ಲಂಡನ್: ಮದ್ಯದ ದೊರೆ ವಿಜಯ್ ಮಲ್ಯ ಸಲ್ಲಿಕೆ ಮಾಡಿದ್ದ ಗಡಿಪಾರು ಆದೇಶದ ಪರಿಶೀಲನೆ ಅರ್ಜಿ ವಿಚಾರಣೆ ನಡೆಸಲು ಲಂಡನ್ ಉಚ್ಚ ನ್ಯಾಯಾಲಯ ಒಪ್ಪಿಕೊಂಡಿದ್ದು, ಇದರಿಂದ ಮಲ್ಯ ಮತ್ತಷ್ಟು ನಿರಾಳಗೊಂಡಿದ್ದಾರೆ.
ಕೋರ್ಟ್ ಶೆಡ್ಯೂಲ್ನಂತೆ ಹಸ್ತಾಂತರ ಕೋರಿಕೆಯನ್ನು ರದ್ದು ಮಾಡಬೇಕೆಂದು ಮಲ್ಯ ಅರ್ಜಿ ಸಲ್ಲಿಕೆ ಮಾಡಿದ್ದರು. ಅದರ ವಿಚಾರಣೆ ಇಂದು ನಡೆದಿದೆ. ಲಂಡನ್ ನ್ಯಾಯಾಲಯದ ಜಸ್ಟೀಸ್ ಲೆಗಟ್ಟ್ ಹಾಗೂ ಜಸ್ಟೀಸ್ ಪೊಪ್ಪಲೆವೆಲ್ಲೆ ವಿಚಾರಣೆ ನಡೆಸಿ ಈ ಆದೇಶ ನೀಡಿದ್ದಾರೆ.
ಭಾರತದಲ್ಲಿ ವಿವಿಧ ಬ್ಯಾಂಕ್ಗಳಿಗೆ ವಂಚನೆ ಮಾಡಿ, ವಿದೇಶಕ್ಕೆ ಪರಾರಿಯಾಗಿರುವ ವಿಜಯ್ ಮಲ್ಯರನ್ನ ಭಾರತಕ್ಕೆ ಗಡಿಪಾರು ಮಾಡಬೇಕು ಎಂದು ಭಾರತ ಕೇಳಿಕೊಂಡಿತ್ತು. ಇದಕ್ಕೆ ಸಕಾರಾತ್ಮಕವಾಗಿ ಸ್ಪಂದಿಸಿದ್ದ ಬ್ರಿಟನ್ ಸರ್ಕಾರ, ಗಡಿಪಾರು ಮಾಡಲು ಆದೇಶ ನೀಡಿತ್ತು. ಇದನ್ನ ಪ್ರಶ್ನೆ ಮಾಡಿ ಲಂಡನ್ ಹೈಕೋರ್ಟ್ನ ದ್ವಿಸದಸ್ಯ ಪೀಠದ ಮುಂದೆ ಏಪ್ರಿಲ್ನಲ್ಲಿ ಮಲ್ಯ ಅರ್ಜಿ ಸಲ್ಲಿಸಿದ್ದರು. ಲಂಡನ್ ಹೈಕೋರ್ಟ್ನಲ್ಲಿ ಈ ಪ್ರಕರಣದ ಸಂಪೂರ್ಣ ವಿಚಾರಣೆ ಪ್ರಕ್ರಿಯೆ ನಡೆದಿದ್ದು, ಕೋರ್ಟ್ ಈ ತೀರ್ಪು ನೀಡಿದೆ.
