ನವದೆಹಲಿ: ಕೋವಿಡ್ ಹಿನ್ನೆಲೆ ಚೀನಾ ವೀಸಾ ಮತ್ತು ಚೀನಾ ರೆಸಿಡೆನ್ಸಿಯಲ್ ಪರ್ಮಿಟ್ಸ್ ಹೊಂದಿರುವ ಭಾರತದಲ್ಲಿರುವ ವಿದೇಶಿಯರಿಗೆ ಚೀನಾ ಪ್ರವೇಶವನ್ನು ತಾತ್ಕಾಲಿಕವಾಗಿ ತಡೆ ಹಿಡಿಯಲಾಗಿದೆ ಎಂದು ಭಾರತದ ಚೀನಾ ರಾಯಭಾರ ಕಚೇರಿ ತಿಳಿಸಿದೆ.
ರಾಯಭಾರ ಕಚೇರಿ ನೀಡಿರುವ ಅಧಿಕೃತ ಹೇಳಿಕೆಯ ಪ್ರಕಾರ, ಚೀನಾ ವೀಸಾ ಮತ್ತು ಚೀನಾ ರೆಸಿಡೆನ್ಸಿಯಲ್ ಪರ್ಮಿಟ್ಸ್ ಇದ್ದರೂ ಭಾರತದಲ್ಲಿರುವ ವಿದೇಶಿಯರಿಗೆ ತಾತ್ಕಾಲಿಕವಾಗಿ ಚೀನಾ ಪ್ರವೇಶವನ್ನು ತಡೆ ಹಿಡಿಯಲಾಗಿದೆ. ಮೇಲೆ ತಿಳಿಸಿರುವ ವೀಸಾ ಹೊಂದಿರುವರಿಗೆ ಸದ್ಯಕ್ಕೆ ಹೆಲ್ತ್ ಡಿಕ್ಲರೇಶನ್ ಸ್ಟಾಂಪ್ ನೀಡುವುದಿಲ್ಲ.
ಚೀನಾದ ರಾಜತಾಂತ್ರಿಕ, ಸೇವೆ ಮತ್ತು ಸಿ ವೀಸಾಗಳನ್ನು ಹೊಂದಿರುವವರಿಗೆ ಇದು ಅನ್ವಯವಾಗುವುದಿಲ್ಲ. ತುರ್ತು ಕಾರ್ಯಗಳಿಗಾಗಿ ಚೀನಾಕ್ಕೆ ತೆರಳಲು ಭಯಸುವವರು ರಾಯಭಾರ ಕಚೇರಿಗೆ ಅರ್ಜಿ ಸಲ್ಲಿಸಬಹುದು. ನವೆಂಬರ್ 3ರಿಂದ ವೀಸಾ ನೀಡುವ ಪ್ರಕ್ರಿಯೆ ಆರಂಭವಾಗಿದೆ.
