ವಿಶ್ವಾದ್ಯಂತ 80 ಲಕ್ಷ ಜನರಿಗೆ ಕೊರೊನಾ: 4.35 ಲಕ್ಷ ಮಂದಿ ಕೋವಿಡ್​​​ಗೆ ಬಲಿ

ಜಗತ್ತಿನಾದ್ಯಂತ 79.82 ಲಕ್ಷ ಜನ ಕೊರೊನಾ ಪೀಡಿತರಾಗಿದ್ದಾರೆ. ಕೋವಿಡ್​​ ದಾಳಿಯಿಂದಾಗಿ ಸುಮಾರು 4.35 ಲಕ್ಷ ಜನ ಪ್ರಾಣ ಕಳೆದುಕೊಂಡಿದ್ದಾರೆ. ಇನ್ನೂ ಕೂಡ ಈ ಮಹಾಮಾರಿ ತನ್ನ ಆರ್ಭಟ ಮುಂದುವರೆಸಿದೆ.

ನವದೆಹಲಿ: ವಿಶ್ವವನ್ನ ಕಾಡುತ್ತಿರುವ ಮಹಾಮಾರಿ ಕೊರೊನಾ ಪೀಡಿತರ ಸಂಖ್ಯೆ ದಿನೇ ದಿನೆ ಹೆಚ್ಚಾಗುತ್ತಲೇ ಸಾಗಿದೆ.

ಜಗತ್ತಿನಾದ್ಯಂತ 79.82 ಲಕ್ಷ ಜನ ಕೊರೊನಾ ಪೀಡಿತರಾಗಿದ್ದಾರೆ. ಕೋವಿಡ್​​ ದಾಳಿಯಿಂದಾಗಿ ಸುಮಾರು 4.35 ಲಕ್ಷ ಜನ ಪ್ರಾಣ ಕಳೆದುಕೊಂಡಿದ್ದಾರೆ. ಇದರಲ್ಲಿ 41,03,984(41 ಲಕ್ಷ) ಜನ ಗುಣಮುಖರಾಗಿ ಸಹಜ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಇನ್ನು ಕಾಯಿಲೆಯ ಮೂಲವಾದ ಚೀನಾದಲ್ಲಿ ಮತ್ತೆ ಕೊರೊನಾ ಅಟ್ಟಹಾಸ ಮರುಕಳಿಸಿದೆ.

ಡ್ರ್ಯಾಗನ್​ ರಾಜಧಾನಿ ಬೀಜಿಂಗ್​​ನಲ್ಲಿ 49 ಹೊಸ ಪಾಸಿಟಿವ್​ ಕೇಸ್​ಗಳು ಕಂಡು ಬಂದಿವೆ. ಚೀನಾದಲ್ಲಿ 83,181 ಪಾಸಿಟಿವ್​ ಕೇಸ್​ಗಳು ವರದಿಯಾಗಿದ್ದರೆ, 4634 ಜನ ಮರಣಹೊಂದಿದ್ದಾರೆ.