ಹೈದರಾಬಾದ್: ಸೆಲೂನ್ ಮಾಲೀಕ ತನ್ನ ಕೆಲಸಗಾರನ ಜೊತೆಗೂಡಿ ಮಹಿಳೆಯರು ಸ್ನಾನ ಮಾಡುತ್ತಿರುವುದನ್ನು ಕಿಟಕಿಗಳ ಮೂಲಕ ಕದ್ದು ನೋಡುತ್ತಿರುವ ಘಟನೆ ಇಲ್ಲಿನ ಜರ್ನಲಿಸ್ಟ್ ಕಾಲೋನಿಯಲ್ಲಿ ನಡೆದಿದೆ.
ಶಿಲ್ಪಾ ಹೇರ್ ಕಟಿಂಗ್ ಸೆಲೂನ್ ಮಾಲೀಕ ಜಂಗಯ್ಯ (40) ಮತ್ತು ಕೆಲಗಾರ ಮಂಜುನಾಥ್ (30) ಕೆಲ ದಿನಗಳಿಂದಲೂ ಈ ದುಷ್ಟಚಟಕ್ಕೆ ಬಿದ್ದಿದ್ದಾರೆ. ಶಾಪ್ ಪಕ್ಕದಲ್ಲಿರುವ ಮನೆಗಳೇ ಇವರ ಟಾರ್ಗೆಟ್ ಆಗಿತ್ತು. ಮಹಿಳೆಯರು ಸ್ನಾನ ಮಾಡಲು ಬಾತ್ರೂಂಗೆ ತೆರಳಿದ್ದಾಗ ಇವರು ಕಿಟಕಿ ಮೂಲಕ ಕದ್ದು ನೋಡುತ್ತಿದ್ದರು.
ಕೆಲ ಮನೆಗಳ ಹೊರ ಭಾಗದಲ್ಲಿ ಅಳವಡಿಸಿದ್ದ ಸಿಸಿಟಿವಿಗಳನ್ನು ಧ್ವಂಸ ಮಾಡಿದ್ದಾರೆ. ಇನ್ನು ಮಹಿಳೆಯೊಬ್ಬಳು ಇವರ ಮೇಲೆ ದೂರು ನೀಡಿದ್ದು, ಆರೋಪಿಗಳನ್ನು ವಶಕ್ಕೆ ಪಡೆದು, ಐಪಿಸಿ ಸೆಕ್ಷನ್ 354 (ಸಿ), 427, 509 ಕಲಂಗಳಡಿ ಕೇಸ್ ದಾಖಲಿಸಿಕೊಂಡು ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
