ನೈನಿತಾಲ್ (ಉತ್ತರಾಖಂಡ): ಗರಂಪಣಿ ಪ್ರದೇಶದಲ್ಲಿ ಬೆಟ್ಟದ ಮೇಲಿಂದ ಬಂಡೆಯೊಂದು ಉರುಳಿ ಬಂದು ಬೈಕ್ ಸವಾರನಿಗೆ ತಗುಲಿದೆ. ಅದೃಷ್ಟವಶಾತ್ ವ್ಯಕ್ತಿ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ. ಸದ್ಯ ಈ ವಿಡಿಯೋ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗ್ತಿದೆ.
ಉರುಳಿ ಬಂದ ಬಂಡೆ.. ಕ್ಷಣಾರ್ಧದಲ್ಲಿ ಬಚಾವಾದ ಬೈಕ್ ಸವಾರ
ಬೈಕ್ ಸವಾರ ಅಲ್ಮೋರಾ ಕಡೆಯಿಂದ ಭೋವಾಲಿ ಕಡೆಗೆ ಬರುತ್ತಿದ್ದಾಗ ಈ ಅವಘಡ ಸಂಭವಿಸಿದೆ. ಕೂದಲೆಳೆ ಅಂತರದಲ್ಲಿ ವ್ಯಕ್ತಿ ಪ್ರಾಣಾಪಾಯದಿಂದ ಬಚಾವ್ ಆಗಿದ್ದಾನೆ.
ಮಳೆಗಾಲದಲ್ಲಿ ನೈನಿತಾಲ್- ಅಲ್ಮೋರಾ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಬಂಡೆಗಳು ಮತ್ತು ಮಣ್ಣು ಬಿದ್ದು ಅನೇಕ ದುರ್ಘಟನೆಗಳು ಜರುಗಿವೆ. ಅನೇಕ ಜನ ಪ್ರಾಣ ಕಳೆದುಕೊಂಡಿದ್ದಾರೆ. ಮೂರು ವರ್ಷಗಳ ಹಿಂದೆ ಬೈಕ್ ಸವಾರರ ಮೇಲೆ ಬಂಡೆ ಉರುಳಿಬಿದ್ದು, ಸ್ಥಳದಲ್ಲೇ ಇಬ್ಬರು ಮೃತಪಟ್ಟಿದ್ದರು. ಬಸ್ ಮೇಲೆ ಬಂಡೆ ಉರುಳಿ ಐವರು ಅಸುನೀಗಿದ್ದರು.
