ಹೈದರಾಬಾದ್: ನವೆಂಬರ್ 17ರಂದು 'ಗಿನ್ನೆಸ್ ವಿಶ್ವದಾಖಲೆಗಳ ದಿನ'ವನ್ನಾಗಿ ಆಚರಣೆ ಮಾಡಲಾಗುತ್ತದೆ. ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಪ್ರಪಂಚದಾದ್ಯಂತ ವಿಶೇಷ ದಾಖಲೆಗಳನ್ನು ಒಳಗೊಂಡಿರುವ ಮಹತ್ವದ ಪುಸ್ತಕವಾಗಿದ್ದು, ಚಕಿತಗೊಳಿಸುವ, ಅಚ್ಚರಿ ಮೂಡಿಸುವ ದಾಖಲೆಗಳು ಈ ಪುಸ್ತಕದಲ್ಲಿ ನಮೂದಾಗುತ್ತವೆ. ಇದೀಗ 18ನೇ ಗಿನ್ನೆಸ್ ವಿಶ್ವದಾಖಲೆ (18th Guinness World Records Day) ದಿನ ಮತ್ತಷ್ಟು ಹೊಸ ದಾಖಲೆಗಳು ಹುಟ್ಟಿಕೊಂಡಿವೆ.
ಬ್ರಿಟಿಷ್ ಜಿಮ್ನಾಸ್ಟ್, ಯೂಟ್ಯೂಬರ್ ಆಶ್ಲೇ ವ್ಯಾಟ್ಸನ್ (Ashley Watson) ಎರಡು ಬಾರ್ಗಳ ನಡುವೆ ಸುಮಾರು 6 ಮೀಟರ್ ದೂರ ಬ್ಯಾಕ್ಫ್ಲಿಪ್ ಮಾಡುವ ಮೂಲಕ ಹಿಂದಿನ ದಾಖಲೆ ಪುಡಿಗಟ್ಟಿದ್ದಾರೆ.
ಚೀನಾದ ಝಾಂಗ್ ಶುವಾಂಗ್ ಸುಮಾರು 50 ಮೀಟರ್ ಕಾರು ಎಳೆಯುವ ಮೂಲಕ ಹೊಸ ದಾಖಲೆ ನಿರ್ಮಾಣ ಮಾಡಿದ್ದು, ಇದಕ್ಕಾಗಿ ಅವರು ತೆಗೆದುಕೊಂಡಿದ್ದು ಕೇವಲ 1 ನಿಮಿಷ 13.27 ಸೆಕೆಂಡ್ ಕಾಲಾವಧಿ.
ಅಮೆರಿಕದ ಲಾರಾ ಬಿಯಾಂಡೋ ಎಂಬವರು ಫುಟ್ಬಾಲ್ನಲ್ಲಿ ಅತಿ ಹೆಚ್ಚು ಗಿನ್ನೆಸ್ ದಾಖಲೆಗಳ ಸಾಧನೆ ಮಾಡಿದ್ದು, ಇದೀಗ ಚೆಂಡಿನ ಸುತ್ತ ಲೆಗ್‌ಸ್ಪಿನ್ ಮಾಡುವ ಮೂಲಕ ಹುಬ್ಬೇರಿಸಿದ್ದಾರೆ.
ಲಂಡನ್ನ ಟೈಲರ್ ಫಿಲಿಪ್ಸ್ ಪೋಗೋ ಸ್ಟಿಕ್ನೊಂದಿಗೆ ಅತಿ ಹೆಚ್ಚಿನ ಕಾರುಗಳ ಮೇಲೆ ಜಿಗಿಯುವ ಸಾಧನೆ ಮಾಡಿದ್ದಾರೆ. ಜಪಾನ್ನ ಇಕೆಡಾ ಕೇವಲ 30 ಸೆಕೆಂಡ್ಗಳಲ್ಲಿ 360 ಡಿಗ್ರಿಗಳಷ್ಟು ಸೈಕಲ್ ಅನ್ನು 45 ಸಲ ತಿರುಗಿಸಿ ಹೊಸ ದಾಖಲೆಯನ್ನು ತಮ್ಮ ಹೆಸರಿಗೆ ಸೇರಿಸಿಕೊಂಡರು.
