ಕೋವಿಡ್​-19 ಮೃತರ ಉಚಿತ ಸಮಾಧಿಗೆ ಮಹೀಮ್ ಸುನ್ನಿ ಮುಸ್ಲಿಂ ಕಬರ್​ಸ್ಥಾನ ಟ್ರಸ್ಟ್​​​ ನಿರ್ಧಾರ

ಕೊರೊನಾ ವೈರಸ್ ಸೋಂಕಿನಿಂದ ಮೃತಪಡುವ ತಮ್ಮ ಸಮುದಾಯದ ಸದಸ್ಯರನ್ನು ಹೂಳಲು ಬೃಹನ್​ ಮುಂಬೈ ಮುನ್ಸಿಪಲ್ ಕಾರ್ಪೊರೇಷನ್ ಆದೇಶಿಸಿರುವ ಸ್ಮಶಾನಗಳಲ್ಲಿ ಹೂಳಲಾಗತ್ತದೆ ಮಹೀಮ್​ ಸುನ್ನಿ ಮುಸ್ಲಿಂ ಕಬರ್​ಸ್ಥಾನ್​ ಟ್ರಸ್ಟ್​ ಹೇಳಿದೆ.

ಮುಂಬೈ: ಕೋವಿಡ್​-19 ನಿಂದ ಮರಣ ಹೊಂದಿದ ಸಂತ್ರಸ್ತರನ್ನು ಉಚಿತವಾಗಿ ಸಮಾಧಿ ಮಾಡುವುದರ ಜೊತೆಗೆ ಎಲ್ಲಾ ಖರ್ಚುಗಳನ್ನು ಭರಿಸುವುದಾಗಿ ಮುಂಬೈನ ಮಹೀಮ್ ಕಬರ್​ಸ್ಥಾನ ಟ್ರಸ್ಟ್ ತಿಳಿಸಿದೆ.

"ಇಂತಹ ಸಮಯದಲ್ಲಿ, ಮಾನವ ಕುಲಕ್ಕೆ ಸೇವೆ ನೀಡುವುದು ಅತ್ಯಂತ ಮುಖ್ಯವಾದ ಅಂಶವಾಗಿದೆ. ಎಲ್ಲಾ ಸಮಾಧಿ ಕಾರ್ಯಗಳನ್ನು ಉಚಿತವಾಗಿ ಮಾಡಲು ನಾವು ನಿರ್ಧರಿಸಿದ್ದೇವೆ. ಮಹೀಮ್ ಸುನ್ನಿ ಮುಸ್ಲಿಂ ಕಬರ್​​ಸ್ಥಾನ ಟ್ರಸ್ಟ್​​ನಿಂದ ಕೋವಿಡ್​-19 ಸಂತ್ರಸ್ತರ ಸಮಾಧಿ ವೆಚ್ಚವನ್ನು ನಾವೇ ಭರಿಸುತ್ತೇವೆ" ಎಂದು ಮಹೀಮ್ ಸುನ್ನಿ ಮುಸ್ಲಿಂ ಕಬರ್​ಸ್ಥಾನ ಟ್ರಸ್ಟ್ ಅಧ್ಯಕ್ಷ ಸುಹೇಲ್ ಖಾಂಡ್ವಾನಿ ಹೇಳಿದ್ದಾರೆ.

"ವಿಶೇಷ ಶವಪೆಟ್ಟಿಗೆಗಳನ್ನು ತಯಾರಿಸಲಾಗಿದ್ದು, ಸಮಾಧಿಯನ್ನು ಯಾರ ಹಸ್ತಕ್ಷೇಪವಿಲ್ಲದೆ ಮಾಡಲಾಗುತ್ತದೆ. ಸಮಾಧಿ ಮಾಡುವ ಮೊದಲು ಮತ್ತು ನಂತರ ಸ್ಯಾನಿಟೈಸ್​​​ ಮಾಡಲಾಗುತ್ತದೆ" ಎಂದು ಅವರು ತಿಳಿಸಿದ್ದಾರೆ.