ಔರಂಗಾಬಾದ್ (ಮಹಾರಾಷ್ಟ್ರ): ಪ್ರೀತಿಸಿದ ಮುಸ್ಲಿಂ ಗೆಳತಿಯನ್ನು ಮದುವೆಯಾಗಲು ಅನ್ಯ ಧರ್ಮಕ್ಕೆ ಮತಾಂತರವಾಗಬೇಕು ಎಂದು ಯುವತಿಯ ಕುಟುಂಬಸ್ಥರು ಹಿಂಸೆ ನೀಡಿದ್ದು ,ಇದಕ್ಕೆ ನಿರಾಕರಿಸಿದ ಯುವಕನ ಮೇಲೆ ಹಲ್ಲೆ ನಡೆಸಿರುವ ಘಟನೆ ಮಹಾರಾಷ್ಟ್ರದ ಔರಂಗಬಾದ್ನಲ್ಲಿ ನಡೆದಿದೆ.
ಸಂತ್ರಸ್ತನನ್ನು ದೀಪಕ್ ಸೋನ್ವಾನೆ ಎಂದು ಗುರುತಿಸಲಾಗಿದ್ದು, ಈತ ಔರಂಗಾಬಾದ್‌ನಲ್ಲಿ ಬಿಇ ಮೆಕ್ಯಾನಿಕಲ್ ಇಂಜಿನಿಯರ್ ಆಗಿದ್ದಾನೆ. ಇವರಿಗೆ 2018ರಲ್ಲಿ ಅದೇ ಕಾಲೇಜಿನಲ್ಲಿ ಓದುತ್ತಿದ್ದ ಮುಸ್ಲಿಂ ಹುಡುಗಿಯೊಬ್ಬಳ ಪರಿಚಯವಾಗಿತ್ತು. ಆ ಪರಿಚಯ ಪ್ರೀತಿಗೆ ತಿರುಗಿತ್ತು ಮತ್ತು 2021 ರಲ್ಲಿ ಇವರು ಮದುವೆಯಾಗಲು ನಿರ್ಧರಿಸಿದರು.
ಹಾಗಾಗಿ ಈ ಜೋಡಿಗಳು ವಿಷಯವನ್ನು ಹುಡುಗಿಯ ಕುಟುಂಬಕ್ಕೆ ತಿಳಿಸಿದಾಗ, ದೀಪಕ್ನನ್ನು ಇಸ್ಲಾಂಗೆ ಮತಾಂತರಿಸುವಂತೆ ಕೇಳಲಾಯಿತು. ಆದರೆ ದೀಪಕ್ ಮತಾಂತರಗೊಳ್ಳಲು ನಿರಾಕರಿಸಿದಾಗ ಯುವತಿಯ ಮನೆಯವರು ಥಳಿಸಿದ್ದಾರೆ. ಈ ಚಿತ್ರಹಿಂಸೆ ಒಂದೆ ದಿನಕ್ಕೆ ನಿಲ್ಲದೆ ದಿನಗಟ್ಟಲೆ ಮುಂದುವರೆಯಿತು.
