ಹೈದರಾಬಾದ್: ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ನೀಡಿರುವ ಮಾಹಿತಿ ಪ್ರಕಾರ ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 5 ಲಕ್ಷದ ಗಡಿ ದಾಟಿದ್ದು, ಒಂದೇ ದಿನ ಬರೋಬ್ಬರಿ 18,552 ಕೋವಿಡ್ ಕೇಸ್ ದಾಖಲಾಗಿ, 384 ಜನರು ಸಾವನ್ನಪ್ಪಿದ್ದಾರೆ.
ರಾಜ್ಯವಾರು ಕೋವಿಡ್ ಚಿತ್ರಣ!
ನವದೆಹಲಿ: ರಾಷ್ಟ್ರ ರಾಜಧಾನಿಯಲ್ಲಿಂದು 2,948 ಕೋವಿಡ್ ಪ್ರಕರಣ ಕಾಣಿಸಿಕೊಂಡಿದ್ದು, ಈ ಮೂಲಕ 80 ಸಾವಿರ ಗಡಿ ದಾಟಿದೆ. ಕಳೆದ 24 ಗಂಟೆಯಲ್ಲಿ 66 ಜನರು ಸಾವನ್ನಪ್ಪಿದ್ದಾರೆ. ಜತೆಗೆ ಇಂದು ಒಂದೇ ದಿನ 2,200 ಜನರು ಗುಣಮುಖರಾಗಿದ್ದಾರೆ.
ಮಹಾರಾಷ್ಟ್ರ: ರಾಜ್ಯದಲ್ಲಿ ಕೋವಿಡ್ ಸೋಂಕಿತ ಪ್ರಕರಣ ಕಡಿಮೆಯಾಗುವ ಯಾವುದೇ ಲಕ್ಷಣ ಕಾಣಿಸುತ್ತಿಲ್ಲ. ಇಂದೇ 5,318 ಸೋಂಕಿತ ಪ್ರಕರಣ ಸಿಕ್ಕಿದ್ದು, 167 ಜನರು ಸಾವನ್ನಪ್ಪಿದ್ದಾರೆ. ಈ ಮೂಲಕ ಒಟ್ಟು ಸಂಖ್ಯೆ 1,59,133 ಆಗಿದೆ.
ಕರ್ನಾಟಕ: ಕರ್ನಾಟದಲ್ಲೂ ಕೊರೊನಾ ಸ್ಫೋಟಗೊಂಡಿದ್ದು, ಬರೋಬ್ಬರಿ 918 ಕೇಸ್ ಕಾಣಿಸಿಕೊಂಡಿವೆ. ಇದರಲ್ಲಿ 596 ಕೇಸ್ ಬೆಂಗಳೂರಿನಲ್ಲಿ ಸಿಕ್ಕಿವೆ. ಪ್ರಕರಣ ಹೆಚ್ಚಾಗುತ್ತಿರುವ ಕಾರಣ ರಾಜ್ಯದಲ್ಲಿ ಪ್ರತಿ ಭಾನುವಾರ ಲಾಕ್ಡೌನ್ ಮಾಡುವ ನಿರ್ಧಾರ ಕೈಗೊಳ್ಳಲಾಗಿದೆ.
ಗುಜರಾತ್: 615 ಪ್ರಕರಣ ಕಾಣಿಸಿಕೊಂಡಿದ್ದು, ಈ ಮೂಲಕ 30,773 ಕೇಸ್ ದಾಖಲಾಗಿವೆ. ಇಂದೇ 18 ಜನರು ಸಾವನ್ನಪ್ಪಿದ್ದಾರೆ.
ರಾಜಸ್ಥಾನ: ರಾಜಸ್ಥಾನದಲ್ಲೂ 284 ಕೋವಿಡ್ ಪ್ರಕರಣ ಕಾಣಿಸಿಕೊಂಡಿದ್ದು, 11 ಜನರು ಸಾವನ್ನಪ್ಪಿದ್ದಾರೆ. ಈ ಮೂಲಕ ರಾಜ್ಯದಲ್ಲಿ 16,944 ಕೇಸ್ ದಾಖಲಾಗಿವೆ. ಇದರಲ್ಲಿ 3,186 ಆ್ಯಕ್ಟಿವ್ ಕೇಸ್ಗಳಿದ್ದು, 391 ಜನರು ಸಾವನ್ನಪ್ಪಿದ್ದಾರೆ. ಒಡಿಶಾದಲ್ಲಿ 170 ಕೇಸ್ ಸಿಕ್ಕಿದ್ದು, ಕೇರಳದಲ್ಲಿ 195, ಮಣಿಪುರದಲ್ಲಿ 25, ಪಂಜಾಬ್ನಲ್ಲಿ 100 ನೂತನ ಕೇಸ್ ಸಿಕ್ಕಿವೆ.
ಪಶ್ಚಿಮ ಬಂಗಾಳ: ಪಶ್ಚಿಮ ಬಂಗಾಳದಲ್ಲಿ 521 ಕೇಸ್ ದಾಖಲಾಗಿದ್ದು, ಒಟ್ಟು ಸೋಂಕಿತ ಪ್ರಕರಣ 16,711 ಆಗಿದೆ. ಇದೇ 13 ಜನರು ಸಾವನ್ನಪ್ಪಿದ್ದಾರೆ.
ತಮಿಳುನಾಡು: ಇಂದು ಕೊರೊನಾ ಅಬ್ಬರ ಜೋರಾಗಿದ್ದು, 3,713 ಹೊಸ ಪ್ರಕರಣ ಸಿಕ್ಕಿವೆ. ಚೆನ್ನೈನಲ್ಲೇ 1,939 ಪ್ರಕರಣ ದಾಖಲಾಗಿವೆ. ಇದರ ಮಧ್ಯೆ 2,737 ಡಿಸ್ಚಾರ್ಜ್ ಆಗಿವೆ. 68 ಜನರು ಸಾವನ್ನಪ್ಪಿದ್ದಾರೆ.
ಉತ್ತರಪ್ರದೇಶ: 605 ಕೋವಿಡ್ ಕೇಸ್ ಸಿಕ್ಕಿದ್ದು, ಈ ಮೂಲಕ ಒಟ್ಟು ಸಂಖ್ಯೆ 21,548 ಆಗಿದೆ. ಜತೆಗೆ ಸಾವಿನ ಸಂಖ್ಯೆ 649ಕ್ಕೇರಿದೆ. ಸದ್ಯ ರಾಜ್ಯದಲ್ಲಿ 6,648 ಆ್ಯಕ್ಟಿವ್ ಕೇಸ್ಗಳಿವೆ. ಜಾರ್ಖಂಡ್ನಲ್ಲಿ 45 ಕೇಸ್, ಜಮ್ಮು-ಕಾಶ್ಮೀರದಲ್ಲಿ 204, ಉತ್ತರಾಖಂಡ್ನಲ್ಲಿ 66, ಕೇರಳದಲ್ಲಿ 195 ಕೇಸ್ ದಾಖಲಾಗಿವೆ.
