ಪನ್ನಾ(ಮಧ್ಯಪ್ರದೇಶ): ಮಧ್ಯಪ್ರದೇಶದ ಪನ್ನಾ ಜಿಲ್ಲೆಯ ಗಣಿ ಪ್ರದೇಶದಲ್ಲಿ ಕಾರ್ಮಿಕ ಆನಂದಿಲಾಲ್ ಕುಶ್ವಾಹ ಅವರು 10.69 ಕ್ಯಾರೆಟ್ ವಜ್ರವನ್ನು ಶೋಧಿಸಿದ್ದಾರೆ. ಇದು ಜುಲೈ ತಿಂಗಳಲ್ಲಿಯೇ ಅವರು ನಡೆಸಿರುವ ಎರಡನೆಯ ಶೋಧವಾಗಿದೆ.
ಅಧಿಕಾರಿಗಳ ಪ್ರಕಾರ, ಈ ರೀತಿಯ ಸಣ್ಣ ಪ್ರಮಾಣದ ವಜ್ರಗಳು ಕಂಡುಬರುತ್ತಿರುವುದು ನಿಜಕ್ಕೂ ವಿಶೇಷ. ಅಂತಹ ಹೆಚ್ಚಿನ ತುಣುಕುಗಳ ಶೋಧನೆಯು ಹೆಚ್ಚುತ್ತಿರುವ ವಜ್ರದ ಬೇಡಿಕೆಯನ್ನು ಪೂರೈಸುತ್ತದೆ. ಕುಶ್ವಾಹಾ ಅವರ ಶೋಧನೆಯು ಸಣ್ಣ ವಜ್ರಗಳದ್ದಾಗಿದ್ದು, ಇವುಗಳ ಮೌಲ್ಯ ಸುಮಾರು 50-80 ಲಕ್ಷ ರೂಪಾಯಿ ಎನ್ನಲಾಗುತ್ತಿದೆ.
ಈ ಬಗ್ಗೆ ಕುಶ್ವಾಹಾ ಮಾತನಾಡಿ, ನನಗೆ ದೊರೆತಿರುವ ವಜ್ರದಿಂದಾಗಿ ತುಂಬಾ ಸಂತೋಷವಾಗಿದೆ. ಇಂತಹ ಅಮೂಲ್ಯ ವಸ್ತುವಿನ ಇನ್ನೂ ದೊಡ್ಡ ದೊಡ್ಡ ತುಣುಕುಗಳನ್ನು ಕಂಡುಹಿಡಿಯಲು ಸಹೋದ್ಯೋಗಿಗಳೊಂದಿಗೆ ಶ್ರಮಿಸುತ್ತಿದ್ದಾರೆ. ಈ ನಿಟ್ಟಿನಲ್ಲಿ ಹೆಚ್ಚು ಹುರುಪಿನಿಂದ ಈ ಕೆಲಸ ಮುಂದುವರಿಸುವುದಾಗಿ ತಿಳಿಸಿದರು.
ದೊರಕಿರುವ ವಜ್ರವನ್ನು ಸ್ಥಳೀಯ ವಜ್ರ ಕಚೇರಿ (ಹೀರಾ ಕಾರ್ಯಾಲಯ) ಯಲ್ಲಿ ಠೇವಣಿ ಇಡಲಾಗುವುದು ಮತ್ತು ಅದನ್ನು ಹರಾಜು ಕೂಗಲಾಗುವುದು. ವಜ್ರವನ್ನು ಕಂಡುಹಿಡಿದ ವ್ಯಕ್ತಿಗೆ ಹರಾಜು, ಸರ್ಕಾರದ ರಾಯಧನ ಮತ್ತು ತೆರಿಗೆಗಳ ಆದಾಯ ಸಿಗುತ್ತದೆ.
