ಸಂಸಾರಕ್ಕೆ ಬಾರದ ಹೆಂಡತಿ, ಟ್ಯಾಂಕ್‌ ಮೇಲಿಂದ ಹಾರಿದ ಗಂಡ: ವಿಡಿಯೋ ವೈರಲ್

ಕೌಟುಂಬಿಕ ಸಮಸ್ಯೆಯಿಂದ ತೀವ್ರವಾಗಿ ಬೇಸರಗೊಂಡ ಯುವಕ ನೀರಿನ ಟ್ಯಾಂಕ್​ ಮೇಲಿಂದ ಹಾರಿ ಆತ್ಮಹತ್ಯೆಗೆ ಯತ್ನಿಸಿ, ಗಂಭೀರವಾಗಿ ಗಾಯಗೊಂಡ ಘಟನೆ ನಡೆದಿದೆ. ಪ್ರಕರಣಕ್ಕೆ ಸಂಬಂಧಿಸಿದ ವಿಡಿಯೋ ವೈರಲ್ ಆಗಿದೆ.

ಹೈದರಾಬಾದ್ (ತೆಲಂಗಾಣ)​: ತೆಲಂಗಾಣದ ಸಿದ್ದಿಪೇಟೆ ಜಿಲ್ಲೆಯ ಯುವಕನೊಬ್ಬ ನೀರಿನ ಟ್ಯಾಂಕ್‌​ ಮೇಲಿನಿಂದ ಜಿಗಿದು ಆತ್ಮಹತ್ಯೆಗೆ ಯತ್ನಿಸಿರುವ ಘಟನೆ ವರದಿಯಾಗಿದೆ.

ಸಿದ್ದಿಪೇಟೆಯ ಕದಾವರಗು ಗ್ರಾಮದ ನಿವಾಸಿ ಕೋಮುಲಾ ಯದಾಗಿರಿ ಎಂಬಾತ ಆತ್ಮಹತ್ಯೆಗೆ ಯತ್ನಿಸಿದ ಯುವಕ.

​ಯುವಕನ ಕುಟುಂಬಸ್ಥರು ಮಾತನಾಡಿ, ಯುವಕನ ಪತ್ನಿ ಕೆಲ ತಿಂಗಳಿಂದ ಆತನಿಂದ ದೂರವಿದ್ದು ಜೀವನ ನಡೆಸುತ್ತಿದ್ದಾಳೆ. ಆಕೆ ಮನೆಗೆ ಬರುತ್ತಿರಲಿಲ್ಲ. ಇದರಿಂದ ಮನನೊಂದ ಯದಾಗಿರಿ ಸಾಯುವ ನಿರ್ಧಾರ ಕೈಗೊಂಡಿದ್ದಾನೆ ಎಂದಿದ್ದಾರೆ.

ಸದ್ಯ ಯದಾಗಿರಿ ಪರಿಸ್ಥಿತಿ ಗಂಭೀರವಾಗಿದ್ದು, ಹೈದರಾಬಾದ್​ನ ಗಾಂಧಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಘಟನಾ ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.