ನಾಳೆಯಿಂದ ಪ್ಯಾಸೆಂಜರ್​ ರೈಲು ಸೇವೆ... ಇಂದಿನಿಂದಲೇ ಆನ್​ಲೈನ್​ ಬುಕ್ಕಿಂಗ್​ ಆರಂಭ

ಲಾಕ್​ಡೌನ್​ ಮಧ್ಯೆ ಕೂಡ ಆಯ್ದ ಕೆಲವೊಂದು ನಗರಗಳಿಗೆ ರೈಲು ಸೇವೆ ಆರಂಭ ಮಾಡಲು ಭಾರತೀಯ ರೈಲ್ವೆ ಇಲಾಖೆ ಮುಂದಾಗಿದೆ.

ನವದೆಹಲಿ: ದೇಶಾದ್ಯಂತ ಲಾಕ್​ಡೌನ್​​ ಹಿನ್ನೆಲೆಯಲ್ಲಿ ಕಳೆದ ಒಂದೂವರೆ ತಿಂಗಳಿಂದ ಸೇವೆ ಸ್ಥಗಿತಗೊಳಿಸಿದ್ದ ರೈಲ್ವೆ ಇಲಾಖೆ ನಾಳೆಯಿಂದ ಸೇವೆ ಪುನಾರಂಭ ಮಾಡಲು ನಿರ್ಧರಿಸಿದೆ. ಹೀಗಾಗಿ ಕೆಲವೊಂದು ಮಹತ್ವದ ಷರತ್ತುಗಳೊಂದಿಗೆ ನಾಳೆಯಿಂದ ದೇಶದಲ್ಲಿ ರೈಲ್ವೆ ಕಾರ್ಯಾಚರಣೆ ಆರಂಭಗೊಳ್ಳಲಿದೆ.

ದೇಶದಲ್ಲಿ ಹೇರಿಕೆ ಮಾಡಲಾಗಿರುವ ಲಾಕ್​​ಡೌನ್​ ಮೇ.17ಕ್ಕೆ ಮುಕ್ತಾಯಗೊಳ್ಳಲಿದ್ದು, ಅದಕ್ಕೂ ನಾಲ್ಕು ದಿನ ಮುಂಚಿತವಾಗಿ ರೈಲು ಸೇವೆ ಆರಂಭ ಮಾಡಲು ಕೇಂದ್ರ ರೈಲ್ವೆ ಇಲಾಖೆ ನಿರ್ಧರಿಸಿದ್ದು, ಆರಂಭದಲ್ಲಿ ಕೇವಲ 15 ವಿಶೇಷ ರೈಲುಗಳು ಸಂಚಾರ ಆರಂಭ ಮಾಡಲಿವೆ. ಇದೇ ವಿಷಯಕ್ಕೆ ಸಂಬಂಧಿಸಿದಂತೆ ಕೇಂದ್ರ ರೈಲ್ವೆ ಖಾತೆ ಸಚಿವ ಪಿಯೂಷ್​ ಗೋಯಲ್​ ಟ್ವೀಟ್​ ಮಾಡಿ ಮಾಹಿತಿ ನೀಡಿದ್ದಾರೆ.

• Railways plans to gradually restart passenger train operations from 12th May, 2020, initially with 15 pairs of special trains connecting New Delhi with major stations across India. Booking in these trains will start at 4 pm on 11th May.https://t.co/DW9I1sPRx6

  — Piyush Goyal (@PiyushGoyal) May 10, 2020 " class="align-text-top noRightClick twitterSection" data="

  Railways plans to gradually restart passenger train operations from 12th May, 2020, initially with 15 pairs of special trains connecting New Delhi with major stations across India. Booking in these trains will start at 4 pm on 11th May.https://t.co/DW9I1sPRx6

  — Piyush Goyal (@PiyushGoyal) May 10, 2020

  ">

  Railways plans to gradually restart passenger train operations from 12th May, 2020, initially with 15 pairs of special trains connecting New Delhi with major stations across India. Booking in these trains will start at 4 pm on 11th May.https://t.co/DW9I1sPRx6

  — Piyush Goyal (@PiyushGoyal) May 10, 2020

  
  

ಇಂದು ಸಂಜೆ 4 ಗಂಟೆಯಿಂದ ಆನ್​​ಲೈನ್​​ನಲ್ಲಿ ಟಿಕೆಟ್​ ಬುಕ್ಕಿಂಗ್​ ಮಾಡಬಹುದಾಗಿದ್ದು, ವಿಶೇಷ ರೈಲುಗಳು ದೆಹಲಿ, ಅಸ್ಸೋಂ, ಪಶ್ಚಿಮ ಬಂಗಾಳ, ಬಿಹಾರ,ಛತ್ತೀಸ್​ಗಢ, ಗುಜರಾತ್,ಜಮ್ಮು, ಜಾರ್ಖಂಡ್​, ಕರ್ನಾಟಕ, ಕೇರಳ,ಮಹಾರಾಷ್ಟ್ರ, ಒಡಿಶಾ, ತಮಿಳುನಾಡು, ತೆಲಂಗಾಣ ಹಾಗೂ ತ್ರಿಪುರಾದಲ್ಲಿ ಆರಂಭಗೊಳ್ಳಲಿವೆ.

ರೈಲ್ವೆ ಇಲಾಖೆ ವೆಬ್​​ಸೈಟ್​​ ಐಆರ್​​ಟಿಸಿಯಲ್ಲಿ ಮಾತ್ರ ಬುಕ್ಕಿಂಗ್​ ಮಾಡಲು ಅವಕಾಶ ನೀಡಲಾಗಿದ್ದು, ಪ್ರಯಾಣಿಕರು ತಮ್ಮೊಂದಿಗೆ ತೆಗೆದುಕೊಂಡು ಹೋಗುವ ಲಗೇಜ್​​ ಸಂಪೂರ್ಣ ತಪಾಸಣೆಗೊಳಪಡಿಸಬೇಕು ಹಾಗೂ ಮಾಸ್ಕ್​ ಧರಿಸುವುದು ಕಡ್ಡಾಯ ಎಂದು ರೈಲ್ವೆ ಇಲಾಖೆ ತಿಳಿಸಿದೆ. ರೈಲ್ವೆ ಪ್ರಯಾಣದ ವೇಳೆ ಸ್ಕ್ರೀನಿಂಗ್​ ಮಾಡುವುದಾಗಿ ಇಲಾಖೆ ಹೇಳಿದ್ದು, ಕೋವಿಡ್​ ಲಕ್ಷಣ ಕಂಡು ಬಂದರೆ ಪ್ರಯಾಣಕ್ಕೆ ಅವಕಾಶ ನೀಡಲ್ಲ ಎಂದಿದೆ. ಈಗಾಗಲೇ ವಿವಿಧ ರಾಜ್ಯಗಳಲ್ಲಿ ಉಳಿದುಕೊಂಡಿರುವ ವಲಸೆ ಕಾರ್ಮಿಕರನ್ನ 366 ಶ್ರಮಿಕ್​​ ವಿಶೇಷ ರೈಲುಗಳ ಮೂಲಕ ಕರೆದುಕೊಂಡು ಬರಲಾಗುತ್ತಿದ್ದು, ಅದರ ಮಧ್ಯೆ ಕೇಂದ್ರ ರೈಲ್ವೆ ಇಲಾಖೆ ಮತ್ತೊಂದು ಮಹತ್ವದ ನಿರ್ಧಾರ ಕೈಗೊಂಡಿದೆ.

ದೇಶದಲ್ಲಿ ಲಾಕ್​​ಡೌನ್​ ಆರಂಭಗೊಳ್ಳುವುದಕ್ಕೂ ಮುಂಚಿತವಾಗಿ ದೇಶದಲ್ಲಿ ಪ್ರತಿದಿನ 12,000 ಸಾವಿರ ರೈಲು ಸಚಾರ ನಡೆಸುತ್ತಿದ್ದವು. ಇದರಿಂದ ಪ್ರತಿದಿನ Rs 28,032.80 ಕೋಟಿ ಗೂಡ್ಸ್​​ನಿಂದ ಹಾಗೂ 12,844.37 ಪ್ಯಾಸೆಂಜರ್​​ಗಳ ಪ್ರಯಾಣದಿಂದ ಹಣ ಬರುತ್ತಿತ್ತು. ಆದರೆ ಲಾಕ್​ಡೌನ್​​ ಹೇರಿಕೆ ಆಗಿರುವ ಕಾರಣ ರೈಲ್ವೆ ಇಲಾಖೆ ನಷ್ಟ ಅನುಭವಿಸಿದೆ.