ಲಾಕ್​​ಡೌನ್​ನಿಂದಾಗಿ ಸಂಕಷ್ಟಕ್ಕೆ ಸಿಲುಕಿದ ಟಿಬಿ ರೋಗಿ: ಅನ್ನಕ್ಕಾಗಿ ಪರದಾಟ!

ಸುದೀರ್ಘ ಸಮಯದ ಲಾಕ್​​ಡೌನ್ ದೇಶದ ಕೋಟ್ಯಂತರ ಜನರ ಬದುಕನ್ನೇ ಕಿತ್ತುಕೊಂಡಿದೆ. ಅಂತವರಲ್ಲಿ ಬಿಹಾರದ ವೀರೇಂದ್ರ ಕೂಡ ಒಬ್ಬರು. ಟಿಬಿ ಕಾಯಿಲೆಯಿಂದ ಬಳಲುತ್ತಿರುವ ಇವರಿಗೆ ಸರಿಯಾದ ಚಿಕಿತ್ಸೆ ಬಿಡಿ, ಒಪ್ಪೊತ್ತಿನ ಊಟಕ್ಕೂ ಪರದಾಡುವ ಸ್ಥಿತಿ ನಿರ್ಮಾಣವಾಗಿದೆ.

ಗೋಪಾಲಗಂಜ್ (ಬಿಹಾರ): ಕೊರೊನಾ ವೈರಸ್​ ಲಾಕ್​​ಡೌನ್​ನಿಂದಾಗಿ ದೇಶದ ಬಡವರ ಸ್ಥಿತಿ ಹೇಳತೀರದಾಗಿದೆ. ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿರುವ ಅದೆಷ್ಟೋ ಬಡ ಕುಟುಂಬಗಳು ಒಪ್ಪೊತ್ತಿನ ಊಟಕ್ಕೂ ಪರದಾಡುವಂತಾಗಿದೆ.

ಬಿಹಾರದ ಗೋಪಾಲ್​ ಗಂಜ್​ನ ವಿರೇಂದ್ರ ಎಂಬ ವ್ಯಕ್ತಿಯೂ ಸಂಕಷ್ಟಕ್ಕೆ ಸಿಲುಕಿದವರಲ್ಲಿ ಒಬ್ಬರು. ಟಿಬಿ ಕಾಯಿಲೆಯಿಂದ ಬಳಲುತ್ತಿರುವ ವೀರೇಂದ್ರ ಅವರಿಗೆ ಚಿಕಿತ್ಸೆ ಬಿಡಿ, ಸರಿಯಾಗಿ ತಿನ್ನಲು ಅನ್ನ ಕೂಡ ಇಲ್ಲದಂತ ಪರಿಸ್ಥಿತಿ ಇದೆ.