ಪ್ರೇಯಸಿಗಾಗಿ ಪ್ರಶ್ನೆಪತ್ರಿಕೆಯನ್ನೇ ಲೀಕ್ ಮಾಡಿ, ಸಿಕ್ಕಿಬಿದ್ದ ಬಿಎಸ್​​ಪಿ ನಾಯಕ!

ಬಿಎಸ್​ಪಿ ನಾಯಕ ಫಿರೋಜ್​ ಆಲಾಂ ಅಕಾ ರಾಜಾ ಎಂಬಾತ ಅಲಿಗಢ ಮುಸ್ಲಿಂ ವಿವಿಯ ಎಂಬಿಎ ಪರೀಕ್ಷೆಯ ಪ್ರಶ್ನೆಪತ್ರಿಕೆ ಸೋರಿಕೆ ಪ್ರಕರಣದಲ್ಲಿ ಸಿಕ್ಕಿಬಿದ್ದಿದ್ದಾನೆ. ಈ ಕಳ್ಳ ಕೃತ್ಯಕ್ಕೆಯ ವಿವಿಯ ನೌಕರ ಇರ್ಷಾದ್​ ಎಂಬಾತನ ನೆರವು ಪಡೆದಿದ್ದಾಗಿ ಪೊಲೀಸರಿಗೆ ತಿಳಿಸಿದ್ದಾನೆ.

ಅಲಿಗಢ (ಉತ್ತರಪ್ರದೇಶ): ಪ್ರೇಯಸಿಗಾಗಿ ಎಂಬಿಎ ಪ್ರವೇಶ ಪ್ರಶ್ನೆಪತ್ರಿಕೆ ಲೀಕ್​ ಮಾಡಿದ ಬಹುಜನ ಸಮಾಜವಾದಿ ಪಕ್ಷದ ನಾಯಕನೊಬ್ಬ ಇದೀಗ ಕಂಬಿ ಎಣಿಸುತ್ತಿದ್ದಾನೆ.

ಬಿಎಸ್​ಪಿ ನಾಯಕ ಫಿರೋಜ್​ ಆಲಂ ಅಕಾ ರಾಜಾ ಎಂಬಾತ ಅಲಿಗಢ ಮುಸ್ಲಿಂ ವಿವಿಯ ಎಂಬಿಎ ಪರೀಕ್ಷೆಯ ಪ್ರಶ್ನೆಪತ್ರಿಕೆ ಸೋರಿಕೆ ಪ್ರಕರಣದಲ್ಲಿ ಸಿಕ್ಕಿಬಿದ್ದಿದ್ದಾನೆ. ಈ ಕಳ್ಳ ಕೃತ್ಯಕ್ಕೆ ವಿವಿಯ ನೌಕರ ಇರ್ಷಾದ್​ ಎಂಬಾತನ ನೆರವು ಪಡೆದಿದ್ದಾಗಿ ಪೊಲೀಸರಿಗೆ ತಿಳಿಸಿದ್ದಾನೆ.

ಇನ್ನು ಯಾತಕ್ಕಾಗಿ ಪ್ರಶ್ನೆಪತ್ರಿಕೆ ಲೀಕ್​ ಮಾಡಿದೆ ಅಂದ್ರೆ, ತನ್ನ ಪ್ರಿಯತಮೆ ಕಡೆ ಬೊಟ್ಟು ಮಾಡಿದ್ದಾನೆ. ಎಂಬಿಎ ಪರೀಕ್ಷೆ ಬರೆಯಲಿದ್ದ ತನ್ನ ಪ್ರೇಯಸಿಗಾಗಿ ಈ ಕೆಲಸ ಮಾಡಿದೆ ಎಂದು ಹೇಳಿಕೊಂಡಿದ್ದಾನೆ.

ಇದಕ್ಕೂ ಮೊದಲು ಗೆಳೆಯರ ಮಾತು ಕೇಳಿ, ನಕಲಿ ಪ್ರಶ್ನೆಪತ್ರಿಕೆಗಳನ್ನು ಕಳುಹಿಸಿದ್ದಾನೆ. ಇದು ಗೊತ್ತಾದ ನಂತರ ಪ್ರೇಯಸಿ, ಫಿರೋಜ್​ನೊಂದಿಗೆ ಮಾತಾಡುತ್ತಿರಲಿಲ್ಲವಂತೆ. ಪ್ರೇಯಸಿಯನ್ನು ಹೇಗಾದರೂ ಸಂತೋಷಪಡಿಸಬೇಕೆಂದು, ಹೈದರ್​ ಎಂಬುವವನ ಸಹಾಯದಿಂದ ವಿವಿ ನೌಕರ ಇರ್ಷಾದ್​ನನ್ನು ಪರಿಚಯ ಮಾಡಿಕೊಂಡಿದ್ದಾನೆ. ಇರ್ಷಾದ್​ನಿಗೆ ಖಾಯಂ ನೌಕರಿ ಕೊಡಿಸುವ ಆಮಿಷವೊಡ್ಡಿ, ಪ್ರಶ್ನೆಪತ್ರಿಕೆಗಳನ್ನು ಲೀಕ್ ಮಾಡಿಸಿದ್ದಾನೆ. ಅಷ್ಟಕ್ಕೇ ಸುಮ್ಮನಾಗದೆ, ಈ ಪ್ರಶ್ನೆಗಳಿಗೆ ಉತ್ತರ ಸಿದ್ಧಪಡಿಸಿ, ಪ್ರತಿಯೊಂದಕ್ಕೂ 2000 ರೂ ಹಣ ಪಡೆದು ಮಾರಾಟ ಮಾಡಿದ್ದಾನೆ. ಇದಕ್ಕಾಗಿ ವಾಟ್ಸ್​ಆ್ಯಪ್​ ​ ಗ್ರೂಪ್​ ಬೇರೆ ಮಾಡಿದ್ದನಂತೆ.

ಈತನ ಗ್ರಹಚಾರ ಕೆಟ್ಟಿದ್ದು ಎಂದು ಕಾಣುತ್ತೆ, ಇದೀಗ ಜೈಲುಪಾಲಾಗಿದ್ದಾನೆ. ಈತನಿಗೆ ಸಹಾಯ ಮಾಡಿದ ಹೈದರ್​ ಹಾಗೂ ಇರ್ಷಾದ್​ ಸಹ ಜೈಲುಕೋಣೆ ಸೇರಿದ್ದಾರೆ. ಇದೆಲ್ಲದಕ್ಕೂ ಕಾರಣಳಾದ ಫಿರೋಜ್​ನ ಪ್ರೇಯಸಿ ಮಾತ್ರ ನಾಪತ್ತೆಯಾಗಿದ್ದಾಳೆ.

ಎಸ್​ಎಸ್​ಪಿ ಆಕಾಶ್​ ತಿಳಿಸಿದಂತೆ, ಹೈದರ್​ನ ಸಂಬಂಧ ತಹ್ಸೀಮ್​ ಸಿದ್ದಿಕಿ ಸಮಾಜವಾದಿ ಪಕ್ಷದ ಅಧ್ಯಕ್ಷ ಅಖಿಲೇಶ್​ ಯಾದವ್​ರ ನಿಕಟವರ್ತಿಯಾಗಿದ್ದಾರೆ.