ತಿರುವನಂತಪುರಂ : ಜ್ವರ ತಪಾಸಣೆಗಾಗಿ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್-ಪವರ್ ಫೇಸ್ ಡಿಟೆಕ್ಷನ್ ತಂತ್ರಜ್ಞಾನ ಹೊಂದಿರುವ ಮೊದಲ ಥರ್ಮಲ್ ಮತ್ತು ಆಪ್ಟಿಕಲ್ ಇಮೇಜಿಂಗ್ ಕ್ಯಾಮೆರಾವನ್ನು ಕೇರಳದ ರಾಜಧಾನಿಗೆ ಕೇಂದ್ರ ಮಾಜಿ ಸಚಿವ ಶಶಿ ತರೂರ್ ಖರೀದಿಸಿದ್ದಾರೆ.
ಈ ಕುರಿತು ಜಿಲ್ಲಾಧಿಕಾರಿ ಕೆ. ಗೋಪಾಲಕೃಷ್ಣನ್ ಅವರೊಂದಿಗೆ ಮಾತುಕತೆ ನಡೆಸಿರುವ ಶಶಿ ತರೂರ್ ಅವರ ತಂಡ, ಜ್ವರದಿಂದ ಬಳಲುತ್ತಿರುವವರನ್ನು ಪತ್ತೆಹಚ್ಚಲು ಮತ್ತು ಸುರಕ್ಷಿತವಾಗಿ ದೂರದಿಂದ ಸ್ಕ್ಯಾನ್ ಮಾಡಲು ಜಿಲ್ಲೆಗೆ ಯಂತ್ರದ ಅವಶ್ಯಕತೆ ಇತ್ತು ಎಂದು ಜಿಲ್ಲಾಧಿಕಾರಿಗಳ ಗಮನಕ್ಕೆ ತಂದಿದೆ. ಯಂತ್ರದ ಖರೀದಿಗೆ ಕೇಂದ್ರ ಮಾಜಿ ಸಚಿವರು ಎಂಪಿಎಎಲ್‍ಡಿಎಸ್ ನಿಧಿಯನ್ನು ಬಳಸಿದ್ದಾರೆ.
ಥರ್ಮಲ್ ಕ್ಯಾಮೆರಾ ಏಷ್ಯಾದಲ್ಲಿ ಲಭ್ಯವಿಲ್ಲದ ಕಾರಣ ಅಮ್ಸ್‌ಸ್ಟರ್ಡ್ಯಾಮ್ನಿಂದ ಖರೀದಿಸಲಾಗಿದೆ. ಲಾಕ್ಡೌನ್ ಹಿನ್ನೆಲೆ ಕೊಲೊನ್, ಪ್ಯಾರಿಸ್, ಲೀಪ್‌ಜಿಗ್, ಬ್ರಸೆಲ್ಸ್, ಬಹ್ರೇನ್ ಮತ್ತು ದುಬೈಗಳನ್ನು ಒಳಗೊಂಡಂತೆ ಅನೇಕ ದೇಶಗಳ ವಿಮಾನ ಸಂಪರ್ಕ ಬಳಸಿ ಭಾರತಕ್ಕೆ ತರಲಾಯಿತು. ಅಂತಿಮವಾಗಿ ಬೆಂಗಳೂರಿಗೆ ತಲುಪಿದ ಅದನ್ನು ಕೇರಳಕ್ಕೆ ರವಾನಿಸಲಾಯಿತು ಎಂದು ಶಶಿ ತರೂರ್ ಅವರು ತಮ್ಮ ಫೇಸ್ಬುಕ್ನಲ್ಲಿ ಹಂಚಿಕೊಂಡಿದ್ದಾರೆ.
ವಿಮಾನ ನಿಲ್ದಾಣ, ರೈಲ್ವೆ ನಿಲ್ದಾಣ ಸೇರಿದಂತೆ ಎಂಸಿಹೆಚ್ನಲ್ಲಿ ಥರ್ಮಲ್ ಮತ್ತು ಆಫ್ಟಿಕಲ್ ಇಮೇಜಿಂಗ್ ಕ್ಯಾಮರಾವನ್ನು ಅಳವಡಿಸಲಾಗುತ್ತದೆ ಎಂದು ಶಶಿ ತರೂರ್ ತಿಳಿಸಿದ್ದಾರೆ.
