹ ಮಾಡಿಸಲಾಗುತ್ತಿತ್ತು ಎಂಬ ವಿಷಯ ಬಹಿರಂಗಗೊಂಡಿದ್ದು, ಕೌಂಟರ್ನಲ್ಲಿ ನಿಂತುಕೊಂಡು ವಿದೇಶಿ ಮಹಿಳೆಯರು ಗ್ರಾಹಕರಿಗೆ ಮದ್ಯ ಸರ್ವ್ ಮಾಡ್ತಿದ್ದರು ಎಂದು ಅಬಕಾರಿ ಅಧಿಕಾರಿಗಳು ತಿಳಿಸಿದ್ದಾರೆ.
ಸದ್ಯದ ನಿಯಮಗಳ ಪ್ರಕಾರ ಬಾರ್ಗಳಲ್ಲಿ ಮದ್ಯ ಸರ್ವ್ ಮಾಡಲು ಮಹಿಳೆಯರನ್ನ ಬಳಕೆ ಮಾಡಿಕೊಳ್ಳಬಾರದು ಎಂಬ ನಿಯಮವಿದೆ ಎಂದು ಅಬಕಾರಿ ಇಲಾಖೆ ತಿಳಿಸಿದೆ.
