ನವದೆಹಲಿ: ಜಾಗತಿಕ ಬಂಡವಾಳ ಹೂಡಿಕೆ ಸಂಸ್ಥೆಯಾದ ಕೊಲ್ಹ್ಬರ್ಗ್ ಕ್ರಾವಿಸ್ ರಾಬರ್ಟ್ಸ್ (ಕೆಕೆಆರ್)ನಿಂದ 5,550 ಕೋಟಿ ರೂಪಾಯಿಯನ್ನು ಪಡೆದುಕೊಳ್ಳಲಾಗಿದೆ ಎಂದು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಮಾಹಿತಿ ನೀಡಿದೆ.
ಕೊಲ್ಹ್ಬರ್ಗ್ ಕ್ರಾವಿಸ್ ರಾಬರ್ಟ್ಸ್ ಸಂಸ್ಥೆಯು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ನ ಅಂಗಸಂಸ್ಥೆಯಾದ ರಿಲಯನ್ಸ್ ರಿಟೇಲ್ ವೆಂಚರ್ಸ್ ಲಿಮಿಟೆಡ್ (ಆರ್ಆರ್ವಿಎಲ್)ನಲ್ಲಿ ಶೇಕಡಾ 1.28ರಷ್ಟು ಷೇರುಗಳನ್ನು ಕೊಳ್ಳುವುದಾಗಿ ಸೆಪ್ಟೆಂಬರ್ 23ರಂದು ಘೋಷಣೆ ಮಾಡಿತ್ತು.
ಇದರಂತೆ ಕೊಲ್ಹ್ಬರ್ಗ್ ಕ್ರಾವಿಸ್ ರಾಬರ್ಟ್ಸ್ ಸಂಸ್ಥೆಯ ಅಂಗಸಂಸ್ಥೆಯಾದ ಅಲಿಸ್ಸಮ್ ಏಷಿಯಾ ಹೋಲ್ಡಿಂಗ್ಸ್ 2 ಪ್ರೈವೇಟ್ ಲಿಮಿಟೆಡ್ನಿಂದ 5,550 ಕೋಟಿ ರೂಪಾಯಿಯನ್ನು ಪಡೆದುಕೊಳ್ಳಲಾಗಿದೆ ಎಂದು 81,348,479 ಈಕ್ವಿಟಿ ಷೇರುಗಳನ್ನು ಕೆಕೆಆರ್ಗೆ ನೀಡಲಾಗಿದೆ ಎಂದು ರಿಲಯನ್ಸ್ ಇಂಡಸ್ಟ್ರೀಸ್ ತಿಳಿಸಿದೆ.
ರಿಲಯನ್ಸ್ ಇಂಡಸ್ಟ್ರೀಸ್ ಅಂಗಸಂಸ್ಥೆಗಳಲ್ಲಿ ಕೆಕೆಆರ್ ಹೂಡಿಕೆ ಮಾಡುತ್ತಿರುವುದು ಎರಡನೇ ಬಾರಿಯಾಗಿದ್ದು, ಇದಕ್ಕೂ ಮೊದಲು ರಿಲಯನ್ಸ್ನ ಡಿಜಿಟಲ್ ಅಂಗಸಂಸ್ಥೆಯಾದ ಜಿಯೋ ಪ್ಲಾಟ್ಫಾರ್ಮ್ನಲ್ಲಿ ಶೇ2.32ರಷ್ಟು ಷೇರುಗಳನ್ನು 11,367 ಕೋಟಿ ರೂಪಾಯಿಗಳಿಗೆ ಖರೀದಿಸಿತ್ತು.
ರಿಲಯನ್ಸ್ ರಿಟೇಲ್ ವೆಂಚರ್ಸ್ ಲಿಮಿಟೆಡ್ ಸಂಸ್ಥೆಯು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ನ ಅಂಗಸಂಸ್ಥೆಯಾಗಿದ್ದು, ಸೂಪರ್ ಮಾರ್ಕೆಟ್, ವಿದ್ಯುನ್ಮಾನ ಸಾಮಗ್ರಿಗಳು, ಹೋಲ್ಸೇಲ್ ವ್ಯಾಪಾರ, ಆನ್ಲೈನ್ ದಿನಸಿ ವ್ಯಾಪಾರ ಮಾಡುವ ಜಿಯೋ ಮಾರ್ಟ್ ಮುಂತಾದ ವ್ಯವಹಾರಗಳನ್ನು ಮಾಡುತ್ತಿದೆ.
ಸದ್ಯಕ್ಕೆ ರಿಲಯನ್ಸ್ ವೇಗವಾಗಿ ತನ್ನ ವ್ಯಾಪ್ತಿಯನ್ನು ವಿಸ್ತರಣೆ ಮಾಡಿಕೊಳ್ಳುತ್ತಿರುವುದು ಮಾತ್ರವಲ್ಲದೇ ಸಿಲ್ವರ್ ಲೇಕ್, ಗೂಗಲ್, ಫೇಸ್ಬುಕ್ ಮುಂತಾದ ಪ್ರಸಿದ್ಧ ಉದ್ಯಮಗಳೊಂದಿಗೆ ಸಹಭಾಗಿತ್ವ ಹೊಂದಿದೆ.
