ಹೈದರಾಬಾದ್: ಚಳಿಗಾಲದ ಅವಧಿ ಪ್ರಾರಂಭವಾಗಿದ್ದು, ಅನೇಕ ರೀತಿಯ ವೈರಸ್‌ಗಳು ಮತ್ತು ಬ್ಯಾಕ್ಟೀರಿಯಾದಿಂದಾಗಿ ಹಲವಾರು ಸೋಂಕುಗಳು ಹರಡುವ ಅಪಾಯವಿದೆ. ಅವುಗಳಲ್ಲಿ ಇನ್ಫ್ಲುಯೆನ್ಜಾ ವೈರಸ್ ಒಂದು. ಮೂಗು, ಗಂಟಲು, ಶ್ವಾಸಕೋಶ ಸೇರಿದಂತೆ ಉಸಿರಾಟದ ವ್ಯವಸ್ಥೆಯ ಮೇಲೆ ಪರಿಣಾಮ ಬೀರುವ ಒಂದು ರೀತಿಯ ವೈರಸ್ ಆಗಿದೆ.
ಇದು ಸಾಂಕ್ರಾಮಿಕ ಕಾಯಿಲೆಯಾಗಿದ್ದು, ನಿರ್ಲಕ್ಷಿಸಿದರೆ ಆರೋಗ್ಯವನ್ನು ಇನ್ನಷ್ಟು ಹದಗೆಡಿಸಬಹುದು. ವ್ಯಾಕ್ಸಿನೇಷನ್ ಲಭ್ಯವಿರುವುದರಿಂದ, ಪ್ರತಿ ವರ್ಷ ಡಿಸೆಂಬರ್ 2 ರಿಂದ 12 ರವರೆಗೆ, ಇನ್ಫ್ಲುಯೆನ್ಜಾ ವ್ಯಾಕ್ಸಿನೇಷನ್ ವಾರವನ್ನು ಆಚರಿಸಲಾಗುತ್ತದೆ. ಅದರ ಲಭ್ಯತೆಯ ಬಗ್ಗೆ ಜಾಗೃತಿ ಮೂಡಿಸಲು ಮತ್ತು ಎಲ್ಲ ವಯಸ್ಸಿನ ಜನರಿಗೆ ಲಸಿಕೆ ಹಾಕುವ ಮೂಲಕ ಸೋಂಕು ತಡೆಗಟ್ಟಬಹುದು.
ಇನ್ಫ್ಲುಯೆನ್ಜಾ ಹೇಗೆ ಹರಡುತ್ತದೆ..?:
ಇನ್ಫ್ಲುಯೆನ್ಜಾ ಸಾಂಕ್ರಾಮಿಕ ರೋಗ, ಇದು ಇತರ ಸಾಮಾನ್ಯ ಜ್ವರಗಳಂತೆ ಕೆಮ್ಮು, ಶೀತದಿಂದ ಪ್ರಾರಂಭವಾಗುತ್ತದೆ. ಇನ್ಫ್ಲುಯೆನ್ಜಾ ವೈರಸ್ ಮೂಗು, ಕಣ್ಣು ಮತ್ತು ಬಾಯಿಯ ಮೂಲಕ ನಮ್ಮ ದೇಹವನ್ನು ಪ್ರವೇಶಿಸುತ್ತದೆ. ಸೋಂಕಿತ ವ್ಯಕ್ತಿಯು ಕೆಮ್ಮಿದಾಗ ಅಥವಾ ಸೀನುವಾಗ, ಹನಿಗಳು ಗಾಳಿಯಲ್ಲಿ ಬಿಡುಗಡೆಯಾಗುತ್ತವೆ. ನಂತರ ಆರೋಗ್ಯವಂತ ವ್ಯಕ್ತಿಯು ಉಸಿರಾಡಿದಾಗ ಈ ವೈರಸ್‌ಗೆ ತುತ್ತಾಗುತ್ತಾರೆ.
ಇನ್ಫ್ಲುಯೆನ್ಜಾ ಆರೋಗ್ಯದ ಮೇಲೆ ಪರಿಣಾಮ..:
ಈ ಸೋಂಕಿನಿಂದಾಗಿ ಸೈನಸ್ ಮತ್ತು ಕಿವಿ ಸೋಂಕು ಕೂಡ ಉಂಟಾಗುತ್ತದೆ. ಪರಿಸ್ಥಿತಿಗಳು ತೀವ್ರವಾಗಿದ್ದರೆ, ಶ್ವಾಸಕೋಶದಂತಹ ಸಮಸ್ಯೆಗಳು ದ್ರವಗಳಿಂದ ತುಂಬಿರುತ್ತವೆ. ಇತರರಿಗೆ ಹೋಲಿಸಿದರೆ, 65 ವರ್ಷಕ್ಕಿಂತ ಮೇಲ್ಪಟ್ಟ ಜನರು, ದುರ್ಬಲ ರೋಗ ನಿರೋಧಕ ಶಕ್ತಿ ಹೊಂದಿರುವ ಜನರು ಮತ್ತು ದೀರ್ಘಕಾಲದ ಕಾಯಿಲೆಗಳಿಂದ ಬಳಲುತ್ತಿರುವ ಜನರ ಮೇಲೆ ಈ ಸೋಂಕು ಹೆಚ್ಚು ಪರಿಣಾಮ ಬೀರುತ್ತದೆ.
ಇನ್ಫ್ಲುಯೆನ್ಜಾದ ಲಕ್ಷಣಗಳು:
ಸುಸ್ತು, ತಲೆ ಸುತ್ತುವುದು
ಶೀತ ಮತ್ತು ಮೈ ನಡುಗುವಿಕೆಯೊಂದಿಗೆ ಹೆಚ್ಚಿನ ಜ್ವರ
ಕಫ, ಉಸಿರಾಟದಲ್ಲಿ ತೊಂದರೆ
ತಲೆ ಮತ್ತು ಸ್ನಾಯುಗಳಲ್ಲಿ ನೋವು
ತಡೆಗಟ್ಟುವುದು ಹೇಗೆ?:
ಇನ್ಫ್ಲುಯೆನ್ಜಾ ವೈರಸ್ ತಡೆಗಟ್ಟಲು ಸ್ವಚ್ಛತೆ ಮುಖ್ಯ. ಆದ್ದರಿಂದ, ಸುತ್ತಮುತ್ತಲಿನ ಪ್ರದೇಶಗಳನ್ನು ಸ್ವಚ್ಛವಾಗಿರಿಸಿಕೊಳ್ಳಿ. ಹಾಗೆಯೇ ಶೌಚಾಲಯಗಳಿಗೆ ಹೋದ ನಂತರ ಕೈಗಳನ್ನು ಸಾಬೂನಿನಿಂದ ತೊಳೆಯಿರಿ, ಜೀರ್ಣವಾಗುವ ಮತ್ತು ಪೌಷ್ಟಿಕ ಆಹಾರವನ್ನು ಸೇವಿಸಿ, ಇದು ದೇಹದ ಪ್ರತಿರಕ್ಷೆಯನ್ನು ಬಲಪಡಿಸುತ್ತದೆ. ಸಾಕಷ್ಟು ನೀರು, ಎಳನೀರು, ಮಜ್ಜಿಗೆ, ಹಾಲು, ರಸವನ್ನು ಕುಡಿಯಿರಿ. ನಿಮಗೆ ಉಸಿರಾಟದ ತೊಂದರೆ ಇದ್ದರೆ ವೈದ್ಯರನ್ನು ಸಂಪರ್ಕಿಸಿ.
ಇಲ್ಲಿ ನೋಡಿ: ಹೈದರಾಬಾದ್ ಪಾಲಿಕೆ ಫಲಿತಾಂಶ; ಮೊದಲ ಬಾರಿಗೆ ಅಚ್ಚರಿ ಫಲಿತಾಂಶ ಪಡೆದ ಬಿಜೆಪಿ
