ನವದೆಹಲಿ: ಕಳೆದ ಕೆಲ ತಿಂಗಳ ಹಿಂದೆ ಲೀಟರ್ ಹಾಲಿಗೆ ಎರಡು ರೂ ಏರಿಕೆ ಮಾಡಿದ್ದ ಮದರ್ ಡೈರಿ ಇದೀಗ ತನ್ನ ಹಾಲಿನ ದರ ಏರಿಸಿದೆ.
ದೇಶದ ಅತಿದೊಡ್ಡ ಹಾಲು ವಿತರಕರಲ್ಲಿ ಒಂದಾಗಿರುವ ಮದರ್ ಡೈರಿ ಈ ನಿರ್ಧಾರ ಕೈಗೊಂಡಿದ್ದು, ರೈತರಿಂದ ಹಾಲು ಪಡೆದುಕೊಳ್ಳಲು ಹೆಚ್ಚಿನ ಹಣ ನೀಡುತ್ತಿರುವ ಕಾರಣ, ಈ ದರ ಏರಿಕೆ ಮಾಡಲಾಗಿದೆ ಎಂದು ಮದರ್ ಡೈರಿಯ ವಕ್ತಾರರು ತಿಳಿಸಿದೆ. ಇಂದಿನಿಂದಲೇ ನೂತನ ದರ ಜಾರಿಯಾಗಲಿದೆ.ಈ ಹಿಂದೆ 2019ರ ಸೆಪ್ಟೆಂಬರ್ ತಿಂಗಳಲ್ಲಿ ಎರಡು ರೂ ಏರಿಕೆ ಮಾಡಲಾಗಿತ್ತು. ಈ ದರ ದೆಹಲಿ-ಎನ್ಸಿಆರ್ನಲ್ಲಿ ಮಾತ್ರ ಅನ್ವಯಿಸುತ್ತದೆ. ಇದೀಗ ಪೂರ್ಣ ಕೆನೆ ಹಾಲಿನ(Full Cream Milk) ಬೆಲೆ ಲೀಟರ್ಗೆ 55 ಆಗಲಿದೆ.
ಅಮೂಲ್ ಕೂಡ ತನ್ನ ಹಾಲಿನ ಬೆಲೆಯಲ್ಲಿ ಏರಿಕೆ ಮಾಡಿದ್ದು, ಪ್ರತಿ ಲೀಟರ್ಗೆ ಎರಡು ರೂ ಹೆಚ್ಚಳ ಮಾಡಿದೆ. ನೂತನ ದರ ಡಿಸೆಂಬರ್ 15ರಿಂದ ಜಾರಿಯಾಗಲಿದೆ. ಅಹಮದಾಬಾದ್, ಸೌರಾಷ್ಟ್ರ,ದೆಹಲಿ ಎನ್ಸಿಆರ್, ಪಶ್ಚಿಮ ಬಂಗಾಳ,ಮುಂಬೈ ಹಾಗೂ ಮಹಾರಾಷ್ಟ್ರದ ಕೆಲ ಪ್ರದೇಶಗಳಲ್ಲಿ ಈ ಬೆಲೆ ಜಾರಿಯಾಗಲಿದೆ.
ನೂತನ ದರ ಇಂತಿದೆ