ನಿಮಚ್ (ಮಧ್ಯಪ್ರದೇಶ): ಬ್ಯಾಂಕ್ನೊಳಗೆ ಹೋಗಿರುವ ಬಾಲಕ ಕೇವಲ ಅರ್ಧ ನಿಮಿಷದ ಕಾಲಾವಧಿಯಲ್ಲಿ ಬರೋಬ್ಬರಿ 10 ಲಕ್ಷ ರೂ ಎಗರಿಸಿ ಪರಾರಿಯಾಗಿರುವ ಘಟನೆ ಮಧ್ಯಪ್ರದೇಶದ ನಿಮಚ್ನಲ್ಲಿ ನಡೆದಿದೆ.
10 ಲಕ್ಷ ರೂ ಹಣ ಎಗರಿಸಿದ ಬಾಲಕನ ಕೃತ್ಯ ನೋಡಿ..
ಜವಾದ್ನ ಜಿಲ್ಲಾ ಸ್ವಸಹಾಯ ಬ್ಯಾಂಕ್ನಲ್ಲಿ ಈ ಘಟನೆ ನಡೆದಿದೆ. ಬ್ಯಾಂಕ್ನೊಳಗೆ ಬಂದಿರುವ ಬಾಲಕ ಮತ್ತೋರ್ವ ವ್ಯಕ್ತಿಯ ಸಲಹೆಯಂತೆ ಕ್ಯಾಶಿಯರ್ ಕೌಂಟರ್ ಬಳಿ ಆಗಮಿಸಿದ್ದಾನೆ. ಈ ವೇಳೆ ಅಲ್ಲಿ ಇಟ್ಟಿರುವ 500 ರೂ ಮುಖಬೆಲೆಯ ಎರಡು ಕಟ್ಟು ಹಣವನ್ನು ಬ್ಯಾಗ್ನೊಳಗೆ ಹಾಕಿಕೊಂಡಿದ್ದಾನೆ. ಇದರ ಸಂಪೂರ್ಣ ವಿಡಿಯೋ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಬ್ಯಾಂಕ್ನಲ್ಲಿ ಅನೇಕರು ಉಪಸ್ಥಿತರಿದ್ದರೂ ಬಾಲಕನ ಕೃತ್ಯ ಯಾರ ಗಮನಕ್ಕೂ ಬಂದಿರಲಿಲ್ಲ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು ಶೋಧ ಕಾರ್ಯ ನಡೆಸುತ್ತಿದ್ದಾರೆ.
