ಕೋಯಿಕ್ಕೋಡ್: ಯಾವುದೇ ಪ್ರವೇಶ ದಾಖಲಾತಿ ಪಡೆಯದೇ ಕ್ಲಾಸ್ 12 ವಿದ್ಯಾರ್ಥಿ ನಾಲ್ಕು ದಿನಗಳ ಕಾಲ ಎಂಬಿಬಿಎಸ್ನ ತರಗತಿಗೆ ಹಾಜರಾಗಿದ್ದಾನೆ ಎಂದು ಕೋಯಿಕ್ಕೋಡ್ ಮೆಡಿಕಲ್ ಕಾಲೇಜು ನೀಡಿದ ದೂರಿನ ಅನ್ವಯ ಕೇರಳ ಪೊಲೀಸರು ತನಿಖೆ ಆರಂಭಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಇದು ನಕಲಿ ದಾಖಲೆ ಅಥವಾ ವಂಚನೆ ಪ್ರಕರಣವಲ್ಲ. ಸರಿಯಾದ ದಾಖಲಾತಿ ಪ್ರವೇಶ ಪಡೆಯದೇ ಯಾರೋ ತರಗತಿಗೆ ಹಾಜರಾಗಿದ್ದಾರೆ ಎಂಬುದರ ಕುರಿತಾಗಿದೆ. ಈ ಕುರಿತು ಎಲ್ಲ ಆಯಾಮದಲ್ಲಿ ತನಿಖೆ ನಡೆಸಲಾಗುತ್ತಿದೆ. ಪ್ರಾಥಮಿಕ ತನಿಖೆ ಬಳಿಕ ಈ ಕುರಿತು ಮಾಹಿತಿ ನೀಡಲಾಗುವುದು ಎಂದು ಅವರು ತಿಳಿಸಿದ್ದಾರೆ.
ಅನೇಕ ವಿದ್ಯಾರ್ಥಿಗಳು ಮೊದಲ ದಿನ ತಡವಾಗಿ ತರಗತಿಗೆ ಬರುತ್ತಾರೆ. ಈ ವೇಳೆ, ಅವರ ಅಡ್ಮಿಶನ್ ಕಾರ್ಡ್ ಪರಿಶೀಲಿಸದೇ ತರಗತಿಗೆ ಅನುಮತಿ ನೀಡುತ್ತೇವೆ. ಅದೇ ರೀತಿ ಯಾರೋ ವಿದ್ಯಾರ್ಥಿ ಸರಿಯಾದ ದಾಖಲಾತಿ ಪಡೆಯದೇ ವಿದ್ಯಾರ್ಥಿ ನಾಲ್ಕು ದಿನ ತರಗತಿಗೆ ಹಾಜರಾಗಿದ್ದಾನೆ. ಐದನೇ ದಿನ ವಿದ್ಯಾರ್ಥಿಗೆ ತರಗತಿಗೆ ಹಾಜರಾಗದ ಬೆನ್ನಲ್ಲೇ ಈ ಕುರಿತು ನಮಗೆ ಅರಿವಿಗೆ ಬಂದಿದೆ ಎಂದು ಕಾಲೇಜಿನ ಉಪ ಪ್ರಾಂಶುಪಾಲರಾದ ಕೆಜಿ ಸಜಿತ್ ಕುಮಾರ್ ತಿಳಿಸಿದ್ದಾರೆ.
ಪ್ರಥಮ ವರ್ಷದ ಎಂಬಿಬಿಎಸ್ ತರಗತಿಗಳು ನವೆಂಬರ್ 25 ರಿಂದ ಆರಂಭವಾಗಿದ್ದು, 245 ವಿದ್ಯಾರ್ಥಿಗಳು ದಾಖಲಾತಿ ಪಡೆದಿದ್ದಾರೆ. ಅವರ ದಾಖಲೆಗಳನ್ನು ಪಡೆದು ಆಡ್ಮಿಶನ್ ಕಾರ್ಡ್ ಅನ್ನು ನೀಡಲಾಗಿದೆ. ಈ ವಿದ್ಯಾರ್ಥಿ ಬಳಿಕ ಆಡ್ಮಿಶನ್ ಕಾರ್ಡ್ ಇರಲಿಲ್ಲ. ಮೊದಲ ದಿನ ಬಂದ ವಿದ್ಯಾರ್ಥಿಗಳ ದಾಖಲೆ ಪರಿಶೀಲಿಸದೇ ಎಲ್ಲರನ್ನೂ ತರಗತಿ ಒಳಗೆ ಸೇರಿಸಲಾಗಿದೆ.
ಆಡ್ಮಿಶನ್ ಕಾರ್ಡ್ ಅನುಸಾರ ಹಾಜರಾತಿ ದಾಖಲೆ ತಯಾರು ಮಾಡಲಾಗಿದೆ. ಆದರೆ, ತರಗತಿಯಲ್ಲಿ 246 ವಿದ್ಯಾರ್ಥಿಗಳು ಇರುವುದು ಪತ್ತೆಯಾಗಿದೆ. ಆಗ ಯಾರೋ ವಿದ್ಯಾರ್ಥಿ ನಾಲ್ಕು ದಿನ ಪ್ರವೇಶ ದಾಖಲಾತಿ ಇಲ್ಲದೇ ಹಾಜರಾಗಿರುವುದು ಪತ್ತೆಯಾಗಿದೆ ಎಂದಿದ್ದಾರೆ.
ಇದನ್ನೂ ಓದಿ: ಉಪ್ಪು ಕಮ್ಮಿ ಹಾಕಿದ್ದಕ್ಕೆ ಅಡುಗೆಯವನ ಕೊಲೆ: ಡಾಬಾ ಮಾಲೀಕರಿಗೆ ಜೈಲೂಟ
