ಟೆಲಿಕಾಂ ಕಂಪನಿಗಳ ಪರಿಶೀಲನಾ ಅರ್ಜಿಯನ್ನು ವಜಾಗೊಳಿಸಿದ ಸುಪ್ರೀಂಕೋರ್ಟ್

ಒಟ್ಟು ಸಂಪತ್ತಿನ ಮರು ಹೊಂದಾಣಿಕೆ ಪ್ರಕರಣದಲ್ಲಿ ಸುಪ್ರೀಂಕೋರ್ಟ್​ಗೆ ಹೋದ ಟೆಲಿಕಾಂ ಕಂಪನಿಗಳ ಪರಿಶೀಲನಾ ಅರ್ಜಿಯನ್ನು ಕೋರ್ಟ್ ವಜಾಗೊಳಿಸಿದೆ.

ನವದೆಹಲಿ: ಒಟ್ಟು ಸಂಪತ್ತಿನ ಮರು ಹೊಂದಾಣಿಕೆ (ಎಜಿಆರ್) ​​ ಪ್ರಕರಣ ಸಂಬಂಧ ಟೆಲಿಕಾಂ ಕಂಪನಿಗಳು ಸಲ್ಲಿಸಿದ್ದ, ಪರಿಶೀಲನಾ ಅರ್ಜಿಯನ್ನು ಸುಪ್ರೀಂಕೋರ್ಟ್​ ವಜಾಗೊಳಿಸಿದೆ.

ಭಾರತಿ ಏರ್‌ಟೆಲ್, ವೊಡಾಫೋನ್ ಮತ್ತು ಐಡಿಯಾ ಕಂಪನಿಗಳು ಕೋರ್ಟ್​ಗೆ ಅರ್ಜಿ ಸಲ್ಲಿಸಿದ್ದವು. ಈ ಪ್ರಕರಣದ ವಿಚಾರಣೆ ನಡೆಸಿದ ಕೋರ್ಟ್​ ಅರ್ಜಿಯನ್ನು ವಜಾಗೊಳಿಸಿದೆ. ಕಳೆದ ವರ್ಷ ನ್ಯಾಯಾಲಯ ನೀಡಿದ ಆದೇಶದಂತೆ ಈ ಕಂಪನಿಗಳು ಜ. 23 ರೊಳಗೆ ಎಜಿಆರ್ ಬಾಕಿಗಳನ್ನು ದೂರಸಂಪರ್ಕ ಇಲಾಖೆಗೆ ಪಾವತಿಸಬೇಕಾಗುತ್ತದೆ.

ಕಳೆದ ವರ್ಷವೇ ಟೆಲಿಕಾಂ ಕಂಪನಿಗಳು ಎಜಿಆರ್​​ ಬಗ್ಗೆ ಕೇಂದ್ರದ ನಡೆಯನ್ನು ಪ್ರಶ್ನಿಸಿ, ಕೋರ್ಟ್​ಗೆ ಹೋಗಿದ್ದವು. ಅಂದು ಕೂಡ ಕೋರ್ಟ್​ ಮನವಿಯನ್ನು ತಿರಸ್ಕರಿಸಿ, ಕಂಪನಿಗಳಾದ ವೊಡಾಫೋನ್ , ಐಡಿಯಾ, ಭಾರ್ತಿ ಏರ್ಟೆಲ್ ಮತ್ತು ಇತರ ಕಂಪನಿಗಳಿಗೆ ಜನವರಿ 2020 ರ ಒಳಗೆ ಕೇಂದ್ರಕ್ಕೆ 90,000 ಕೋಟಿ ರೂ. ಪಾವತಿಸುವಂತೆ ಸೂಚಿಸಿತ್ತು.