ವಾಯುಪಡೆಯ ಹಿರಿಯ ಅಧಿಕಾರಿಯಾಗಿ ಏರ್ ಮಾರ್ಷಲ್ ವಿಕ್ರಮ್ ಸಿಂಗ್ ಅಧಿಕಾರ ಸ್ವೀಕಾರ

ನ್ಯಾಷನಲ್ ಫ್ಲೈಟ್ ಟೆಸ್ಟ್ ಸೆಂಟರ್​ನಲ್ಲಿ ಕಾರ್ಯನಿರ್ವಹಿಸಿರುವ ಏರ್ ಮಾರ್ಷಲ್ ವಿಕ್ರಮ್ ಸಿಂಗ್, ಪಾಶ್ಚಾತ್ಯ ವಲಯದ ವಾಯುಪಡೆಯ ಹಿರಿಯ ಅಧಿಕಾರಿಯಾಗಿ ಅಧಿಕಾರ ಸ್ವೀಕರಿಸಿದ್ದಾರೆ.

ನವದೆಹಲಿ: ಪಾಶ್ಚಾತ್ಯ ವಲಯದ ವಾಯುಪಡೆಯ ಹಿರಿಯ ಅಧಿಕಾರಿಯಾಗಿ ಏರ್ ಮಾರ್ಷಲ್ ವಿಕ್ರಮ್ ಸಿಂಗ್ ಅಧಿಕಾರ ಸ್ವೀಕರಿಸಿದ್ದಾರೆ.

1984ರ ಡಿಸೆಂಬರ್ 21ರಂದು ವಿಕ್ರಮ್ ಸಿಂಗ್ ಅವರನ್ನು ಫೈಟರ್ ಸ್ಟ್ರೀಮ್​ಗೆ ನಿಯೋಜಿಸಲಾಗಿತ್ತು. ದಕ್ಷಿಣ ಆಫ್ರಿಕಾದ ಪ್ರಿಟೋರಿಯಾದಲ್ಲಿ ಫ್ಲೈಟ್ ಟೆಸ್ಟ್ ಕೋರ್ಸ್​ಗೆ ಸೇರುವ ಮೊದಲು ವಿಕ್ರಮ್ ಸಿಂಗ್ ಅವರು ಮಿಗ್ -21 ಮತ್ತು ಮಿರಾಜ್ -2000 ವಿಮಾನಗಳನ್ನು ಹಾರಿಸಿದ್ದರು.

ವಿಕ್ರಮ್ ಸಿಂಗ್, ನ್ಯಾಷನಲ್ ಫ್ಲೈಟ್ ಟೆಸ್ಟ್ ಸೆಂಟರ್​ನಲ್ಲಿ ಕಾರ್ಯನಿರ್ವಹಿಸಿದ್ದಾರೆ. ಅಲ್ಲದೆ ವಾಯು ಪ್ರಧಾನ ಕಚೇರಿಯಲ್ಲಿ ಏರ್ ಸ್ಟಾಫ್ ಯೋಜನೆಗಳ ಸಹಾಯಕ ಮುಖ್ಯಸ್ಥರಾಗಿ ವಿವಿಧ ಸಿಬ್ಬಂದಿಯ ನೇಮಕಾತಿಗಳನ್ನು ಮಾಡಿದ್ದಾರೆ.