ಹೈದರಾಬಾದ್: ದೇಶದಲ್ಲಿ ಹೊಸ ಹೊಸ ಸೈಬರ್ ಪ್ರಕರಣ ನಡೆಯುತ್ತಿರುವುದು ಬೆಳಕಿಗೆ ಬರುತ್ತಿದ್ದು, ಸದ್ಯ ಅಂತಹ ಮತ್ತೊಂದು ಘಟನೆ ಇದೀಗ ಹೈದರಾಬಾದ್ನಲ್ಲಿ ನಡೆದಿದೆ.
ಸಬರ್ ಅಪರಾಧಿಗಳು ಕೋವಿಡ್ ತುರ್ತು ಹೆಸರಿನಲ್ಲಿ ಇದೀಗ ಮೋಸ ಮಾಡಲು ಮುಂದಾಗಿದ್ದಾರೆ. ವ್ಯಕ್ತಿಯೋರ್ವನ ಮೇಲ್ ಹ್ಯಾಕ್ ಮಾಡಿ ಆತನ ಖಾತೆಗಳಿಂದ ಲಕ್ಷಾಂತರ ರೂ ದೋಚಿದ್ದಾರೆ.
ಏನಿದು ಘಟನೆ?
ಹೈದರಾಬಾದ್ನ ಉದ್ಯಮಿ ವೀರೇಂದ್ರ ಬಂಡಾರಿ ಹೆಸರಿನಲ್ಲಿ ನಕಲಿ ಇ-ಮೇಲ್ ರಚನೆ ಮಾಡಿದ್ದಾರೆ. ಜತೆಗೆ ಉದ್ಯಮಿ ಬಂಡಾರಿ ಆಸ್ಪತ್ರೆಯಲ್ಲಿ ಕೋವಿಡ್ ಸೋಂಕಿಗೆ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾನೆಂದು ಆತನ ಹೆಸರಿನಲ್ಲಿ ಬ್ಯಾಂಕ್ಗೆ ಮೇಲ್ ಮಾಡಿದ್ದಾನೆ. ವೈದ್ಯಕೀಯ ವೆಚ್ಚಗಳಿಗಾಗಿ 23 ಲಕ್ಷದ 60 ಸಾವಿರ ರೂ. ವರ್ಗಾವಣೆ ಮಾಡುವಂತೆ ವಿನಂತಿ ಮಾಡಿದ್ದಾರೆ. ಬ್ಯಾಂಕ್ ಅಧಿಕಾರಿಗಳು ತಕ್ಷಣವೇ ಆತ ಹೇಳಿರುವ ಮೂರು ಖಾತೆಗಳಿಗೆ ಹಣ ವರ್ಗಾವಣೆ ಮಾಡಿದ್ದಾರೆ.
ಇದನ್ನೂ ಓದಿ: ಯೂಟ್ಯೂಬರ್ ಬ್ಯಾಂಕ್ ಖಾತೆ ಹ್ಯಾಕ್ ಮಾಡಿ 23 ಲಕ್ಷ ರೂ. ಲಪಟಾಯಿಸಿದ ಖದೀಮ ಬಂಧನ
ವೀರೇಂದ್ರ ಬಂಡಾರಿ ಸಂಜೆ ಖಾತೆ ಪರಿಶೀಲನೆ ನಡೆಸಿದಾಗ ಈ ಮಾಹಿತಿ ಬಹಿರಂಗಗೊಂಡಿದೆ. ಈ ವೇಳೆ ಸೈಬರ್ ಅಪರಾಧ ವಿಭಾಗದ ಪೊಲೀಸರಿಗೆ ದೂರು ನೀಡಿದ್ದಾನೆ. ಈ ಹಿಂದೆ ಕೂಡ ವ್ಯಕ್ತಿಯೊಬ್ಬ ಇದೇ ರೀತಿ ಮೋಸ ಮಾಡಿದ್ದಾಗಿ ಪೊಲೀಸರು ತಿಳಿಸಿದ್ದಾರೆ. ಎರಡು ಪ್ರಕರಣಗಳ ತನಿಖೆ ನಡೆಸಲಾಗುತ್ತಿದ್ದು, ಶೀಘ್ರದಲ್ಲೇ ಆರೋಪಿಗಳ ಬಂಧನ ಮಾಡಲಾಗುವುದು ಎಂದು ತಿಳಿಸಿದ್ದಾರೆ.
ಮುಂಬೈನಲ್ಲೂ ಯೂಟ್ಯೂಬರ್ ಬ್ಯಾಂಕ್ ಖಾತೆ ಹ್ಯಾಕ್ ಮಾಡಿ 23.5 ಲಕ್ಷ ರೂ. ಬೇರೆಡೆಬಗೆ ವರ್ಗಾಯಿಸಿದ ಪ್ರಕರಣ ನಡೆದಿತ್ತು. ಕೃತ್ಯದಲ್ಲಿ ಭಾಗಿಯಾಗಿರುವ ಆರೋಪಿ ಬಂಧನ ಮಾಡಲಾಗಿದೆ.
