ಡೆಹ್ರಾಡೂನ್: ಕೊರೊನಾ ವೈರಸ್ ಹಿನ್ನೆಲೆ ಇಂದು ನಡೆಯುತ್ತಿರುವ ಭಾರತೀಯ ಮಿಲಿಟರಿ ಅಕಾಡೆಮಿಯ (ಐಎಂಎ) ಪಾಸಿಂಗ್ ಔಟ್ ಪರೇಡ್ (ಪಿಒಪಿ) ಭಾರತೀಯ ಸೇನೆಯ ಯುಟ್ಯೂಬ್ ಚಾನೆಲ್‌ನಲ್ಲಿ ದೇಶಾದ್ಯಂತ ನೇರ ಪ್ರಸಾರವಾಗಲಿದೆ. ಪರೇಡ್ ನಡೆಯುವ ಮೈದಾನದಲ್ಲಿ ವೀಕ್ಷಣೆಗೆ ನಿರ್ಬಂಧ ಹೇರಲಾಗಿದೆ.
ಕೋವಿಡ್-19 ಕಾರಣದಿಂದ ಹಲವಾರು ಸಾರ್ವಜನಿಕ ಕಾರ್ಯಕ್ರಮಗಳಿಗೆ ಕಡಿವಾಣ ಹೇರಿದ್ದರೂ ಕೂಡ ಸಾಂಪ್ರದಾಯಿಕ ಪಾಸಿಂಗ್ ಔಟ್ ಪರೇಡ್ನಲ್ಲಿ ಜಂಟಲ್ಮೆನ್ ಕೆಡೆಟ್ಗಳ ಜೋಶ್ ಸಹಜವಾಗಿರಲಿದೆ. 2020ರ ಬ್ಯಾಚ್ನ ಪಾಸಿಂಗ್ ಔಟ್ ಪರೇಡ್ ಇದಾಗಿದೆ.
ಪ್ರತಿ ಆರು ತಿಂಗಳಿಗೊಮ್ಮೆ, ಐಎಂಎಯು ತನ್ನ ಕೆಡೆಟ್‌ಗಳಿಗೆ ಭಾರತೀಯ ಸೈನ್ಯದ ವಿವಿಧ ಶಸ್ತ್ರಾಸ್ತ್ರ ಮತ್ತು ಸೇವೆಗಳಿಗೆ ಸೇರುವ ನಿಟ್ಟಿನಲ್ಲಿ ಪಾಸಿಂಗ್ ಔಟ್ ಪರೇಡ್ ಆಯೋಜಿಸುತ್ತದೆ. ಪರೇಡ್ನಲ್ಲಿ ಭಾಗವಹಿಸುವ ವಿದೇಶಿ ಕೆಡೆಟ್‌ಗಳು ಆಯಾ ದೇಶಗಳಲ್ಲಿನ ಸೈನ್ಯಕ್ಕೆ ಸೇರಲು ತೆರಳುತ್ತಾರೆ.
ಕೊರೊನಾ ಭೀತಿ ಹಿನ್ನೆಲೆ ಐಎಂಎ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಕೆಡೆಟ್ಗಳ ಪೋಷಕರನ್ನು ಪರೇಡ್ಗೆ ಆಹ್ವಾನಿಸಿಲ್ಲ. ಇದಲ್ಲದೆ, ಕೆಡೆಟ್‌ಗಳು ಖಡ್ಗ ಮತ್ತು ಅತ್ಯುತ್ತಮ ಪ್ರದರ್ಶನಕ್ಕೆ ನೀಡಲಾಗುವ ಪದಕಗಳನ್ನು ಮುಟ್ಟವುದನ್ನು ನಿಷೇಧಿಸಲಾಗಿದೆ. ಅಲ್ಲದೆ ಪರೇಡ್ ನಡೆಯುವ ಮೈದಾನದ ವೀಕ್ಷಕ ಗ್ಯಾಲರಿಗಳು ಖಾಲಿ ಖಾಲಿಯಾಗಿರಲಿವೆ.
ಇಲ್ಲಿಯವರೆಗೆ, ಐಎಂಎಯು ಕಾಮನ್ವೆಲ್ತ್ ದೇಶಗಳ 2,413 ಅಧಿಕಾರಿಗಳು ಸೇರಿದಂತೆ 62,139 ರಾಷ್ಟ್ರೀಯ ಮತ್ತು ವಿದೇಶಿ ಅಧಿಕಾರಿಗಳಿಗೆ ತರಬೇತಿ ನೀಡಿದೆ.
