ಹೈದರಾಬಾದ್: ಈಗಾಗಲೇ ಕೊರೊನಾ ಮಹಾಮಾರಿಯ ವಿರುದ್ದ ಭಾರತದಲ್ಲಿ ಲಸಿಕೆ ವಿತರಣೆಗೆ ಕ್ಷಣಗಣನೆ ಆರಂಭವಾಗಿದ್ದು, ಕೇಂದ್ರ ಸರ್ಕಾರ ವಿತರಣೆಯ ಇಡೀ ಪ್ರಕ್ರಿಯೆ ಮೇಲೆ ಕಣ್ಗಾವಲಿಡಲು ಕೋವಿನ್ ಎಂಬ ಆ್ಯಪ್ನ್ನು ಅಭಿವೃದ್ಧಿಪಡಿಸಿದೆ.
ಇಂಡಿಯನ್ ಮೊಬೈಲ್ ಕಾಂಗ್ರೆಸ್‌ನಲ್ಲಿ ಮಾತನಾಡಿದ ಪ್ರಧಾನಿ ಮೋದಿ, ಮೊಬೈಲ್ ತಂತ್ರಜ್ಞಾನದ ಸಹಾಯದಿಂದ ನಾವು ವಿಶ್ವದ ಅತಿದೊಡ್ಡ ಕೋವಿಡ್ -19 ವ್ಯಾಕ್ಸಿನೇಷನ್ ಪ್ರಾರಂಭಿಸುತ್ತೇವೆ ಎಂದಿದ್ದಾರೆ. ಪ್ರಧಾನಿ ಮೋದಿ ಘೋಷಣೆಯ ನಂತರ ಈ ಮೊಬೈಲ್ ತಂತ್ರಜ್ಞಾನದ ಹೆಸರನ್ನು ತಿಳಿದುಕೊಳ್ಳುವುದು ಮುಖ್ಯವಾಗಿದೆ. "ಕೋ-ವಿನ್ ಅಪ್ಲಿಕೇಶನ್" ಇದು ಭಾರತವನ್ನು ಸಂಪೂರ್ಣವಾಗಿ ಬದಲಾಯಿಸಿದೆ.
ವಿಶೇಷವಾಗಿ 2020 ರ ಏಪ್ರಿಲ್‌ನಲ್ಲಿ ಕೊರೊನಾ ಪ್ರಾರಂಭವಾದ ಸಮಯದಲ್ಲಿ 'ಆರೋಗ್ಯಾ ಸೇತು' ಆ್ಯಪ್ನ ಕಾರ್ಯವನ್ನು ಇಲ್ಲಿ ಸ್ಮರಿಸಬಹುದು. ಇಲ್ಲಿ ನಮ್ಮ ಸಾಮಾನ್ಯ ಚಟುವಟಿಕೆಗಳ ಬಗ್ಗೆ, ಪ್ರಯಾಣದ ವೇಳೆ ನಾವು ಸಂಪರ್ಕಿಸಿದ ವ್ಯಕ್ತಿಗಳ ವಿವರಗಳನ್ನು ದಾಖಲಿಸಲು ಈ ಆ್ಯಪ್ನ್ನು ಪರಿಣಾಮಕಾರಿಯಾಗಿ ಬಳಸಲಾಗುತ್ತಿತ್ತು. ಇದರಿಂದ ಯಾರಿಗಾದರೂ 'ಪಾಸಿಟಿವ್' ಕಂಡುಬಂದರೆ ತಕ್ಷಣವೇ ಮಾಹಿತಿ ನೀಡುತ್ತಿತ್ತು ಮತ್ತು ಪೂರ್ವಭಾವಿ ವೈದ್ಯಕೀಯ ಸಹಾಯವನ್ನು ವ್ಯವಸ್ಥೆಗೊಳಿಸಲಾಗುತ್ತಿತ್ತು.ಈಗ ಮತ್ತೊಂದು ಸಾರ್ವಜನಿಕ ಅಪ್ಲಿಕೇಶನ್ ಕೋವಿನ್ 20 ಭಾರತೀಯ ಸಾರ್ವಜನಿಕರ ಸಹಾಯಕ್ಕಾಗಿ ಪ್ರಗತಿಯಲ್ಲಿದೆ.
ಕೋವಿನ್-20 ಅಪ್ಲಿಕೇಶನ್ ಎಂದರೇನು?
- ಕೋವಿನ್ ಡಿಜಿಟಲ್ ಪ್ಲಾಟ್‌ಫಾರ್ಮ್ ಆಗಿದ್ದು, ಇದು ಕೋವಿಡ್ -19 ವ್ಯಾಕ್ಸಿನೇಷನ್ ಡ್ರೈವ್‌ಗೆ ಅನುಕೂಲವಾಗುವಂತೆ ಪ್ರಮುಖ ಪಾತ್ರ ವಹಿಸಲಿದೆ.
- ಈ ಮೊಬೈಲ್ ಅಪ್ಲಿಕೇಶನ್ ಲಸಿಕೆ ಡೇಟಾವನ್ನು ದಾಖಲಿಸುತ್ತದೆ ಮತ್ತು ಆರೋಗ್ಯ ಕಾರ್ಯಕರ್ತರ ಡೇಟಾಬೇಸ್ ರೂಪಿಸುವ ಪ್ರಕ್ರಿಯೆಯು ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಮುಂದುವರಿದ ಹಂತದಲ್ಲಿದೆ.
- ಕೋವಿನ್, ಹೊಸ ಅಪ್ಲಿಕೇಶನ್ ಉಚಿತ ಡೌನ್‌ಲೋಡ್‌ಗೆ ಲಭ್ಯವಿರುತ್ತದೆ, ಇದು ಎಲೆಕ್ಟ್ರಾನಿಕ್ ಲಸಿಕೆ ಇಂಟೆಲಿಜೆನ್ಸ್ ನೆಟ್‌ವರ್ಕ್‌ನ (ಇವಿನ್) ನವೀಕರಿಸಿದ ಆವೃತ್ತಿಯಾಗಿದೆ.
- ಕೋವಿಡ್ -19 ಲಸಿಕೆ ವಿತರಣೆಗೆ ಸರ್ಕಾರ ಕೋವಿನ್ -20 ಅನ್ನು ಕಂಡುಹಿಡಿದಿದೆ. ಕೋವಿಡ್ -19 ಲಸಿಕೆಯ ನೈಜ-ಸಮಯದ ಮೇಲ್ವಿಚಾರಣೆಗಾಗಿ ಈ ಡಿಜಿಟಲ್ ಪ್ಲಾಟ್‌ಫಾರ್ಮ್ ಅನ್ನು ಅಭಿವೃದ್ಧಿಪಡಿಸಿದೆ.
- ಕೋವಿನ್ -20 ಅಪ್ಲಿಕೇಶನ್ ಅನ್ನು ಕೋವಿಡ್ -19 ಲಸಿಕೆ ನೋಂದಣಿ ಮತ್ತು ವ್ಯಾಕ್ಸಿನೇಷನ್ ಕಾರ್ಯಕ್ರಮದ ಸುಗಮ ಪತ್ತೆಹಚ್ಚಲು ಐದು ಮಾಡ್ಯೂಲ್‌ಗಳಾಗಿ ವಿಂಗಡಿಸಲಾಗಿದೆ.
- ನಿರ್ವಾಹಕ ಮಾಡ್ಯೂಲ್
- ನೋಂದಣಿ ಮಾಡ್ಯೂಲ್
- ವ್ಯಾಕ್ಸಿನೇಷನ್ ಮಾಡ್ಯೂಲ್
- ಫಲಾನುಭವಿ ಸ್ವೀಕೃತಿ ಮಾಡ್ಯೂಲ್
- ವರದಿ ಮಾಡ್ಯೂಲ್
ಯಾರು ಮೊದಲು ಲಸಿಕೆ ಪಡೆಯುತ್ತಾರೆ?
- ಮೊದಲ ಹಂತದಲ್ಲಿ ವೈದ್ಯರು ಮತ್ತು ಇತರ ಆರೋಗ್ಯ ಕಾರ್ಯಕರ್ತರಿಗೆ ಮಾತ್ರ ಲಸಿಕೆ ನೀಡಲಾಗುವುದು.
- ಎರಡನೇ ಹಂತದಲ್ಲಿ, ಕೊರೊನಾ ಸೋಂಕಿತರಿಗೆ ಲಭ್ಯವಾಗಲಿದೆ.
- ಮೂರನೇ ಹಂತದಲ್ಲಿ, ಸಾಮಾನ್ಯ ಜನರಿಗೆ ಲಭ್ಯವಾಗಲಿದೆ.
ಯಾವಾಗ ಪ್ರಾರಂಭವಾಗುತ್ತದೆ?
ಕೋವಿನ್ ಮೊಬೈಲ್ ಅಪ್ಲಿಕೇಶನ್ ಅಭಿವೃದ್ಧಿಯ ಹಂತದಲ್ಲಿದೆ, ಮತ್ತು ಸರ್ಕಾರವು ಅದರ ಲಭ್ಯತೆಯ ವಿವರಗಳನ್ನು ಗೂಗಲ್ ಪ್ಲೇ ಸ್ಟೋರ್ ಮತ್ತು ಆಪಲ್ ಆಪ್ ಸ್ಟೋರ್‌ನಲ್ಲಿ ಇನ್ನೂ ಹಂಚಿಕೊಂಡಿಲ್ಲ. ಕೈಯೋಸ್‌ನಲ್ಲಿ ಚಾಲನೆಯಲ್ಲಿರುವ ಜಿಯೋ ಫೋನ್‌ಗಳಲ್ಲಿಯೂ ಈ ಅಪ್ಲಿಕೇಶನ್ ಪ್ರಾರಂಭವಾಗಬಹುದು ಎಂದು ನಿರೀಕ್ಷಿಸಲಾಗಿದೆ.
ನೋಂದಣಿ ಮಾಡ್ಯೂಲ್: ಆರೋಗ್ಯ ಕಾರ್ಯಕರ್ತರಲ್ಲದವರು ಕೋವಿಡ್ -19 ಲಸಿಕೆಗಾಗಿ ಕೋವಿನ್ -20 ಅಪ್ಲಿಕೇಶನ್‌ನಲ್ಲಿ ಮಾಡ್ಯೂಲ್ ಮೂಲಕ ನೋಂದಾಯಿಸಿಕೊಳ್ಳಬಹುದು.
ಸ್ವೀಕೃತಿ ಮಾಡ್ಯೂಲ್: ನೋಂದಣಿ ಪೂರ್ಣಗೊಂಡಾಗ, ಫಲಾನುಭವಿಗಳ ಸ್ವೀಕೃತಿ ಮಾಡ್ಯೂಲ್ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಸಂದೇಶವನ್ನು ಕಳುಹಿಸುತ್ತದೆ ಮತ್ತು ಕೋವಿಡ್ -19 ವ್ಯಾಕ್ಸಿನೇಷನ್ಗಾಗಿ ರಚಿಸಲಾದ ಆ್ಯಪ್, ಲಸಿಕೆಯ ವಿತರಣೆ ಮಾಡುತ್ತದೆ. ವ್ಯಾಕ್ಸಿನೇಷನ್ ಮಾಡಿದ ನಂತರ ಫಲಾನುಭವಿಗಳ ಸ್ವೀಕೃತಿ ಮಾಡ್ಯೂಲ್ ಕ್ಯೂಆರ್ ಆಧಾರಿತ ಪ್ರಮಾಣಪತ್ರವನ್ನು ಸಹ ನೀಡುತ್ತದೆ.
ವರದಿ ಮಾಡ್ಯೂಲ್: ವರದಿ ಮಾಡ್ಯೂಲ್ ವ್ಯಾಕ್ಸಿನೇಷನ್ ಅವಧಿಗಳ ಬಗ್ಗೆ ವರದಿಗಳನ್ನು ಸಿದ್ಧಪಡಿಸುತ್ತದೆ. ಇದರಿಂದ ಕೋವಿಡ್ -19 ವ್ಯಾಕ್ಸಿನೇಷನ್ ವ್ಯಾಪ್ತಿಯಲ್ಲಿ ಒಂದು ಪ್ರದೇಶದಲ್ಲಿ ಮತ್ತು ರಾಷ್ಟ್ರಮಟ್ಟದಲ್ಲಿ ಡೇಟಾ ಇರುತ್ತದೆ. ಕೋವಿನ್ -20 ಯ ಮತ್ತೊಂದು ವೈಶಿಷ್ಟ್ಯವೆಂದರೆ ಅದು ಕೋವಿಡ್ -19 ಲಸಿಕೆಗಳನ್ನು ಸಂಗ್ರಹಿಸುವ ಕೋಲ್ಡ್-ಸ್ಟೋರೇಜ್ ಸೌಲಭ್ಯಗಳಿಂದ ಡೇಟಾವನ್ನು ಕಳುಹಿಸುತ್ತದೆ.
