ಗಾಜಿಯಾಬಾದ್: ಕೊರೊನಾ ಮಹಾಮಾರಿ ತನ್ನ ಊರಿನವರನ್ನು ಬಾಧಿಸಬಾರದು ಎಂಬ ಕಾರಣಕ್ಕೆ 3ನೇ ತರಗತಿಯ ವಿದ್ಯಾರ್ಥಿಯೊಬ್ಬ ಮನೆ-ಮನೆಗಳಿಗೆ ತೆರಳಿ ಮಾಸ್ಕ್ಗಳನ್ನು ನೀಡುತ್ತಿದ್ದಾನೆ.
ಮಾಸ್ಕ್ ಹಂಚುತ್ತಿರುವ 8 ವರ್ಷದ ಬಾಲಕ
ಉತ್ತರ ಪ್ರದೇಶದ ಗಾಜಿಯಾಬಾದ್ ಜಿಲ್ಲೆಯ ಲೋನಿ ಪ್ರದೇಶದ 8 ವರ್ಷದ ಬಾಲಕ ಮಾನವ್ ಕಸಾನ ತನ್ನ ತಾಯಿ ತಯಾರಿಸಿಕೊಟ್ಟ ಮಾಸ್ಕ್ಗಳನ್ನು ಊರಿನ ಜನರು ಹಾಗೂ ಮಕ್ಕಳಿಗೆ ನೀಡುತ್ತಾ ಮಾಸ್ಕ್ ಹಾಕಿಕೊಳ್ಳಿ ಹಾಗೂ ಲಾಕ್ಡೌನ್ ಆದೇಶ ಪಾಲಿಸಿ ಅಂತ ಮನವಿ ಮಾಡ್ತಿದ್ದಾನೆ.
ಈ ಬಗ್ಗೆ ಪ್ರತಿಕ್ರಿಯಿಸಿ ಬಾಲಕ ಮಾನವ್, ನಮ್ಮೂರಲ್ಲಿ ಯಾವುದೇ ಮೆಡಿಕಲ್ ಶಾಪ್ಗಳಿಲ್ಲ, ಹೀಗಾಗಿ ಜನರಿಗೆ ಮಾಸ್ಕ್ ಕೊಳ್ಳಲು ಕಷ್ಟವಾಗ್ತಿದೆ. ಅದಕ್ಕಾಗಿ ನಾನು ನನ್ನ ಅಮ್ಮನಿಂದ ಬಟ್ಟೆಯಲ್ಲಿ ಮಾಸ್ಕ್ ಹೊಲಿಸಿಕೊಂಡು ಮನೆ -ಮನೆಗೆ ತೆರಳಿ ಉಚಿತವಾಗಿ ಮಾಸ್ಕ್ ವಿತರಿಸುತ್ತಿದ್ದೇನೆ ಅಂತ ಪ್ರತಿಕ್ರಿಯಿಸಿದ್ದಾನೆ.
