ಲಾಕ್‌ಡೌನ್‌ ವೇಳೆ ಔಷಧ ಸಿಗದೆ ತಂದೆಯ ಮರಣ: ಅಂತ್ಯಕ್ರಿಯೆ ಮುಗಿಸಿದ ಹೆಣ್ಣು ಮಕ್ಕಳು

ಸಮಯಕ್ಕೆ ಸರಿಯಾಗಿ ಔಷಧ ಹಾಗೂ ತುರ್ತು ಚಿಕಿತ್ಸೆ ಸಿಗದ ಕಾರಣ ವ್ಯಕ್ತಿ ಸಾವನ್ನಪ್ಪಿದ್ದು, ಅಂತಿಮ ವಿಧಿ ವಿಧಾನಗಳನ್ನು ಅವರ ಹೆಣ್ಣು ಮಕ್ಕಳೇ ಮಾಡಿ ಮುಗಿಸಿದ್ದಾರೆ.

ಅಲಿಘಡ(ಉತ್ತರ ಪ್ರದೇಶ) : ಶ್ವಾಸಕೋಶ ಸಮಸ್ಯೆಯಿಂದ ಬಳಲುತ್ತಿದ್ದ ವ್ಯಕ್ತಿಯೋರ್ವ ಸಮಯಕ್ಕೆ ಸರಿಯಾಗಿ ಚಿಕಿತ್ಸೆ ಸಿಗದೆ ಸಾವನ್ನಪ್ಪಿದ್ದಾನೆ. ಕಳೆದ ಆರು ತಿಂಗಳಿಂದ ಸರ್ಕಾರಿ ಆಸ್ಪತ್ರೆಯಲ್ಲಿ ಔಷಧಿ ತೆಗೆದುಕೊಳ್ಳುತ್ತಿದ್ದ ಸಂಜಯ್ ಎಂಬ ವ್ಯಕ್ತಿಗೆ ಲಾಕ್​ಡೌನ್​ ವೇಳೆ ಸೂಕ್ತ ಔಷಧಿ ದೊರೆಯಲಿಲ್ಲ. ಹೀಗಾಗಿ ಕಳೆದ ರಾತ್ರಿ ಕೊನೆಯುಸಿರೆಳೆದಿದ್ದ.

ತಂದೆ ಸಾವನ್ನಪ್ಪುತ್ತಿದ್ದಂತೆ ಹೆಣ್ಣು ಮಕ್ಕಳೇ ತಂದೆಯ ಅಂತ್ಯಕ್ರಿಯೆ ಮತ್ತು ಅಂತಿಮ ವಿಧಿ ವಿಧಾನ ಮಾಡಿದ್ದಾರೆ. ಸಂಜಯ್​ ವೃತ್ತಿಯಲ್ಲಿ ಟೀ ಮಾರಾಟ ಮಾಡಿ ಮನೆ ನಡೆಸುತ್ತಿದ್ದ ಎಂಬ ಮಾಹಿತಿ ದೊರೆತಿದೆ.