ವೀಕ್ಷಕರನ್ನು ಸೂಜಿಗಲ್ಲಿನಂತೆ ಸೆಳೆದ ದೂರದರ್ಶನ: ಟಿಆರ್‌ಪಿಯಲ್ಲಿ ಅಗ್ರ ಸ್ಥಾನಕ್ಕೇರಿದ ವಾಹಿನಿ

ಲಾಕ್​ಡೌನ್​ ದೇಶದಲ್ಲಿ ಅನೇಕ ಸಂಕಷ್ಟ ಸೃಷ್ಟಿಸಿದೆ. ಆದರೆ ದೂರದರ್ಶನಕ್ಕೆ ಮಾತ್ರ ಇದು ವರದಾನವಾಗಿದೆ ಎಂದರೆ ಸುಳ್ಳಲ್ಲ. ಡಿಡಿಯಲ್ಲಿ ಮರು ಪ್ರಸಾರಗೊಳ್ಳುತ್ತಿರುವ ಕೆಲವು ಪೌರಾಣಿಕ ಧಾರಾವಾಹಿಗಳನ್ನು ನೋಡಲು ವೀಕ್ಷಕರು ಮುಗಿಬಿದ್ದಿರುವ ವಿಚಾರವನ್ನು ಬ್ರಾಡ್‌ಕಾಸ್ಟ್‌ ಆಡಿಯನ್ಸ್ ರಿಸರ್ಚ್‌ ಕೌನ್ಸಿಲ್‌ (ಬಾರ್ಕ್‌) ಅಂಕಿ ಅಂಶಗಳು ತಿಳಿಸಿವೆ.

ನವದೆಹಲಿ: ದಿನಕಳೆದಂತೆ ಹೆಚ್ಚೆಚ್ಚು ಖಾಸಗಿ ಮನರಂಜನೆ ನೀಡುವ ಚಾನೆಲ್‌ಗಳು ಲಗ್ಗೆ ಹಾಕುತ್ತಿದ್ದಂತೆ ಕಳೆ ಕಳೆದುಕೊಂಡಿದ್ದ ಸರ್ಕಾರಿ ಒಡೆತನದ ದೂರದರ್ಶನ ಇದೀಗ ಮತ್ತೊಮ್ಮೆ ಗತವೈಭವಕ್ಕೆ ಮರಳಿದೆ. ಅದಕ್ಕೆ ಕಾರಣವಾಗಿದ್ದು ಮಾತ್ರ ಲಾಕ್​ಡೌನ್​ ವೇಳೆ ಪ್ರಸಾರವಾಗುತ್ತಿರುವ ಪೌರಾಣಿಕ ಧಾರಾವಾಹಿಗಳು.

• The return of classic show 'Ramayana' rules television viewership as it generated a whopping 6.9 Billion viewing minutes in the first 4 episodes. #BARCIndia #WhatIndiaWatches #Ramayana #Television #Viewership #Lockdown #Covid19 pic.twitter.com/2ZjSE1WOnx

  — BARCIndia (@BARCIndia) April 5, 2020 " class="align-text-top noRightClick twitterSection" data="

  The return of classic show 'Ramayana' rules television viewership as it generated a whopping 6.9 Billion viewing minutes in the first 4 episodes. #BARCIndia #WhatIndiaWatches #Ramayana #Television #Viewership #Lockdown #Covid19 pic.twitter.com/2ZjSE1WOnx

  — BARCIndia (@BARCIndia) April 5, 2020

  ">

  The return of classic show 'Ramayana' rules television viewership as it generated a whopping 6.9 Billion viewing minutes in the first 4 episodes. #BARCIndia #WhatIndiaWatches #Ramayana #Television #Viewership #Lockdown #Covid19 pic.twitter.com/2ZjSE1WOnx

  — BARCIndia (@BARCIndia) April 5, 2020

ದೇಶದಲ್ಲಿ ಲಾಕ್​ಡೌನ್​ ಘೋಷಣೆಯಾಗ್ತಿದ್ದಂತೆ ದೂರದರ್ಶನದಲ್ಲಿ ಈ ಹಿಂದೆ ಹೆಚ್ಚು ಜನಪ್ರಿಯತೆ ಪಡೆದುಕೊಂಡಿದ್ದ ರಾಮಾಯಣ, ಮಹಾಭಾರತ, ಶಕ್ತಿಮಾನ್ ನಂತಹ ಜನಮೆಚ್ಚುಗೆ ಗಳಿಸಿದ ಧಾರಾವಾಹಿ ಮರುಪ್ರಸಾರಗೊಳ್ಳುತ್ತಿವೆ. ಇದು ವೀಕ್ಷಕರನ್ನು ಮತ್ತೆ ತನ್ನತ್ತ ಸೂಜಿಗಲ್ಲಿನಂತೆ ಸಳೆಯುವುದರಲ್ಲಿ ಯಶಸ್ವಿಯಾಗಿವೆ. ವಾರಾಂತ್ಯದ ಟಿಆರ್​ಪಿ ಲೆಕ್ಕಾಚಾರ ಹೊರಬೀಳುತ್ತಿದ್ದಂತೆ ಎಲ್ಲ ಮನರಂಜನಾ ಖಾಸಗಿ ವಾಹಿನಿಗಳನ್ನು ಡಿಡಿ ಹಿಂದಿಕ್ಕಿದೆ.!

ದೂರದರ್ಶನದಲ್ಲಿ ಮರುಕಳಿಸಿದ ಗತವೈಭವ

ದೂರದರ್ಶನದಲ್ಲಿ ರಾಮಾಯಣ ಪ್ರಸಾರವಾದ ಮೊದಲ 4 ಎಪಿಸೋಡ್​ಗಳನ್ನು ಬರೋಬ್ಬರಿ 93.3 ಮಿಲಿಯನ್​​ ಜನರು ವೀಕ್ಷಣೆ ಮಾಡಿದ್ದು, ಇದರ ಒಟ್ಟು ವೀಕ್ಷಣೆ 6.9 ಬಿಲಿಯನ್​​ ಎಂದು ತಿಳಿದು ಬಂದಿದೆ. ಇದ್ರ ಜತೆಗೆ ಮಹಾಭಾರತ ಹಾಗೂ ಶಕ್ತಿಮಾನ್​ ಕೂಡ ಹೆಚ್ಚು ವೀಕ್ಷಣೆಗೊಳಪಟ್ಟಿವೆ. ಇದರ ಜತೆಗೆ 40 ಸಾವಿರದಷ್ಟು ವೀಕ್ಷಕರನ್ನೂ ತನ್ನ ಬುಟ್ಟಿಗೆ ಹಾಕಿಕೊಂಡಿದೆ ಎಂದು ಬಾರ್ಡ್​ಕಾಸ್ಟ್​​ ಆಡಿಯನ್ಸ್​​​​ ರಿಸರ್ಚ್​ ಕೌನ್ಸಿಲ್​(BARC) ಮಾಹಿತಿ ನೀಡಿದೆ.

ಏಪ್ರಿಲ್​ 3ರ ಅಂತ್ಯದ ವೇಳೆಗೆ ಡಿಡಿ ನ್ಯಾಷನಲ್​ ಬರೋಬ್ಬರಿ 1,59,623 ಅಂಕಗಳೊಂದಿಗೆ ನಂಬರ್​ 1 ಸ್ಥಾನದಲ್ಲಿದೆ. ಖಾಸಗಿ ವಾಹಿನಿಗಳ ಮುಂದೆ ತನ್ನ ಜನಪ್ರಿಯತೆ ಕಳೆದುಕೊಂಡಿದ್ದ ದೂರದರ್ಶನ ಇದೀಗ ಮತ್ತೊಮ್ಮೆ ತನ್ನ ಛಾಪು ಮೂಡಿಸೋಕೆ ರಾಮ, ಕೃಷ್ಣರೇ ಬರಬೇಕಾಯ್ತು ನೋಡಿ..