ಆರೋಗ್ಯ ಸಚಿವರಿಂದ ಶುಭ ಸುದ್ದಿ: ಮುಂದಿನ ವರ್ಷವೇ ಬರಲಿದೆಯಂತೆ ಕೋವಿಡ್​ ಲಸಿಕೆ

2021ರ ಮೊದಲ ತ್ರೈಮಾಸಿಕದ ವೇಳೆಗೆ ಭಾರತದಲ್ಲಿ ಮೊದಲ ಕೊರೊನಾ ಲಸಿಕೆ ಲಭ್ಯವಾಗಲಿದೆ ಎಂದು ಕೇಂದ್ರ ಆರೋಗ್ಯ ಸಚಿವ ಡಾ. ಹರ್ಷವರ್ಧನ್​ ಮಾಹಿತಿ ನೀಡಿದ್ದಾರೆ.

ನವದೆಹಲಿ: ಮಹಾಮಾರಿ ಕೊರೊನಾ ವೈರಸ್​ ವಿರುದ್ಧದ ಹೋರಾಟ ಮುಂದುವರೆದಿದ್ದು, ಇಲ್ಲಿಯವರೆಗೆ ಯಾವುದೇ ದೇಶಗಳಿಂದ ಅಧಿಕೃತವಾಗಿ ಕೋವಿಡ್​ ಲಸಿಕೆ ಸಿದ್ಧಗೊಂಡಿಲ್ಲ. ಅಮೆರಿಕ, ಫ್ರಾನ್ಸ್​, ಜಪಾನ್​ ಸೇರಿ ಅನೇಕ ದೇಶಗಳು ಲಸಿಕೆ ಕಂಡು ಹಿಡಿಯುವ ನಿಟ್ಟಿನಲ್ಲಿದ್ದು, ಇದರ ಮಧ್ಯೆ ಭಾರತದಿಂದ ಗುಡ್​ನ್ಯೂಸ್​ ಹೊರಬಿದ್ದಿದೆ.

ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ(ಐಸಿಎಂಆರ್​) 100 ವರ್ಷಗಳ ಕಾಲಮಿತಿ ಇತಿಹಾಸ ಕುರಿತ ಪುಸ್ತಕ ಬಿಡುಗಡೆ​ ಮಾಡಿ ಕೇಂದ್ರ ಆರೋಗ್ಯ ಸಚಿವರು ಮಾತನಾಡಿದರು. 2021ರ ಮೊದಲ ತ್ರೈಮಾಸಿಕದ ವೇಳೆಗೆ ಭಾರತದಲ್ಲಿ ಮೊದಲ ಕೋವಿಡ್​​-19 ಲಸಿಕೆ ಲಭ್ಯವಾಗಲಿದೆ ಎಂದು ಕೇಂದ್ರ ಆರೋಗ್ಯ ಸಚಿವ ಡಾ. ಹರ್ಷವರ್ಧನ್​ ತಿಳಿಸಿದ್ದಾರೆ. ಸುದ್ದಿಗೋಷ್ಠಿಯಲ್ಲಿ ಭಾಗಿಯಾಗಿ ಮಾತನಾಡಿರುವ ಅವರು, ದೇಶದಲ್ಲಿ ಲಸಿಕೆ ಅಭಿವೃದ್ಧಿ ಪಡಿಸುವ ಸಂಶೋಧನಾ ಕಾರ್ಯ ತ್ವರಿತಗತಿಯಲ್ಲಿ ನಡೆಯುತ್ತಿದೆ. ಮೂರನೇ ಹಂತದ ಪ್ರಾಯೋಗಿಕ ಪರೀಕ್ಷೆಯಲ್ಲಿ ಮೂರು ಲಸಿಕೆಗಳಿದ್ದು, 2021ರ 1ನೇ ತ್ರೈಮಾಸಿಕದ ವೇಳೆಗೆ ಅವು ಲಭ್ಯವಾಗಲಿವೆ ಎಂದಿದ್ದಾರೆ.

• Today's a historic day for ICMR. It's an honour for me to release 100-year timeline of history of ICMR within its premises today. The contribution of scientists associated with it is commemorated & serves as an inspiration to upcoming scientists: H Vardhan, Union Health Minister pic.twitter.com/2smfgLXQwW

  — ANI (@ANI) September 28, 2020 " class="align-text-top noRightClick twitterSection" data="

  Today's a historic day for ICMR. It's an honour for me to release 100-year timeline of history of ICMR within its premises today. The contribution of scientists associated with it is commemorated & serves as an inspiration to upcoming scientists: H Vardhan, Union Health Minister pic.twitter.com/2smfgLXQwW

  — ANI (@ANI) September 28, 2020

  ">

  Today's a historic day for ICMR. It's an honour for me to release 100-year timeline of history of ICMR within its premises today. The contribution of scientists associated with it is commemorated & serves as an inspiration to upcoming scientists: H Vardhan, Union Health Minister pic.twitter.com/2smfgLXQwW

  — ANI (@ANI) September 28, 2020

ಇಂದು ಐಸಿಎಂಆರ್​​ಗೆ ಐತಿಹಾಸಿಕ ದಿನ. 100 ವರ್ಷಗಳ ಟೈಮ್​ಲೈನ್​​ ಇದೀಗ ರಿಲೀಸ್​ ಮಾಡಲಾಗುತ್ತಿದ್ದು, ಇದು ನನಗೆ ಗೌರವವಾಗಿದೆ. ವಿಜ್ಞಾನಿಗಳ ಕೊಡುಗೆ ಸ್ಮರಿಸಲಾಗುತ್ತದೆ. ಜತೆಗೆ ಮುಂಬರುವ ವಿಜ್ಞಾನಿಗಳಿಗೆ ಇದು ಸ್ಫೂರ್ತಿಯಾಗಲಿದೆ ಎಂದಿದ್ದಾರೆ.

ಇದೇ ವೇಳೆ, ಕಳೆದ 24 ಗಂಟೆಗಳಲ್ಲಿ ದೇಶದಲ್ಲಿ 82,170 ಹೊಸ ಕೊರೊನಾ ವೈರಸ್​ ಪ್ರಕರಣಗಳು ಪತ್ತೆಯಾಗಿದ್ದು, ಈ ಮೂಲಕ ಭಾರತದಲ್ಲಿ ಕೋವಿಡ್​​-19 60 ಲಕ್ಷ ಗಡಿ ದಾಟಿದೆ ಎಂದು ಆರೋಗ್ಯ ಸಚಿವಾಲಯ ಮಾಹಿತಿ ನೀಡಿದೆ.