ನಾಗ್ಪುರ(ಮಹಾರಾಷ್ಟ್ರ): ಪೊಲೀಸರಿಗೆ ದೂರು ನೀಡಿದ ಹಿನ್ನೆಲೆಯಲ್ಲಿ ಸ್ಥಳೀಯ ವ್ಯಕ್ತಿಯೋರ್ವನಿಗೆ ಯಾವುದೇ ರೀತಿಯ ಸೇವೆಗಳನ್ನು ನೀಡದಿರಲು ಕ್ಷೌರಿಕ ಸಂಘ ತೀಮಾರ್ನಿಸಿರುವ ಬೆಳವಣಿಗೆ ಮಹಾರಾಷ್ಟ್ರದ ನಾಗ್ಪುರದಲ್ಲಿ ನಡೆದಿದೆ.
ಕ್ಷೌರಿಕನ ಮೇಲೆ ಪೊಲೀಸ್ ಕಂಪ್ಲೇಂಟ್ ದಾಖಲಿಸಲು ಬಲವಾದ ಕಾರಣವೂ ಇದೆ. ಇಲ್ಲಿ ಕ್ಷೌರಿಕನೋರ್ವನ ಎಡವಟ್ಟಿನ ಪರಿಣಾಮ ಕಿರಣ್ ಠಾಕೂರ್ ಹೆಸರಿನ ನಾಗ್ಪುರ ನಿವಾಸಿ ಪೊಲೀಸರಿಗೆ ದೂರು ನೀಡಿದ್ದಾನೆ.
ಕಿರಣ್ ಠಾಕೂರ್ ನಾಗ್ಪುರ ಬಳಿಕ ಕನ್ಹಾನ್ ಪ್ರದೇಶದಲ್ಲಿನ ಸಲೂನ್ ಒಂದಕ್ಕೆ ತೆರಳಿ ಹೇರ್ಕಟ್ ಹಾಗೂ ಶೇವಿಂಗ್ ಮಾಡುವಂತೆ ಸೂಚಿಸಿದ್ದಾನೆ. ಆದರೆ ಕ್ಷೌರಿಕ ಸುನಿಲ್ ಲಕ್ಷಾನೆ, ಕಿರಣ್ ಬಳಿ ಕೇಳದೆ ಮೀಸೆಯನ್ನೂ ತೆಗೆದಿದ್ದಾನೆ.
ಕ್ಷೌರಿಕನ ಬೇಜವಾಬ್ದಾರಿಯಿಂದ ಕುಪಿತನಾದ ಬಂದ ಕಿರಣ್ ನೇರವಾಗಿ ಪೊಲೀಸ್ ಬಳಿ ತೆರಳಿ ಐಪಿಸಿ ಸೆಕ್ಷನ್ 507 ಅಡಿಯಲ್ಲಿ ದೂರು ದಾಖಲಿಸಿದ್ದಾನೆ.
ದೂರಿನ ಬಗ್ಗೆ ಪ್ರತಿಕ್ರಿಯಿಸಿರುವ ಕ್ಷೌರಿಕರ ಸಂಘದ ಅಧ್ಯಕ್ಷ ಶರದ್ ವಟ್ಕಾರ್, ಸುನಿಲ್ ಲಕ್ಷಾನ್ ವಿರುದ್ಧ ಮಾಡಿರುವ ಆರೋಪಗಳು ಸುಳ್ಳು ಮತ್ತು ನಿರಾಧಾರ. ಮೀಸೆಯನ್ನು ತೆಗೆಯುವ ಮೊದಲು ಕಿರಣ್ ಬಳಿಕ ಕೇಳಲಾಗಿತ್ತು ಎಂದಿದ್ದಾರೆ.
