ಮಹಿಳಾ ಕಮಾಂಡರ್​ ನೇತೃತ್ವದಲ್ಲಿ ಈ ಬಾರಿ ರಾಜ್​ಪಥ್​ನಲ್ಲಿ ಶಿಲ್ಕಾ ಶಸ್ತ್ರಾಸ್ತ್ರ ಪ್ರದರ್ಶನ

ಈ ಬಾರಿ ಗಣರಾಜ್ಯೋತ್ಸ ಸಂದರ್ಭದಲ್ಲಿ ಮೊದಲ ಬಾರಿಗೆ ರಾಜ್‌ಪಥ್​​ನಲ್ಲಿ ನವೀಕರಿಸಿದ ಶಿಲ್ಕಾ ಶಸ್ತ್ರಾಸ್ತ್ರದ ಪ್ರದರ್ಶನ ನಡೆಯಲಿದೆ. ಇದು ನೆಲದ ಮೇಲೆ 2 ಕಿಲೋಮೀಟರ್ ಮತ್ತು ಗಾಳಿಯಲ್ಲಿ ಸುಮಾರು 2.5 ಕಿಲೋಮೀಟರ್​​ವರೆಗೆ ಶತ್ರುಗಳನ್ನು ಗುರಿಯಾಗಿಸಿ ಪತ್ತೆಹಚ್ಚಿ ಶೂಟ್ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ.

ನವದೆಹಲಿ: ಜ. 26ರಂದು ನಡೆಯಲಿರುವ ಗಣರಾಜ್ಯೋತ್ಸವದ ರಾಜ್​​ಪಥ್​​​​ನಲ್ಲಿ ಮೊದಲ ಬಾರಿಗೆ ಸುಧಾರಿತ ಶಿಲ್ಕಾ ಶಸ್ತ್ರಾಸ್ತ್ರದ ಪ್ರದರ್ಶನ ನಡೆಯಲಿದೆ. ಇದರ ಪ್ರದರ್ಶನ ಭಾರತೀಯ ಸೇನೆಯ ಮಹಿಳಾ ಕಮಾಂಡರ್​​ ಪ್ರೀತಿ ಚೌಧರಿ ನೇತೃತ್ವದಲ್ಲಿ ನಡೆಯುತ್ತಿರುವುದು ವಿಶೇಷ.

"ಮೊದಲ ಬಾರಿಗೆ ರಾಜಪಥ್​ನಲ್ಲಿ ನವೀಕರಿಸಿದ ಶಿಲ್ಕಾ ಪ್ರದರ್ಶನ ನಡೆಯಲಿದೆ. ಇದು ನೆಲದ ಮೇಲೆ ಎರಡು ಕಿಲೋಮೀಟರ್​ ದೂರದಲ್ಲೇ ಶತ್ರುಗಳನ್ನು ಗುರಿಯಾಗಿಸಿ ಅವರನ್ನು ಸದೆಬಡಿಯಲಿದೆ. ಗಾಳಿಯಲ್ಲಿ ಸುಮಾರು 2.5 ಕಿಲೋಮೀಟರ್​ವರೆಗೆ ಶತ್ರುಗಳನ್ನು ಪತ್ತೆಹಚ್ಚಿ ಶೂಟ್ ಮಾಡಲಿದೆ" ಎಂದು ಕ್ಯಾಪ್ಟನ್ ಪ್ರೀತಿ ಚೌಧರಿ ಹೇಳಿದ್ದಾರೆ.

ಆಧುನಿಕ ರೇಡಾರ್ ಮತ್ತು ಡಿಜಿಟಲ್ ಫೈರ್ ಕಂಟ್ರೋಲ್ ಕಂಪ್ಯೂಟರ್‌ಗಳನ್ನು ಹೊಂದಿದ ನವೀಕರಿಸಿದ ಶಿಲ್ಕಾ ಶಸ್ತ್ರಾಸ್ತ್ರವೂ, ಎಲ್ಲಾ ಸಮಯದಲ್ಲೂ ಶತ್ರುಗಳನ್ನು ಗುರಿಯಾಗಿಸಿ ನಾಶಮಾಡುವ ಸಾಮರ್ಥ್ಯವನ್ನು ಹೊಂದಿದೆ. ಗುರಿಗಳ ಮೇಲೆ ಇದು ನಿಖರವಾದ ಕಣ್ಣಿಟ್ಟಿರುತ್ತದೆ ಎಂದು ಕ್ಯಾಪ್ಟನ್​ ಚೌಧರಿ ತಿಳಿಸಲಾಗಿದೆ.