'ಆತ್ಮವಂಚನೆ ಮಾಡಿಕೊಂಡು ಕಾಂಗ್ರೆಸ್​ನಲ್ಲಿದ್ದೆ'... 'ಕೈ'ಕೊಟ್ಟು ಕಮಲ ಮುಡಿದ ಕೆ ಸಿ ರಾಮಮೂರ್ತಿ

ರಾಜ್ಯದಲ್ಲಿ ಕಾಂಗ್ರೆಸ್​ ಮತ್ತೊಂದು ಮಹಾಘಾತವಾಗಿದೆ. ಕೆ.ಸಿ. ರಾಮಮೂರ್ತಿ ಕಾಂಗ್ರೆಸ್​ ತೊರೆದು ಬಿಜೆಪಿ ಸೇರಿದ್ದಾರೆ. ಈ ವೇಳೆ ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ಸಹ ಉಪಸ್ಥಿತರಿದ್ದರು. ರಾಮಮೂರ್ತಿ ವಾರದ ಹಿಂದೆ ಕಾಂಗ್ರೆಸ್ ರಾಜ್ಯಸಭಾ ಸದಸ್ಯತ್ವಕ್ಕೆ ರಾಜೀನಾಮೆ ಸಲ್ಲಿಸಿದ್ದರು.

ನವದೆಹಲಿ: ಕರ್ನಾಟಕದ ಕಾಂಗ್ರೆಸ್​​ ರಾಜ್ಯಸಭಾ ಸದಸ್ಯತ್ವಕ್ಕೆ ರಾಜೀನಾಮೆ ಸಲ್ಲಿಸಿದ್ದ ಕೆ.ಸಿ. ರಾಮಮೂರ್ತಿ ಅಧಿಕೃತವಾಗಿ ಬಿಜೆಪಿ ಸೇರಿದ್ದಾರೆ.

ಬಿಜೆಪಿ ರಾಷ್ಟ್ರೀಯ ಮುಖ್ಯ ಕಾರ್ಯದರ್ಶಿ ಅರುಣ್ ಸಿಂಗ್ ಸಮ್ಮುಖದಲ್ಲಿ ರಾಮಮೂರ್ತಿ ಕೇಸರಿ ಪಕ್ಷಕ್ಕೆ ಕಾಲಿಟ್ಟಿದ್ದಾರೆ.

ಕೆ.ಸಿ. ರಾಮಮೂರ್ತಿ ಬಿಜೆಪಿ ಸೇರ್ಪಡೆ ವೇಳೆ ಸಂಸದ ಪ್ರಹ್ಲಾದ್ ಜೋಶಿ ಸಹ ಉಪಸ್ಥಿತರಿದ್ದರು. ರಾಮಮೂರ್ತಿ ಅವರು ವಾರದ ಹಿಂದೆ ಕಾಂಗ್ರೆಸ್​ನ ರಾಜ್ಯಸಭಾ ಸದಸ್ಯತ್ವಕ್ಕೆ ರಾಜೀನಾಮೆ ಸಲ್ಲಿಸಿದ್ದರು.

ಬಿಜೆಪಿ ಸೇರ್ಪಡೆ ಖುಷಿ ತಂದಿದೆ:

ಭಾರತೀಯ ಜನತಾ ಪಕ್ಷದ ಸೇರಿದ ಬಳಿಕ ಮಾತನಾಡಿರುವ ಕೆ.ಸಿ. ರಾಮಮೂರ್ತಿ, ಇದು ನನಗೆ ಅತ್ಯಂತ ಖುಷಿ ತಂದಿದೆ. ಅಂತರಾತ್ಮವನ್ನು ಸಾಯಿಸಿ ಕಾಂಗ್ರೆಸ್​​ನಲ್ಲಿದ್ದೆ. ರಾಷ್ಟ್ರೀಯ ಏಕತೆ, ವಿಕಾಸದಲ್ಲಿ ಪ್ರಧಾನಿ ಮೋದಿ ಕೊಡುಗೆ ಮಹತ್ತರವಾಗಿದೆ. ಪ್ರಧಾನಿ ಮೋದಿಯ್ನು ವಿಶ್ವವೇ ಕೊಂಡಾಡುತ್ತಿದೆ ಎಂದಿದ್ದಾರೆ.

ಪಕ್ಷಕ್ಕೆ ಬರಮಾಡಿಕೊಂಡ ಸಂಸದ ಪ್ರಹ್ಲಾದ್ ಜೋಶಿ