ನವದೆಹಲಿ: ಜಪಾನ್ನಲ್ಲಿ ನಡೆಯಲಿರುವ G -20 ಶೃಂಗಸಭೆ ವೇಳೆ ಪ್ರಧಾನಿ ಮೋದಿ ಫ್ರಾನ್ಸ್, ಜಪಾನ್, ಇಂಡೋನೇಷ್ಯಾ, ಟರ್ಕಿ ರಾಷ್ಟ್ರಗಳೊಂದಿಗೆ ಸೇರಿ ಒಟ್ಟು 10 ದ್ವಿಪಕ್ಷೀಯ ಮಾತುಕತೆ ನಡೆಸಲಿದ್ದಾರೆ.
ಬ್ರೆಜಿಲ್, ರಷ್ಯಾ, ಇಂಡಿಯಾ, ಚೀನಾ ಹಾಗೂ ದಕ್ಷಿಣ ಆಫ್ರಿಕ (ಬ್ರಿಕ್ಸ್) ಸಭೆಯಲ್ಲಿ ಮೋದಿ ಹಾಜರಿರುತ್ತಾರೆ. ಪ್ರತ್ಯೇಕವಾಗಿ ರಷ್ಯಾ-ಭಾರತ- ಚೀನಾ ಮಾತುಕತೆ ಸಹ ನಡೆಯಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಜೂನ್ 28 ಹಾಗೂ 29ರಂದು ಒಸಾಕದಲ್ಲಿ ನಡೆಯಲಿರುವ G -20 ಶೃಂಗದಲ್ಲಿ ಮೋದಿ ಹಾಜರಿರಲಿದ್ದು, ಇಂಧನ ಭದ್ರತೆ, ಭಯೋತ್ಪಾದನೆ, ಆರ್ಥಿಕ ಅಪರಾಧಗಳ ಬಗ್ಗೆ ಧ್ವನಿ ಎತ್ತಲಿದ್ದಾರೆ.
ವಿದೇಶಾಂಗ ಇಲಾಖೆ ಮಾಹಿತಿಯಂತೆ, ಆರ್ಥಿಕ ಸುಭದ್ರತೆ, ಮೂಲಸೌಕರ್ಯ, WTO ಸುಧಾರಣೆಗಳು, ಆಹಾರ ಭದ್ರತೆ, ತಂತ್ರಜ್ಞಾನ ಹಾಗೂ ಸಾಮಾಜಿಕ ಭದ್ರತೆ ಭಾರತಕ್ಕೆ ಆದ್ಯತೆ ವಿಚಾರಗಳಾಗಿವೆ.
ಹ್ಯೂಮನ್ ಸೆಂಟರ್ಡ್ ಫ್ಯೂಚರ್ ಸೊಸೈಟಿ ( ಮಾನವ ಕೇಂದ್ರಿತ ಭವಿಷ್ಯದ ಸಮಾಜ ಎಂಬ ಘೋಷಣೆಯೊಂದಿಗೆ ಶೃಂಗಸಭೆ ನಡೆಯಲಿದೆ.
