ಆ.15 ರೊಳಗೆ ಕೋವಿಡ್​ ಲಸಿಕೆ ಬಿಡುಗಡೆ: ICMR ನಿರ್ಧಾರ 'ಅವೈಜ್ಞಾನಿಕ'- ಕಪಿಲ್ ಸಿಬಲ್

ತ್ವರಿತಗತಿಯಲ್ಲಿ ಕೋವಿಡ್ ಲಸಿಕೆ 'ಕೊವಾಕ್ಸಿನ್'ನ ಕ್ಲಿನಿಕಲ್​ ಪ್ರಯೋಗ ಕೈಗೊಂಡು, ಇದರ ಫಲಿತಾಂಶವನ್ನು ಆಗಸ್ಟ್​ 15ರ ಒಳಗಾಗಿ ಬಿಡುಗಡೆ ಮಾಡುವಂತೆ ಕೋರಿ ಭಾರತ್ ಬಯೋಟೆಕ್​ಗೆ ಐಸಿಎಂಆರ್ ಪತ್ರ ಬರೆದಿದ್ದು, ಇದನ್ನು ಟೀಕಿಸಿರುವ ಕಾಂಗ್ರೆಸ್ ಮುಖಂಡ ಕಪಿಲ್ ಸಿಬಲ್ ಇದು ಅವೈಜ್ಞಾನಿಕವಾದದ್ದು ಎಂದು ಹೇಳಿದ್ದಾರೆ.

ನವದೆಹಲಿ: ಆಗಸ್ಟ್ 15 ರೊಳಗೆ ಭಾರತದ ಕೋವಿಡ್​ ಲಸಿಕೆ 'ಕೊವಾಕ್ಸಿನ್​' ಬಿಡುಗಡೆ ಮಾಡುವ ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯ (ಐಸಿಎಂಆರ್) ನಿರ್ಧಾರ ಅವೈಜ್ಞಾನಿಕವಾದದ್ದು ಎಂದು ಕಾಂಗ್ರೆಸ್ ಮುಖಂಡ ಕಪಿಲ್ ಸಿಬಲ್ ಅಭಿಪ್ರಾಯ ಪಟ್ಟಿದ್ದಾರೆ.

ಮಹಾಭಾರತ ಯುದ್ಧ 18 ದಿನಗಳಲ್ಲಿ ಮುಗಿದಂತೆ, ಈಗ 21 ದಿನಗಳು ಕಾದು ನೋಡಿ. ದನದ ಸಗಣಿಯು ಕ್ಯಾನ್ಸರ್​ ರೋಗಿಯನ್ನು ಗುಣಪಡಿಸಿದಂತೆ, ಶಸ್ತ್ರಚಿಕಿತ್ಸೆಯಲ್ಲಿ ಪವಾಡಗಳು ನಡೆಯುವಂತೆ, 'ಗೋ ಕೊರೊನಾ ಗೋ' ಎನ್ನುವಂತೆ ಸಮಸ್ಯೆಗಳಿಗೆ ಪರಿಹಾರ ಸಿಗುವುದಿಲ್ಲ. ಇಂತಹ ಮನಸ್ಥಿತಿಗಳ ಮೂಲಕ ಯುದ್ಧಗಳನ್ನು ಗೆಲ್ಲಲು ಸಾಧ್ಯವಿಲ್ಲ. ಐಸಿಎಂಆರ್​ನ ನಿರ್ಧಾರ ಅವೈಜ್ಞಾನಿಕವಾದದ್ದು ಎಂದು ಕಪಿಲ್​ ಸಿಬಲ್​ ಟ್ವೀಟ್​ ಮಾಡಿದ್ದಾರೆ.

• Unscientific gaffes :
  
  ICMR claim : COVID 19 vaccine by August 15
  
  Mahabharat over in 18 days ; wait 21 days and this war will be won
  
  Chants of : Carona go , Caron go ....
  
  Cow dung cures cancer
  
  Ganesh’s head : miracle of surgery
  
  Such mindsets can never provide solutions

  — Kapil Sibal (@KapilSibal) July 6, 2020 " class="align-text-top noRightClick twitterSection" data="

  Unscientific gaffes :
  
  ICMR claim : COVID 19 vaccine by August 15
  
  Mahabharat over in 18 days ; wait 21 days and this war will be won
  
  Chants of : Carona go , Caron go ....
  
  Cow dung cures cancer
  
  Ganesh’s head : miracle of surgery
  
  Such mindsets can never provide solutions

  — Kapil Sibal (@KapilSibal) July 6, 2020

  ">

  Unscientific gaffes :
  
  ICMR claim : COVID 19 vaccine by August 15
  
  Mahabharat over in 18 days ; wait 21 days and this war will be won
  
  Chants of : Carona go , Caron go ....
  
  Cow dung cures cancer
  
  Ganesh’s head : miracle of surgery
  
  Such mindsets can never provide solutions

  — Kapil Sibal (@KapilSibal) July 6, 2020

ತ್ವರಿತಗತಿಯಲ್ಲಿ ಕೋವಿಡ್ ಲಸಿಕೆ 'ಕೊವಾಕ್ಸಿನ್'ನ ಕ್ಲಿನಿಕಲ್​ ಪ್ರಯೋಗವನ್ನು ಕೈಗೊಂಡು, ಇದರ ಫಲಿತಾಂಶವನ್ನು ಆಗಸ್ಟ್​ 15ರ ಒಳಗಾಗಿ ಬಿಡುಗಡೆ ಮಾಡುವಂತೆ ಕೋರಿ ಐಸಿಎಂಆರ್ ಡಿಜಿ ಬಲರಾಮ್ ಭಾರ್ಗವ ಅವರು ಭಾರತ್ ಬಯೋಟೆಕ್ ಮತ್ತು ವೈದ್ಯಕೀಯ ಕಾಲೇಜುಗಳ ಪ್ರಧಾನ ತನಿಖಾಧಿಕಾರಿಗಳಿಗೆ ಪತ್ರ ಬರೆದಿದ್ದರು. ಇದನ್ನು ಕಪಿಲ್ ಸಿಬಲ್ ಇದೀಗ ಟೀಕಿಸಿದ್ದಾರೆ.

ಕೊವಾಕ್ಸಿನ್:

ವಿಶ್ವವನ್ನೇ ತಲ್ಲಣಗೊಳಿಸಿರುವ ಕೊರೊನಾಗೆ ಈವರೆಗೆ ಯಾವುದೇ ಪ್ರತ್ಯೇಕ ಲಸಿಕೆ ಕಂಡು ಹಿಡಿಯಲಾಗಿರಲಿಲ್ಲ. ಆದರೆ ಇದೇ ಮೊದಲ ಬಾರಿಗೆ ಭಾರತದಲ್ಲಿ ಭಾರತ್​ ಬಯೋಟೆಕ್​​, ಐಸಿಎಂಆರ್, ನ್ಯಾಷನಲ್​ ಇನ್ಸ್ಟಿಟ್ಯೂಟ್​​ ಆಫ್​ ವೈರಾಲಜಿ ಸಹಯೋಗದೊಂದಿಗೆ ಕೊವಾಕ್ಸಿನ್​​ ಲಸಿಕೆ ಕಂಡು ಹಿಡಿಯಲಾಗಿದೆ.

ಕೊವಾಕ್ಸಿನ್​​ನ ಕ್ಲಿನಿಕಲ್ ಪ್ರಯೋಗಕ್ಕಾಗಿ ಭಾರತ್ ಬಯೋಟೆಕ್​ಗೆ ಡ್ರಗ್ ಕಂಟ್ರೋಲರ್ ಜನರಲ್​ ಆಫ್ ಇಂಡಿಯಾ(ಡಿಸಿಜೆಐ), ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಅನುಮೋದನೆ ನೀಡಿದೆ. ಇದು ಕೋವಿಡ್​ ಸೋಂಕಿತರ ಮೇಲೆ ಲಸಿಕೆಯ ಪ್ರಯೋಗ ನಡೆಸಲಿದ್ದು, ಆ.15 ರೊಳಗೆ ಇದರ ಫಲಿತಾಂಶ ಬಿಡುಗಡೆ ಮಾಡಲಿದೆ.