ಲಕ್ನೋ: ಅಕ್ರಮ ಆರೋಪದ ಮೇಲೆ ಉತ್ತರ ಪ್ರದೇಶ ಸರ್ಕಾರ ಇಬ್ಬರು ಹಿರಿಯ ಐಪಿಎಸ್ ಅಧಿಕಾರಿಗಳನ್ನು ಅಮಾನತು ಮಾಡಿದೆ.
ದಿನೇಶ್ ಚಂದ್ರ ದುಬೆ ಮತ್ತು ಅರವಿಂದ್ ಸೇನ್ ಅಮಾನತುಗೊಂಡವರು. ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರ ನಿರ್ದೇಶನದ ಮೇರೆಗೆ ಸರ್ಕಾರವು ಡಿಐಜಿ ದಿನೇಶ್ ಚಂದ್ರ ದುಬೆ ಮತ್ತು ಆಗ್ರಾದ ಡಿಐಜಿ ಅರವಿಂದ ಸೇನ್ ಅವರನ್ನು ಅಮಾನತುಗೊಳಿಸಿದೆ ಎಂದು ಗೃಹ ಇಲಾಖೆಯ ವಕ್ತಾರರು ತಿಳಿಸಿದ್ದಾರೆ. ರಾಯ್ ಬರೇಲಿ ಜಿಲ್ಲೆಯ ಶಿವಗರಂಡ್ ಬಚ್ರವಾನ್ ಮತ್ತು ಸದಾಬಾದ್ನಲ್ಲಿ ಕಸ್ತೂರ್ಬಾ ಹಾಸ್ಟೆಲ್ಗಳ ನಿರ್ಮಾಣಕ್ಕೆ ಸಂಬಂಧಿಸಿದಂತೆ ದುಬೆ ಕೆಲವು ಲಾಭಕ್ಕಾಗಿ ಟೆಂಡರ್ ಪಡೆಯುತ್ತಿದ್ದಾರೆ ಎಂಬ ದೂರುಗಳು ಬಂದಿವೆ.
ಅರವಿಂದ್ ಸೇನ್‌ಗೆ ಸಂಬಂಧಿಸಿದಂತೆ, ಪಶುಸಂಗೋಪನಾ ಇಲಾಖೆಯಲ್ಲಿ ಮೋಸ ಮತ್ತು ಖೋಟಾ ಪ್ರಕರಣಕ್ಕೆ ಸಂಬಂಧಿಸಿದಂತೆ ದೂರುಗಳು ಬಂದಿವೆ ಎಂದು ಮೂಲಗಳು ತಿಳಿಸಿವೆ.
