ಹೈದರಾಬಾದ್: ಇಲ್ಲಿನ ಮಹಾನಗರ ಪಾಲಿಕೆ ಫಲಿತಾಂಶದ ಅಂಚೆ ಮತ ಎಣಿಕೆ ಕಾರ್ಯ ಪೂರ್ಣಗೊಂಡಿದ್ದು, ಟಿಆರ್ಎಸ್ ವಿರುದ್ಧ ಸಮರ ಸಾರಿದ್ದ ಬಿಜೆಪಿ ಮುನ್ನಡೆ ಕಾಯ್ದುಕೊಂಡಿದೆ.
ಬಿಜೆಪಿ 85 ವಾರ್ಡ್ನಲ್ಲಿ ಮುನ್ನಡೆ ದಾಖಲಿಸಿದ್ದರೆ, ಟಿಆರ್ಎಸ್ 29, ಎಐಎಂಐಎಂ 17 ಹಾಗೂ ಕಾಂಗ್ರೆಸ್ 2 ವಾರ್ಡ್ನಲ್ಲಿ ಮುನ್ನಡೆ ಗಳಿಸಿದೆ.
ಇನ್ನು 17 ವಾರ್ಡ್ಗಳಲ್ಲಿ ಯಾವೊಂದು ಪಕ್ಷವೂ ಸ್ಪಷ್ಟ ಮುನ್ನಡೆ ದಾಖಲಿಸಿಲ್ಲ.
ಪಾಲಿಕೆಯ ಬಹುಪಾಲು ಫಲಿತಾಂಶವು 2ನೇ ಸುತ್ತಿನ ಮತ ಎಣಿಕೆ ಬಳಿಕ ಹೊರಬೀಳುವ ಸಾಧ್ಯತೆ ಇದೆ. 2ನೇ ಸುತ್ತಿನ ಫಲಿತಾಂಶವನ್ನು ಮಧ್ಯಾಹ್ನ 3 ಗಂಟೆಗೆ ಘೋಷಿಸುವ ಸಾಧ್ಯತೆ ಇದೆ. ಹೀಗೇನಾದರೂ ನಡೆದರೆ ಸಂಜೆ 5ರ ಒಳಗಾಗಿ ಪಾಲಿಕೆಯ ಸಂಪೂರ್ಣ ಫಲಿತಾಂಶ ಹೊರಬೀಳಲಿದೆ. ಮೆಹದಿಪಟ್ಟಣಂನಲ್ಲಿ ಕಡಿಮೆ ಪ್ರಮಾಣದ ಮತ ಚಲಾವಣೆಯಾಗಿರುವುದರಿಂದ ಮೊದಲ ಸುತ್ತಿನಲ್ಲಿ ಫಲಿತಾಂಶ ಪ್ರಕಟಗೊಳ್ಳಲಿದೆ.
