ಮುಂಬೈ: ಮುಂಬೈ ಷೇರು ಮಾರುಕಟ್ಟೆಯಲ್ಲಿ ಸೆನ್ಸೆಕ್ಸ್ ಹಾಗೂ ನಿಫ್ಟಿ ಶೇಕಡಾ ಮೂರರಷ್ಟು ಜಿಗಿತ ಕಂಡಿದೆ. ಹಣಕಾಸು, ಮಾಹಿತಿ ತಂತ್ರಜ್ಞಾನ ಹಾಗೂ ಎಫ್ಎಂಸಿಜಿಯ ಷೇರುಗಳು ಕೊರೊನಾ ಸೋಂಕಿನ ಉಪಟಳ ಜಗತ್ತಿನಲ್ಲಿ ತೀವ್ರವಾಗಿರುವ ವೇಳೆಯಲ್ಲೇ ಹೆಚ್ಚಿನ ವಹಿವಾಟು ನಡೆಸಿ ಭರವಸೆ ಮೂಡಿಸಿವೆ. ಪ್ರಮುಖ ಮೂವತ್ತು ಕಂಪನಿಗಳ ಬಿಎಸ್ಇ ಸೆನ್ಸೆಕ್ಸ್ 905 ಪಾಯಿಂಟ್ಗಳಷ್ಟು ಏರಿಕೆ ಕಂಡಿದ್ದು 30,798ಕ್ಕೆ ತಲುಪಿದೆ. ನಿಫ್ಟಿ 50 ಈಗ 265 ಪಾಯಿಂಟ್ಗಳಷ್ಟು ಏರಿಕೆ ಕಂಡಿದ್ದು, 8,973ಕ್ಕೆ ತಲುಪಿದೆ.
ಇಂದು ವಾರದ ನಿಫ್ಟಿಯ ಕೊನೆಯ ದಿನವಾಗಿದ್ದು, ಈ ವಾರದಲ್ಲಿ ಆಶಾದಾಯಕ ಬೆಳವಣಿಗೆಗಳು ಗೋಚರಿಸಿವೆ. ಲಾಕ್ಡೌನ್ ಕಟ್ಟುನಿಟ್ಟಾಗಿ ಜಾರಿಗೊಳಿದ್ದರೂ ಕೂಡಾ ಸ್ವಲ್ಪ ಮಟ್ಟಿಗೆ ವ್ಯವಹಾರದಲ್ಲಿ ಚೇತರಿಕೆ ಕಾಣುತ್ತಿದೆ. ಇನ್ನೊಂದೆಡೆ ಅಮೆರಿಕನ್ ಡಾಲರ್ ಎದುರು ರೂಪಾಯಿಯ ಮೌಲ್ಯವೂ 27 ಪೈಸೆಗಳಷ್ಟು ಏರಿಕೆ ಕಂಡಿದೆ.
