ವಿಂಡೀಸ್‌ ವಿರುದ್ಧದ ಟೆಸ್ಟ್‌ ಸರಣಿ ಗೆದ್ದ ಇಂಗ್ಲೆಂಡ್‌: 500ನೇ ವಿಕೆಟ್ ಪಡೆದು ಮಿಂಚಿದ ಬ್ರಾಡ್‌

ವೆಸ್ಟ್​ ಇಂಡೀಸ್​-ಇಂಗ್ಲೆಂಡ್​ ನಡುವೆ ನಡೆದ ಮೂರು ಪಂದ್ಯಗಳ ಟೆಸ್ಟ್​ ಸರಣಿಯಲ್ಲಿ ಇಂಗ್ಲೆಂಡ್​​ 2-1 ಅಂತರದಿಂದ ಗೆಲುವು ದಾಖಲಿಸಿ ಹೊಸ ದಾಖಲೆ ನಿರ್ಮಾಣ ಮಾಡಿದೆ.

ಮ್ಯಾಂಚೆಸ್ಟರ್​​: ಇಂಗ್ಲೆಂಡ್​​ ಮತ್ತು ವಿಂಡೀಸ್​ ತಂಡಗಳ ನಡುವೆ ನಡೆದ ಮೂರು ಪಂದ್ಯಗಳ ವಿಸ್ಡನ್​ ಟ್ರೋಫಿ ಟೆಸ್ಟ್​​ ಸರಣಿಯನ್ನು ಇಂಗ್ಲೆಂಡ್ 2-1ರ ಅಂತರದಿಂದ ಕೈವಶ ಮಾಡಿಕೊಂಡಿದೆ.

ಇಂದು ಕೊನೆಗೊಂಡ ಮೂರನೇ ಟೆಸ್ಟ್​​ ಪಂದ್ಯದಲ್ಲಿ ಇಂಗ್ಲೆಂಡ್​ ತಂಡ 269 ರನ್​ಗಳ ಜಯ ಸಾಧಿಸಿದ್ದು, ಪಂದ್ಯದಲ್ಲಿ ವೇಗದ ಬೌಲರ್​ ಸ್ಟುವರ್ಟ್​​ ಬ್ರಾಡ್​ ಕೇವಲ 67 ರನ್​ ನೀಡಿ ಬರೋಬ್ಬರಿ 10 ವಿಕೆಟ್​​ ಪಡೆದು ಮಿಂಚಿದರು.

ಇಂಗ್ಲೆಂಡ್​ ತಂಡ ಮೊದಲ ಇನ್ನಿಂಗ್ಸ್​​ನಲ್ಲಿ 369 ರನ್​ಗಳಿಸಿದರೆ, ವೆಸ್ಟ್​ ಇಂಡೀಸ್​ ಕೇವಲ 197 ರನ್​ಗಳಿಗೆ ಆಲೌಟ್​ ಆಯಿತು. ಎರಡನೇ ಇನ್ನಿಂಗ್ಸ್​​ನಲ್ಲಿ 226 ರನ್​ಗಳಿಕೆ ಮಾಡಿ ಇಂಗ್ಲೆಂಡ್​ ತಂಡ ಡಿಕ್ಲೇರ್​ ಮಾಡಿಕೊಂಡಿತು. ಮತ್ತೊಮ್ಮೆ ಬ್ಯಾಟಿಂಗ್​ ಮಾಡಲು ಮೈದಾನಕ್ಕಿಳಿದ ವೆಸ್ಟ್​ ಇಂಡೀಸ್​ ತಂಡ ಕೇವಲ 129ರನ್​ಗಳಿಗೆ ತನ್ನೆಲ್ಲಾ ವಿಕೆಟ್​ ಕಳೆದುಕೊಂಡು 269 ರನ್​ಗಳ ಸೋಲು ಕಾಣುವಂತಾಯಿತು.

• 🏴󠁧󠁢󠁥󠁮󠁧󠁿 2️⃣–1️⃣ 🌴
  
  England win the Wisden Trophy in its final outing 🏆 #ENGvWI pic.twitter.com/LSbPiNmMfk

  — ICC (@ICC) July 28, 2020 " class="align-text-top noRightClick twitterSection" data="

  🏴󠁧󠁢󠁥󠁮󠁧󠁿 2️⃣–1️⃣ 🌴
  
  England win the Wisden Trophy in its final outing 🏆 #ENGvWI pic.twitter.com/LSbPiNmMfk

  — ICC (@ICC) July 28, 2020

  ">

  🏴󠁧󠁢󠁥󠁮󠁧󠁿 2️⃣–1️⃣ 🌴
  
  England win the Wisden Trophy in its final outing 🏆 #ENGvWI pic.twitter.com/LSbPiNmMfk

  — ICC (@ICC) July 28, 2020

ಮೊದಲ ಪಂದ್ಯದಲ್ಲಿ ಭರ್ಜರಿ ಗೆಲುವು ದಾಖಲಿಸಿದ್ದ ಕೆರಿಬಿಯನ್​ ತಂಡ ಎರಡನೇ ಹಾಗೂ ಮೂರನೇ ಪಂದ್ಯದಲ್ಲಿ ಹೇಳಿಕೊಳ್ಳುವಂತಹ ಪ್ರದರ್ಶನ ನೀಡಲಿಲ್ಲ. ಹೀಗಾಗಿ ಭರ್ಜರಿ ಕಮ್​ಬ್ಯಾಮ್​ ಮಾಡಿದ ರೂಟ್​ ಪಡೆ ವಿಸ್ಡನ್​​ ಟ್ರೋಫಿಗೆ ಮುತ್ತಿಕ್ಕಿದೆ. ನಿನ್ನೆ ಮಳೆಯಾರ್ಭಟ ಜೋರಾಗಿದ್ದ ಕಾರಣ ಇಂದು ಇಂಗ್ಲೆಂಡ್​ ತಂಡ ಗೆಲುವಿಗೆ 8 ವಿಕೆಟ್​ಗಳ ಅವಶ್ಯಕತೆ ಇತ್ತು. ವೇಗಿ ಕ್ರಿಸ್​ ವೋಕ್ಸ್​​​ 5 ವಿಕೆಟ್​ ಹಾಗೂ ಬ್ರಾಡ್​​​ 4 ವಿಕೆಟ್​​ ಪಡೆದುಕೊಂಡು ಮಿಂಚಿದರು.

ಮೊದಲ ಇನ್ನಿಂಗ್ಸ್​​ನಲ್ಲಿ ಕೇವಲ 31ರನ್​ ನೀಡಿ 6 ವಿಕೆಟ್​ ಪಡೆದುಕೊಂಡಿದ್ದ ಬ್ರಾಡ್​ ಎರಡನೇ ಇನ್ನಿಂಗ್ಸ್​​ನಲ್ಲೂ 36 ರನ್​ ನೀಡಿ 4 ವಿಕೆಟ್ ಪಡೆದು ಮಿಂಚಿ, ಪಂದ್ಯಶ್ರೇಷ್ಠ ಗೌರವಕ್ಕೆ ಪಾತ್ರರಾದರು. ಇದರ ಜೊತೆಗೆ ಇದೇ ಪಂದ್ಯದಲ್ಲಿ ಟೆಸ್ಟ್​ ಕ್ರಿಕೆಟ್​ ವೃತ್ತಿ ಬದುಕಿನ 500ನೇ ವಿಕೆಟ್​ ಸಂಪಾದನೆ ಮಾಡಿ ವಿಶಿಷ್ಟ ಸಾಧನೆ ಮಾಡಿದರು.

ಸಂಕ್ಷಿಪ್ತ ಸ್ಕೋರ್ ವಿವರ:

ಇಂಗ್ಲೆಂಡ್‌ ತಂಡ: ಮೊದಲ ಇನ್ನಿಂಗ್ಸ್‌ 369, ಎರಡನೇ ಇನ್ನಿಂಗ್ಸ್‌ 226/2 ಡಿಕ್ಲೇರ್​​

ವೆಸ್ಟ್‌ ಇಂಡೀಸ್‌: ಮೊದಲ ಇನ್ನಿಂಗ್ಸ್ 197 ಹಾಗೂ ಎರಡನೇ ಇನ್ನಿಂಗ್ಸ್‌ 129/10

ಮೂರು ಪಂದ್ಯಗಳ ಟೆಸ್ಟ್​ ಸರಣಿಯಲ್ಲಿ ಇಂಗ್ಲೆಂಡ್​ಗೆ 2-1 ಅಂತರದಿಂದ ಸರಣಿ ಗೆದ್ದುಕೊಂಡಿದೆ.