ಅಂತಾರಾಜ್ಯ ಸಂಚಾರಕ್ಕಿಲ್ಲ ಯಾವುದೇ ನಿರ್ಬಂಧ...ರಾಜ್ಯ ಸರ್ಕಾರಗಳಿಗೆ ಕೇಂದ್ರದಿಂದ ಮಹತ್ವದ ಪತ್ರ!

ಕೇಂದ್ರ ಸರ್ಕಾರ ಹೊರಡಿಸಿರುವ ಮಾರ್ಗಸೂಚಿ ಗಾಳಿಗೆ ತೂರಿ ತನ್ನದೇ ಗೈಡ್​ಲೈನ್ಸ್​ ವಿಧಿಸುತ್ತಿರುವ ರಾಜ್ಯ ಸರ್ಕಾರಗಳಿಗೆ ಇದೀಗ ಕೇಂದ್ರ ಗೃಹಸಚಿವಾಲಯ ತರಾಟೆ ತೆಗೆದುಕೊಂಡಿದೆ.

ನವದೆಹಲಿ: ದೇಶಾದ್ಯಂತ ಮಹಾಮಾರಿ ಕೊರೊನಾ ವೈರಸ್​​ ಅಬ್ಬರ ಜೋರಾಗಿದ್ದು, ಇದರ ನಡುವೆ ಲಾಕ್​ಡೌನ್​​ ಹಿಂಪಡೆದುಕೊಳ್ಳಲಾಗಿದೆ. ಸದ್ಯ ಭಾರತದಲ್ಲಿ 3.0 ಅನ್​ಲಾಕ್ ಜಾರಿಯಲ್ಲಿದೆ. ಇದರ ಮಧ್ಯೆ ಕೇಂದ್ರ ಸರ್ಕಾರ ಮತ್ತೊಂದು ಮಹತ್ವದ ನಿರ್ಧಾರ ತೆಗೆದುಕೊಂಡಿದೆ.

ಕೆಲವೊಂದು ರಾಜ್ಯಗಳಲ್ಲಿ ಕೊರೊನಾ ವೈರಸ್​ ಹಾವಳಿ ಜೋರಾಗಿರುವ ಕಾರಣ ಅಂತಾರಾಜ್ಯ ಸಂಚಾರ ನಿರ್ಬಂಧ ಮಾಡಿ, ಆದೇಶ ಹೊರಹಾಕುತ್ತಿವೆ. ಇದರಿಂದ ಗರಂ ಆಗಿರುವ ಕೇಂದ್ರ ಸರ್ಕಾರ ಸದ್ಯ ಎಲ್ಲ ರಾಜ್ಯಗಳಿಗೆ ಪತ್ರ ಬರೆದಿದೆ.

• Union Home Secretary Ajay Bhalla has written to all state Chief Secretaries stating that there should be no restrictions on inter-state & intra-state movement of persons and goods. His letter states that any such restriction amounts to a violation of guidelines issued by MHA. pic.twitter.com/akjLGRccN1

  — ANI (@ANI) August 22, 2020 " class="align-text-top noRightClick twitterSection" data="

  Union Home Secretary Ajay Bhalla has written to all state Chief Secretaries stating that there should be no restrictions on inter-state & intra-state movement of persons and goods. His letter states that any such restriction amounts to a violation of guidelines issued by MHA. pic.twitter.com/akjLGRccN1

  — ANI (@ANI) August 22, 2020

  ">

  Union Home Secretary Ajay Bhalla has written to all state Chief Secretaries stating that there should be no restrictions on inter-state & intra-state movement of persons and goods. His letter states that any such restriction amounts to a violation of guidelines issued by MHA. pic.twitter.com/akjLGRccN1

  — ANI (@ANI) August 22, 2020

ಕೇಂದ್ರ ಗೃಹ ಸಚಿವಾಲಯದ ಕಾರ್ಯದರ್ಶಿ ಅಜಯ್​ ಬುಲ್ಲಾ ಪತ್ರ ಬರೆದಿದ್ದು, ಅಂತಾರಾಜ್ಯ ಸಂಚಾರಕ್ಕಾಗಿ ಯಾವುದೇ ನಿರ್ಬಂಧ ಹೇರದಂತೆ ಸೂಚನೆ ನೀಡಿದೆ. ವ್ಯಕ್ತಿಗಳು ಅಥವಾ ಸರಬರಾಜು ವಾಹನ ಸಂಚಾರಕ್ಕೆ ಇದು ಅನ್ವಯವಾಗಲಿದೆ ಎಂದೂ ತಿಳಿಸಿದೆ. ಈಗಾಗಲೇ ಕೇಂದ್ರ ಸರ್ಕಾರ ಇದಕ್ಕಾಗಿ ಗೈಡ್​ಲೈನ್​ ಹೊರಡಿಸಿದ್ದು, ನಿಮ್ಮ ನಿಮ್ಮ ಪ್ರಕಾರ ಮಾರ್ಗಸೂಚಿ ತಯಾರಿಸಿಕೊಳ್ಳಬೇಡಿ ಎಂದು ವಾರ್ನ್​ ಮಾಡಿದೆ.

5 ಪುಟಗಳನ್ನೊಳಗೊಂಡ ಪತ್ರದಲ್ಲಿ ಇದೀಗ ಅಂತಾರಾಜ್ಯ ಸಂಚಾರಕ್ಕಾಗಿ ಇ-ಪರವಾನಗಿ ಪತ್ರದ ಅವಶ್ಯಕತೆ ಇಲ್ಲ ಎಂದಿದೆ. ಎಲ್ಲ ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳು ಅಂತಾರಾಜ್ಯ ಸಂಚಾರಕ್ಕಾಗಿ ಹೇರಿಕೆ ಮಾಡಿರುವ ನಿರ್ಬಂಧ ತೆರವುಗೊಳಿಸುವಂತೆ ತಿಳಿಸಿದೆ.

ಆರಂಭದಲ್ಲಿ ಸರಿಸುಮಾರು 2 ತಿಂಗಳ ಕಾಲ ಅಂತಾರಾಜ್ಯ ಸಂಚಾರ ಸಂಪೂರ್ಣವಾಗಿ ನಿಷೇಧ ಮಾಡಿ ಕೇಂದ್ರ ಸರ್ಕಾರ ಆದೇಶ ಹೊರಹಾಕಿತ್ತು. ಈ ವೇಳೆ, ಇ-ಪರವಾನಗಿ ಇರುವ ವಾಹನಗಳಿಗೆ ಮಾತ್ರ ಸಂಚಾರಕ್ಕಾಗಿ ಅನುಮತಿ ನೀಡಿತ್ತು. ಆದರೆ, ತದನಂತರ ಅದರ ಮೇಲಿನ ನಿರ್ಬಂಧ ಸಂಪೂರ್ಣವಾಗಿ ತೆಗೆದು ಹಾಕಲಾಗಿದೆ.