ನವದೆಹಲಿ: ದೇಶದ ಮೊದಲ ಕೊರೊನಾ ವೈರಸ್ ಪ್ರಕರಣದ ಮೈಕ್ರೋಸ್ಕೋಪಿ ಚಿತ್ರ ರಿಲೀಸ್ ಆಗಿದೆ. ಕೇರಳದಲ್ಲಿ ಜನವರಿ 30ರಂದು ವರದಿಯಾಗಿದ್ದ ಭಾರತದ ಮೊದಲ ಕೊರೊನಾ ವೈರಸ್ ವ್ಯಕ್ತಿಯಲ್ಲಿನ ಗಂಟಲಿನ ದ್ರವ ಪರೀಕ್ಷೆಗೊಳಪಡಿಸಲಾಗಿತ್ತು. ಇದೀಗ ಅದರ ಚಿತ್ರ ರಿಲೀಸ್ ಆಗಿದೆ.
ಭಾರತೀಯ ವಿಜ್ಞಾನಿಗಳು SARS-CoV-2 ವೈರಸ್ (COVID19)ನ ಮೈಕ್ರಸ್ಕೋಪಿ ಚಿತ್ರವನ್ನ ರಿಲೀಸ್ ಮಾಡಿದ್ದು, ಆತನಿಗೆ ಕೊರೊನಾ ಇರುವುದನ್ನ ಪ್ರಯೋಗಾಲಯದಲ್ಲಿ ದೃಢಪಡಿಸಿದ ಬಳಿಕ ವಿಜ್ಞಾನಿಗಳು ಗಂಟಲಿನ ದ್ರವ ತೆಗೆದುಕೊಂಡಿದ್ದರು. ಸದ್ಯ ಅದರ ಸಂಶೋಧನೆ ನಡೆಸಿದ ಬಳಿಕ ಅಂದರೆ ಬರೋಬ್ಬರಿ 2 ತಿಂಗಳ ಬಳಿಕ ಅದರ ಚಿತ್ರ ರಿಲೀಸ್ ಮಾಡಲಾಗಿದೆ. ಇದರಲ್ಲಿ ಕೊರೊನಾ ಸೋಂಕು ಯಾವ ರೀತಿಯಾಗಿರುತ್ತದೆ ಎಂಬುದರ ದೃಶ್ಯವಿದೆ.
ಎಲೆಕ್ಟ್ರಾನ್ ಮೈಕ್ರೋಸ್ಕೋಪ್ ಇಮೇಜಿಂಗ್ ಬಳಸಿ ಪುಣೆಯ ವಿಜ್ಞಾನಿಗಳು ಕೋವಿಡ್ ವೈರಸ್ ಯಾವ ರೀತಿಯಾಗಿರುತ್ತದೆ ಎಂಬುದನ್ನ ರಿಲೀಸ್ ಮಾಡಿದ್ದಾರೆ.
