ಮೊರಾದಾಬಾದ್, ಉತ್ತರ ಪ್ರದೇಶ: ಕೊರೊನಾ ಸೋಂಕಿತರ ಬಗ್ಗೆ ಮಾಹಿತಿ ಸಂಗ್ರಹಿಸುವಾಗ ಹಲ್ಲೆಗೊಳಗಾಗಿದ್ದ ವೈದ್ಯ ಡಾ. ಎಸ್. ಸಿ. ಅಗರ್ವಾಲ್ ಕಿವಿಮಾತು ಹೇಳಿದ್ದಾರೆ.
ಸಾಂಕ್ರಾಮಿಕ ವೈರಸ್ ವಿರುದ್ಧ ನೇರ ಹೋರಾಟದಲ್ಲಿ ತೊಡಗಿರುವ ಪ್ರತಿಯೊಬ್ಬ ಸಿಬ್ಬಂದಿಯೂ ವೈಯಕ್ತಿಕ ಸುರಕ್ಷತೆಯ ಬಗ್ಗೆ ಹೆಚ್ಚಿನ ಗಮನ ಕೊಡಬೇಕು. ಅದಕ್ಕೆ ಬೇಕಾದ ಅಗತ್ಯ ಸುರಕ್ಷಾ ವಸ್ತುಗಳನ್ನು ಯಾವಾಗಲು ತಮ್ಮೊಂದಿಗೆ ಒಯ್ಯಬೇಕು ಎಂದಿದ್ದಾರೆ.
ಈ ಸಂಬಂಧ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಗಾಯಗೊಂಡ ವೈದ್ಯರು ಈಟಿವಿ ಭಾರತ್ದೊಂದಿಗೆ ಮಾತನಾಡಿ, ಆ ದಾಳಿ ಅಪಾಯಕಾರಿಯಾಗಿತ್ತು. ನಾವು ಸಾವನ್ನೇ ನಮ್ಮ ಕಣ್ಣ ಮುಂದೆ ನೋಡಿದೆವು ಎಂದರು.
'ನೀವು ಇಲ್ಲಿಂದ ರೊಗಿಗಳನ್ನು ಕೊಂಡೊಯ್ದ ನಂತರ ಅವರನ್ನು ಸರಿಯಾಗಿ ನೋಡಿಕೊಳ್ಳುವುದಿಲ್ಲ. ಇನ್ನೂ ನೀವೇ ಜನರಿಗೆ ಕೋವಿಡ್ 19 ಹರಡುತ್ತಿದ್ದೀರ ಅವರನ್ನು ಗುಣ ಪಡಿಸುತ್ತಿಲ್ಲ' ಎಂದ ಎಂದು ಸ್ಥಳೀಯರೊಬ್ಬರು ಆರೋಪಿಸಿದರು.
'ನಾವು ಅವರಿಗೆ ಅರ್ಥ ಮಾಡಿಸಲು ಪ್ರಯತ್ನಿಸಿದೆವು. ಆದರೆ, ಅಷ್ಟರಲ್ಲಿ ನಮ್ಮನ್ನು ಸುತ್ತುವರೆದಿದ್ದ ಗುಂಪು ನಮ್ಮ ಮೇಲೆ ಹಲ್ಲೆಗೆ ಮುಂದಾಗಿತ್ತು' ಎಂದು ಆ ಭಯಾನಕ ಘಟನೆಯನ್ನು ಅಗರ್ವಾಲ್ ನೆನೆದರು.
"ದಯವಿಟ್ಟು ನಿಮ್ಮ ಸೇವೆ ಮುಂದುವರಿಸಿ. ನಿಮಗೆ ಅಗತ್ಯವಿರುವ ಕಡೆ ‘ಭದ್ರತೆ ಪಡೆಯಿರಿ" ಎಂದು ಅಗರ್ವಾಲ್ ಇತರೆ ಸಿಬ್ಬಂದಿಗೆ ಸಲಹೆ ನೀಡಿದ್ದಾರೆ.
