ಡಾರ್ಜಿಲಿಂಗ್: ಡಾರ್ಜಿಲಿಂಗ್ ರಸ್ತೆಯಲ್ಲಿ ನಾಟಕೀಯ ಬೆಳವಣಿಗೆಯೊಂದು ನಡೆದಿದೆ. ಪತ್ನಿಯನ್ನು ಕೊಂದು ಬಂಧಿತವಾಗಿದ್ದ 55 ವರ್ಷದ ಕೊರೊನಾ ಸೋಂಕಿತ ವ್ಯಕ್ತಿ ಆ್ಯಂಬುಲೆನ್ಸ್ನಿಂದ ತಪ್ಪಿಸಿಕೊಂಡು ಓಡಿಹೋಗಿದ್ದು, ಆತನಿಗಾಗಿ ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ.
ಕೊರೊನಾ ಸೋಂಕಿತ ವ್ಯಕ್ತಿ ಶೌಚಕ್ಕೆ ಹೋಗಬೇಕು. ಆ್ಯಂಬುಲೆನ್ಸ್ ನಿಲ್ಲಿಸುವಂತೆ ಕೇಳಿಕೊಂಡಿದ್ದಾನೆ. ಆ್ಯಂಬುಲೆನ್ಸ್ ಇಳಿದು ರಸ್ತೆ ಬದಿಯ ಕಾಡಿಗೆ ಹೋಗಿದ್ದಾನೆ. ಈ ವೇಳೆ ಆ್ಯಂಬುಲೆನ್ಸ್ ಚಾಲಕನಿಗೆ ರೋಗಿ ಓಡಿ ಹೋಗುವುದು ಅರಿವಾಗಿದೆ.
’’ಶೌಚಾಲಯಕ್ಕಾಗಿ ಆ್ಯಂಬುಲೆನ್ಸ್ ನಿಲ್ಲಿಸುವಂತೆ ಕೇಳಿಕೊಂಡನು. ಆ್ಯಂಬುಲೆನ್ಸ್ ನಿಲ್ಲಿಸಿದ ನಂತರ ಆ ವ್ಯಕ್ತಿ ಹತ್ತಿರದ ಕಾಡಿಗೆ ಹೋದನು. ಸ್ವಲ್ಪ ಸಮಯದ ನಂತರ ಆತ ಓಡಿ ಹೋಗ್ತಿರುವುದು ಕಂಡು ಬಂತು. ತಕ್ಷಣ ಆತನನ್ನು ಹುಡುಕುವ ಪ್ರಯತ್ನ ಮಾಡಿದೆ. ಆದರೆ ಆತ ಸಿಗಲಿಲ್ಲ. ಹೀಗಾಗಿ ತಕ್ಷಣ ಪೊಲೀಸರಿಗೆ ದೂರು ನೀಡಿದ್ದೇನೆ’’ ಎಂದು ಡ್ರೈವರ್ ಹೇಳಿದ್ದಾನೆ. ಇನ್ನು ವಿಷಯ ತಿಳಿದ ಪೊಲೀಸರು ಆತನಿಗಾಗಿ ಶೋಧ ನಡೆಸುತ್ತಿದ್ದಾರೆ.
ಆಘಾತಕಾರಿ ವಿಷಯ ಏನೆಂದರೆ ಸೋಂಕಿತ ವ್ಯಕ್ತಿ ಕೊಲೆ ಆರೋಪಿಯಾಗಿದ್ದಾನೆ. ವಾರದ ಹಿಂದೆಯಷ್ಟೇ ಪೆರೋಲ್ ಮೇಲೆ ಆತ ಜೈಲಿನಿಂದ ಬಿಡುಗಡೆ ಆಗಿದ್ದ. ಈ ವೇಳೆ ಆತನನ್ನ ಪರೀಕ್ಷೆಗೊಳಪಡಿಸಿದಾಗ ಪಾಸಿಟಿವ್ ಕಂಡು ಬಂದಿತ್ತು.
