ಕೇರಳದಲ್ಲಿ ಸಾಗರದ ಮೇಲೊಂದು ಸ್ಮಶಾನ: ಆದ್ರೆ ಇಲ್ಲಿ ಹೆಣ ಹೂಳಲ್ಲ!

ಕೇರಳದ ಕೋಯಿಕೋಡ್​ ಜಿಲ್ಲೆಯ ಬೇಪೋರ್​ ಬೀಚ್​ನಲ್ಲಿ ಸಾಗರದ ಮೇಲೊಂದು ಸ್ಮಶಾನ ನಿರ್ಮಾಣ ಮಾಡಲಾಗಿದೆ. ಆದ್ರೆ ಇಲ್ಲಿ ಯಾವುದೇ ಹೆಣಗಳನ್ನು ಹೂಳಲ್ಲ. ಇದ್ರ ಹಿಂದಿದೆ ಒಂದು ಸದುದ್ದೇಶ!

ಕೋಯಿಕೋಡ್​(ಕೇರಳ): ಇಲ್ಲಿನ ಬೇಪೋರ್​ ಬೀಚ್​ನಲ್ಲಿ ಸಾಗರದ ಮೇಲೊಂದು ಸ್ಮಶಾನ ನಿರ್ಮಾಣ ಮಾಡಲಾಗಿದೆ. ಆದ್ರೆ ಇದು ಸಾಂಕೇತಿಕ ಸ್ಮಶಾನ ಅಷ್ಟೇ.

ಕೋಯಿಕೋಡ್​ ಬಂದರು ಅಧಿಕಾರಿ ಕ್ಯಾಪ್ಟನ್​ ಅಶ್ವಿನಿ ಪ್ರತಾಪ್ ಮಾಹಿತಿ ನೀಡಿ, ಇದು ಸಾಂಕೇತಿಕ ನಿರ್ಮಾಣವಾಗಿದ್ದು, ಪ್ಲಾಸ್ಟಿಕನ್ನು ನೀರಿಗೆ ಎಸೆಯುವುದರಿಂದ ವಿವಿಧ ಜಾತಿಯ ಮೀನುಗಳು ನಿರ್ನಾಮವಾಗುತ್ತಿವೆ. ಹೀಗಾಗಿ ಜನರಲ್ಲಿ ಅರಿವು ಮೂಡಿಸುವ ಸಲುವಾಗಿ ಈ ಯೋಜನೆ ರೂಪಿಸಲಾಗಿದೆ ಎಂದಿದ್ದಾರೆ.

ಜಲಮಾಲಿನ್ಯದಿಂದ ಜಲಚರಗಳನ್ನು ರಕ್ಷಿಸುವ ಉದ್ದೇಶದಿಂದ ಈ ವಿಶೇಷ ಸ್ಮಶಾನ ನಿರ್ಮಾಣ ಮಾಡಲಾಗಿದೆ.